How to make it 3 | كيف تصنع دفتر ؟
كيف أصنع دفتر يدوياً ؟
تقريبا من سنتين ونص خضت تجربة العمل الخاص، وبعت دفاتر عملتها يدويا في أحد البازارات. راح أنشر تجربتي قريب <- – بدري مره ترا ![:]](http://domo3.us/blog/wp-includes/images/smilies/icon_mrgreen.gif){kind=icon}
المهم بعدها صرت أتلقى طلبات من الناس القريبة ، ويعطوني اللي يبونه في الدفتر ، مثلا مقاسه وشكله و شكل الورق وأنا أحاول قد طاقتي وأسوي اللي أقدر. حبيت أشرح الخطوات البسيطة لعمل دفتر يدوي، بعض الناس تحب تعمل اشيائها بنفسها وكنوع من نشر الفائدة راح أنشر دفاتري وكيف أعملها وإيش الخامات اللي استخدمها. هالمرة راح أشرح طريقة دفتر مبسط وحجمه صغير، عملته قبل كم يوم عشان يكون مكان لأفكاري ، آخذه معاي وين ما أروح، أسجل فيه أفكاري وأهدافي الصغيرة والكبيرة، اللي ناوية أبداها واللي مو ناوية .
بسم الله نبدأ.
الخامات والأدوات :
#ورق كرتون ( أي كرتون في البيت ، كرتون بيبسي – مناديل أي شيء يمشي حاله )
#أوراق تغليف ( بعضها كنت مشتريتها وبعضها بقايا اوراق من هدايا )
#أي شيء تفضلونه للتزيين سواء شرائط او أزرار. كله يرجع لذوقكم.
#مقص – صمغ.
أولا:
أقص الكرتونة بحسب المقاس اللي أبي. مرات أكتفي بقصها ،( ومرات أنزع الطبقة اللي فوقها عشان تظهر خطوط الكرتون، وتعطي شكل جميل ).
ثانيا:
أبدأ مرحلة تزيين الكرتونة بأي شكل أنا حابته. في هالدفتر اخترت أزينه بأوراق تغليف بطريقة عشوائية وبألوان مختلفة. أول شي لصقت القطعة اللي فيها ورود بنفسجية، وفوقها لصقت القطع الثانية زي ما هو موضح بالصور:
بعد ماخلصت مغطية الكرتونة بورق التغليف، حبيت أضيف شي زيادة من شيء أحبه. شخصيا أحب الريبونز المنقطة، فاخترت هاللون وقررت أحطه في أحد الزوايا:
* كانت فكرتي بهالطريقة ، انو زي ما يحطون ريبون أسود على صور الأشخاص المتوفين، أنا احط ريبون بلون مليان نشاط وبشيء أحبه، أبي أعبر عن الدفتر بطريقة أنو يحمل حياتي وأفكار حياتي، وتجاربي البسيطة وأهدافي المعلنة وغير المعلنة.. ببساطة دفتر الحياة.
الحين بعد ماخلصت تماما الغلاف، بقى الورق الداخلي + السلك. شخصيا أفضل السلك لأنو مرات جربت أخرم الكرتون مع الورق واربطهم بشريطة، بس طلعت الفكرة غير عملية خصوصا لدفتر راح أستخدمه كثير. فصرت أسويه سلك. أخذت ورق أبيض A4 لانه مو مسطر ، ما أبي أي سطور ! أبي ورقة ( بيضاء حرة ) وقصيته على نفس حجم الغلاف، وأخذته المكتبة وطلبت منه يسوي له سلك . والنتيجة :
بإمكان أي احد يصنع الأجمل إذا استخدمنا خيالنا وأفكارنا البسيطة. الأشياء اللي من صنع يدنا ونتيجة لأفكارنا راح يكون لها معزة خاصة عندنا حتى لو تطورت مهاراتنا. راح تبقى تحمل معاها ذكريات اليوم اللي عملت فيه هالشيء، وراح تظل تحمل معاني كبيرة داخلك. جربوا تصنعون ولو حاجة وحدة بس بيدكم وبجهدكم. توفير مال واستثمار جهد و وقت ومتعة في حاجة ترافقك طويلا : ) .
29 أكتوبر 2009 في الساعة 3:21 ص
أنا عندي آلة السلك
الله يرحم أيام الروضه خلتني أجيب كل الأجهزه! شغل يومي
لك
29 أكتوبر 2009 في الساعة 6:01 ص
رائع , عجبتني الفكرة مرة خصوصا الدفتر بيكون قريب الى قلبك ودائما امام ناظريك تقلبه
وهنا الفائده المرجوة منه![:]](http://domo3.us/blog/wp-includes/images/smilies/icon_mrgreen.gif)
شكرا 
29 أكتوبر 2009 في الساعة 7:01 ص
برافو عليك
ممكن سؤال صغنون: كيف أقص الورق على مقاس معين لّما يكون كمية، كل ما أقص مجموعة تميل مايصيرون نفس المقاس مرتبين ولمّا أخرمهم سوا بالسلك يطلع شكلهم شنيع : $
جربت: مقص / مسطرة ومشرط : $
29 أكتوبر 2009 في الساعة 8:51 ص
ماشالله عليك يا نوال
بس الأورنج يعني مو مره 
مصورة وقارئة ومدونة وفنانة بالأعمال اليدوية . . وكله تعملينه بمهارة
ربي يوفقك ويزيدك
الفكرة رائعة وعجبني كثير ذوقك في اختيار ورق التغليف
في إنتظار جديدك .
29 أكتوبر 2009 في الساعة 10:49 ص
النــااااه ماأجمل صنع الدفاتر
![:]](http://domo3.us/blog/wp-includes/images/smilies/icon_mrgreen.gif)
أنا كمان وحده ما أستخدم إلا دفتر يروق لي ، حتى لو كان استخدامي له للدراسه
أهتم بتفاصيله مرة ، ولما باخت أشكال الدفاتر الجاهزة و زادت شروطي
صرت أغلف دفاتري بنفسي و على مزاجي
فكرت والله أعمل دفتر كااامل ، بس العائق الأوراق اللي جوا ، ماأحب أكتب بصفحة بيضا ولاألقى صفحات مسطرة مو مخرمه
فصرت أشتري دفتر عادي وأزبرق غلافه بالكولاج وأرتبه مع ان جهة الـ تسليك تبهذل بالـ تغليف بس تمشي معي
حبيت ألوان الدفترة مرة
29 أكتوبر 2009 في الساعة 11:37 ص
وااااااو يا نوال
قد ايش الفكرة بسيطة و في نفس الوقت خطيييييرة
و أحلى شي الصفحات بدون سطور .. يا سلااااام تحسين افكارك بدون حدود و لا قيود
انا مرة شريت دفتر مو مسطر في فيزياء مستوى أول
كنت استمتع و انا اكتب مرة على جنب و مرة مايل و مرة عادي
كان خيالي ما له حدود اكتب مستمتعة
شكرا يا غالية
29 أكتوبر 2009 في الساعة 12:02 م
ياااااي ، مره فن
أنا دفتري الأحمر بيخلص قريب ، وقاعدة أفكر عن شكل الدفتر الي بشتريه![:]](http://domo3.us/blog/wp-includes/images/smilies/icon_mrgreen.gif)
شكلي بسوي واحد خاص عشان ما أتعب أدور شي يشبهني
29 أكتوبر 2009 في الساعة 12:31 م
@شَذَى!:![:]](http://domo3.us/blog/wp-includes/images/smilies/icon_mrgreen.gif)
انا مررره مفكرة اشتري الآلة خصوصا لو كنت ناوية اتوسع :”(
تنصحين فيها ؟ ومن وين اخذتيها ؟ وهل ماركة عن ماركة تفرق ؟ وايش احسن شيء
شذى
29 أكتوبر 2009 في الساعة 12:32 م
@Dhaifullah Bader:
بالضبط .. أحس لايمكن اتخلص من اي دفتر عملته بيدي
العفو
29 أكتوبر 2009 في الساعة 12:35 م
@noura:
انا كنت اقص مجموعة اوراق سوا ، تقريبا 10 كذا بمقص . طبعا احط خط عشان ما اميل.
لكن كانت العملية متعبة ، فصرت استخدم قصاصة الورق
زي هذي:
http://www.nationalartcraft.com/images/sub-1522-02.jpg
فيه انواع رديئة، تقص الورق بطريقة مشوهة فعلا. فاحرصي على نوع كويس .
ولو ما عندك هالآلة او ما تحتاجينها بكثرة عشان تشترينها، ودي الورق للمكتبة وهو يقصها لك بالحجم اللي تبينه.
* المشرط مره سيء مع الورق.. احسن شي للمشرط تستخدمينه مع الكرتون او فلين..
خ نشوف دفترك
29 أكتوبر 2009 في الساعة 12:37 م
@♣ S.A.R.A.H ♣:
ياحبي لك ، مره شكرا على كلماتك اللي دايمن تعطيني انطباع حلو.
بالنسبة للاورنج قصدك الاصفر
؟ يمكن مع التصوير طالع اورنج
هو صحيح احس انو ستايله مو متماشي مع باقي الورق. لكن انا حبيت احط فيه من كل شيء
لاني ابي اكتب جوا الدفتر افكاري كلها.
اقدر رأيك وان شاء الله المرات الجاية يعجبك الغلاف اكثر
29 أكتوبر 2009 في الساعة 12:43 م
@Muneerah:
نفس الحالة ! ما احب الدفاتر الجاهزة ابد، احس كل الناس زيي
بالنسبة للورق اللي جوا ، لو كنت احتاج مسطر فأسوي ورقة بالوورد احط فيها سطور بالشكل اللي ابي.![:]](http://domo3.us/blog/wp-includes/images/smilies/icon_mrgreen.gif)
واطبعها واصورها وانتهت المشكلة.
هو شغلانة صح بس قسمن الشعور روعة !
حبك كل شي حلو
29 أكتوبر 2009 في الساعة 12:46 م
@إيمان:
امون انتي شخص فاهمني
انا شبه اكره المسطر :”( مع انو خطي يميل ! بس احس احلى شي اني اكتب براحتي وعلى كيفي
جاتني فترة حست ابو المكتبات على دفتر غلافه اسود ومن جوا مو مسطر
اخر شيء لقيته بجرير في قسم دفاتر الرسم والسكتشات
مره مره مريحني وخصوصا انو الغلاف اسود اقدر اسوي فيه اللي ابي
هذا هو المتعة بالكتابة على ورق غير مسطر
29 أكتوبر 2009 في الساعة 12:47 م
@أَلُـوف:
سوي بأبسط الأدوات اللي عندك/ شوفي الاشياء اللي ماتحتاجونها بالبيت
وسوي عليها .. اضمن لك راح يكون شي تحبينه جدا..
خل أسوي لك
؟
29 أكتوبر 2009 في الساعة 12:49 م
ما يندرى عن الجودة عاد
لازم المسه بيديني واستخدمه بنفسي عشان أتأكد > >
29 أكتوبر 2009 في الساعة 12:54 م
بس دفترك أحلى
ومرررره حبيت الريبون 
29 أكتوبر 2009 في الساعة 1:00 م
الله
أحب الأشياء اللي كذا
أعجبتني الشريطة اللي بالزواية برغم بساطتها خلت الغلاف مميز
شكراً دموع إن شاء الله بسويها
29 أكتوبر 2009 في الساعة 1:00 م
@Jaz:
؟
من قال بعطيك
29 أكتوبر 2009 في الساعة 1:01 م
@نجلاء حسين:
الله
تدرين مررره اقدر اللي يسوون اكسسوارات :”( احس فيهم انوثة جدا
ورينا شغلك
29 أكتوبر 2009 في الساعة 1:01 م
@نور:
وه
متأكدة بيطلع شغلك حلو، ذوقك جميل
29 أكتوبر 2009 في الساعة 1:21 م
ما شااءالله
مراا حبيييت ذوقك ياختي
حلوين الاوراق اللي استخدمتيها .. وحبيت فكرة الريبون كثير
صوري لنا كل دفاترك خل ناخذ افكار طيب
عاد انا ناوية اشتري لي دفتر , بس شكلي ب اشتري العدّة واسوي لعمري
29 أكتوبر 2009 في الساعة 1:25 م
ما شاء الله عليك
فنانة
حبيت الدفتر وألوانه راقية
ناوية اتفرغ لـ هالأشياء بعد التخرج
29 أكتوبر 2009 في الساعة 1:29 م
نواال شفتي الدفتر الاسود اللي مو مسطر اللي بجرير
هذا دفتر السكتشات حق الديزاين لازم كل ترم واحد
نوال
ليت عندي اخو كبير ازوجك اياه
29 أكتوبر 2009 في الساعة 1:30 م
تسلم الايادي يا جميلة
حبّيته كثير . .
انا شغفي الدفاتر بكل اشكالها . . اكتب فيها شذرات سواليف قصص،
العام الماضي حصلت على هدايا من كذا شخص وكلهم دفاتر ، ومن شدة الحماس ما زالت صفحات بعضها خالية ، ما ودّي اخربها ههههه
توقعي اطلب منك شي دفتر وثيمه كوفي وفناجين
واكتب فيه حكاياتي مع القهوة !
يومك جميل
29 أكتوبر 2009 في الساعة 1:32 م
يااااااااي نايس نايس ونعووووم عجبني
حلو فكرة انك سويتي الأوراق والسلك بنفسك
انا عشقي هالأشياء وأي شي شغل يدوي
انا كمان كان لي تجربة شاركت في ملتقى وكان من ضمن اشياءاتي دفاتر
بس انا جبت دفاتر سلك عادية غلافها مقوى عدة ألوان بس طبعا سادة كل دفتر لون عشان آخد راحتي بالتزيين.. وزينت كل دفتر..
لو حابة تشوفيهم في مدونتي في تصنيف crafts
29 أكتوبر 2009 في الساعة 3:10 م
@Mone_xp:
.
حبتك العافية يارب
انا مصورة بعضهم، وان شاء الله كل ماسويت راح اصور واعرض
وان شاء الله تستفيدين
29 أكتوبر 2009 في الساعة 3:12 م
@سوير:
يسلمك ربي،
الله يبلغك بالتخرج وكل شي حلو يارب
29 أكتوبر 2009 في الساعة 3:13 م
@loolya:
صدق :”(
انا اشتريت منه كثييييييييييير، احسه مره مره يعجبني
اعجبني منه المقاسات الكبيرة
عشان اسوي لك الدفاتر ببلاش
؟ 
29 أكتوبر 2009 في الساعة 3:18 م
@Farfalla:
يسلم قلبك
انتي من الناس اللي احس لازم معاهم دفتر بكل مكان.
افكارك الصغيرة لازم لازم تتوثق. لمن اقرا بلوقك دايمن اسأل نفسي
اجل كيف دفاترها الصغيرة ماشاء الله ؟
يوصلك الدفتر
29 أكتوبر 2009 في الساعة 3:20 م
@Spring Rose:
يسلمك ربي
شفتهم ماشاء الله تبارك الله، حلوين الدفاتر كثير
بس ما تنزعجين انها مسلكة وخالصة ؟ يعني يضايقني وجود السلك مسبقا. احب يكون الشغل بدون سلك
عشان اخذ راحتي .
29 أكتوبر 2009 في الساعة 3:49 م
الله الله على الروعة يانوال .. من جد إبداع إبداع
![:]](http://domo3.us/blog/wp-includes/images/smilies/icon_mrgreen.gif)
والله لايضرك على هيك فن
أجرب وأعرضه تيب
29 أكتوبر 2009 في الساعة 4:20 م
@domo3:
لا ما عندي مشكلة مع السلك عادي..
المشكلة الوحيدة هي اني أحيانا احب تكون الخلفية من ورق معين
فطبعا ما راح أقدر احط الورق على كل الغلاف عشان السلك
بس تخطيت هالمشكلة وخليت الجزء اللي عند السلك بدون الخلفية زي ما شفتي في بعض الدفاتر وأحرص طبعاً ان تكون الألوان كلها متناسقة الغلاف مع الخلفية..
والباقي عادي ما في أي مشكلة خصوصاً لما يكون التصميم اللي ببالي ما يحتاج ورق خلفية لكامل الغلاف..
29 أكتوبر 2009 في الساعة 4:27 م
نواالوو يا حليلك .. ماشاء الله دفترك حييل جميل
حبيته ماشاء الله
انا احب اسوي أشيائي بنفسي و بالرغم من سؤال الناس عن أشيائي الا انهم ولا مره أحد طلب منى اعمل له شي
يمكن لانهم يستسهلون الجاهز ؟؟ او اني ما عرفت اسوق لنفسي زين
عموما كنت بسألك ،، السلك المعدني أول مره يمر علي وش اسمه و عاده تحصلينه بكل المكتبات ؟؟
29 أكتوبر 2009 في الساعة 4:32 م
لا عشان تصيرين بالشرقيه عندنا و نطلع مع ريم و عروب و نهى
29 أكتوبر 2009 في الساعة 4:58 م
@domo3:
![:]](http://domo3.us/blog/wp-includes/images/smilies/icon_mrgreen.gif)
، وأنا ماجربت أنواع ثانية أو هيك 
: $ أنا كمان عندي الآلة ، أخذتها بـ 2800 من زميل للعائلة ، ماركتها RENZ وتخريمها مربعات مش دوائر …صناعتها ألمانية، ما أعرف أسعارها في السوق الآن
صغيرة ويدوية وجيدة وفعّالة
http://www.renz-germany.de/en/home/
شكراً نوال
بعرض شغلاتي إن شاء الله ، بس خليني أجيب كميرا بالأول 
29 أكتوبر 2009 في الساعة 5:26 م
نوال على ان الفكرة بسيطة واكثر الاشياء متوفرة بالبيت الا ان النتيجة رااااااااائعه
حبييييييييييييتها مرة 
تسلم الايادي ان شاء الله
29 أكتوبر 2009 في الساعة 5:31 م
ايه مرره تريحك من روحة المكتبات واذا الشغله دائما فتوفر عليك…..
(أنصحك تروحين لشارع الجمله أكيد عندكم مكان للجمله فيه مكتبات جنب بعض
ومحلات للفنون وللورق؟)
أنا كنت رايحه لسوق الجمله عندنا بالشرقيه فيه كل المكتبات وكل شي بهذاك المكان
الكلام من 4 سنين تقريبا ترى… مدري اذا تغيرت الاسعار او لا بس:
آلة تعغليف حراري ب 360 جدا حلو سعرها وتشتغل معاي تمام الى الآن…
الورق تبعها شريت بالدرزن وقتها حجم A3 A4 بس ما اذكر سعرها
آلة تقطيع الورق كبيره الى A3 ب 200 او 170 ناسيه والله بهالحدود
آلة السلك اللي بالضغط اليدوي زي اللي عند المكتبات تقريبا ما أذكر زادت عن 150
وطبعا راح تحتاجين لاسلاك فيه مقاسات ما أقصد الطول لا اقصد السمك عشان
على حسب كمية الورق اللي بالدفتر غالبا ما استخدم مقاس 5 و 6 و 7
الماركات الحين طلعت اشياء جديده ويمكن افضل نوال ما أدري والله وش ارشح لك منهم
اهم شي في التقطيع والسلك انك تحركين الساعد وتشوفين كيف حركته ثابته ولا يتهزز
+ امكانية تغيير الضغط بالنسبه لآلة السلك…
وآلة التغليف الحراري أفضل تكون 220 v ويكون ضمانها فوق السنه حتى اذا سنه مو مشكله
30 أكتوبر 2009 في الساعة 12:20 ص
أحب أشتغل بيدي , مهما كانت المحلات مليانه دفاتر , بس مستحيل تلقي واحد يعبر عنك
بين فترة وفترة ,, أجلس أسوي بالكولاج أغلفة دفاتر , أزينها و أنبسط وانا اشتغل عليهم![:]](http://domo3.us/blog/wp-includes/images/smilies/icon_mrgreen.gif)
الاسبوع اللي فات عملت مفكرة للكتب والقراءة ,,
تحمست مرره فيها وقلت بنزلها في المدونة لما أخلصها ,, والى يومك ماكملتها
تسلم ايدينك
30 أكتوبر 2009 في الساعة 4:47 ص
فـــــــــن
30 أكتوبر 2009 في الساعة 1:26 م
@زهور الحب:
منتظرة تجربتك بعنف
30 أكتوبر 2009 في الساعة 2:20 م
@Spring Rose:
هو كويس ويحفظ الوقت، بس انو زي ماقلتي لو كنت ابي لون ارضية غير
+ لو كنت ابي اغطي كل الدفتر بيكون مزعج وجود الاسلاك
بس طريقتك اللي تتعاملين فيها معاه جميلة وسهلة
اتمنى لك التوفيق والتطور في هالمجال
30 أكتوبر 2009 في الساعة 2:24 م
@iNdoOo .. النــدى:
انتي اعرضي اعمالك على اساس انو تستقبلين طلبات.
بعضهم ما يفهم انو ممكن تسوين من هالشيء بزنس، يتوقعه مجرد هواية تستفيدين منها على حدود ضيقة.
الجاهز اسهل صح ! بس مكرر :/
بنات المدارس لاحظت ما يهمهم هالشيء بقوة خصوصا لو كان دفتر لمدرسة، لكن بنات الجامعة لاحظتهم اكثر شي يشترون مني. لان المحاضرات تتطلب دفاتر وبمواصفات ترتاح لها البنت.
جربي اعرضي اشيائك على اللي حولك وابدي معاهم
موفقة
30 أكتوبر 2009 في الساعة 2:31 م
@loolya:
خخخخخخخخخخخخخخخ تفكير جميل :”(
ادعي يا يمان وقسم ابي اجي عندكم
30 أكتوبر 2009 في الساعة 2:34 م
@noura:![:]](http://domo3.us/blog/wp-includes/images/smilies/icon_mrgreen.gif)
ممتاز ! كأنو سعرها غالي ؟ مره شفت وحدة بـ 900 ريال
يمكن عشانها المانية مثلا :/
تخريم المربعات اجمل وأأنق
العفو يا سكر، متحمسة اشوف شغلاتك
30 أكتوبر 2009 في الساعة 2:34 م
@مضيعه بيتهم:
حبتك العافية
30 أكتوبر 2009 في الساعة 2:36 م
@شَذَى!:
آلة التغليف الحراري عندي من سنتين يمكن
اخذتها من جرير ومقاسها A3
مره مره مره روعة صراحة، وفعالة جدا و جودتها جدا عالية، خدمتني وخدمت البيت كله.
اما بالنسبة للتخريم، فعندنا سوق يسمونه سوق السويلم، لكن ما ادري لو موجود فيه هالشيء او لا.
يبي لي اروح لهم.
شكرا على معلوماتك عنها ، فادتني والله
متشكرة شذو
30 أكتوبر 2009 في الساعة 2:37 م
@Honey:
ممتاااااااااااز طيب !
انا زيك ما عاد صرت احب دفاتر المحلات
يلا كملي الشغل و ورينا وخلينا نشوف الجمال اللي تسوينه
30 أكتوبر 2009 في الساعة 2:38 م
@نبض:
شكرا على ذوقك
30 أكتوبر 2009 في الساعة 3:29 م
الله الله مرهـ روعه .. آبداع ماشاء الله
تسلم ديآتك من جد عجبتني الفكـرهـ
30 أكتوبر 2009 في الساعة 3:56 م
نفسي أسوي حاجات زي كدا أحسها مرره حلوة تكوني مميزة بشيء يخصك ومن عملك بس اللمسات الفنيه ماهي عندي أبدا احاول بس ماأعرف أطلع شيء حلو
ماشاء الله شغلك يهبل
30 أكتوبر 2009 في الساعة 5:23 م
يا حبيلك لا والله يا خزياه : $
خلني أفضى و أسوي شي من خيالي الجامح
1 نوفمبر 2009 في الساعة 12:10 ص
@نص تفاحه:
يسلمك ربي
اسعدني رأيك
1 نوفمبر 2009 في الساعة 12:11 ص
@Mashael.M:
انتي بس تخيلي شكل الدفتر اللي تبينه ، وطبقي الشكل
ومع الوقت تتحسن اللمسات الفنية
انتي كلك تهبلين
1 نوفمبر 2009 في الساعة 12:11 ص
@أَلُـوف:
ورينا طيب ؟
1 نوفمبر 2009 في الساعة 9:24 م
ماشاء الله .. شغلك جميييل مره يختي
تسلم يديك
2 نوفمبر 2009 في الساعة 5:10 ص
[...] مدة قصيرة للقياس لكنني التزمت الحمد لله).. هي عبارة عن دفتر صغير ذو شكل جديد (لا يتناسب حقيقة مع شخصيتي، ولكنها من ضمن [...]
2 نوفمبر 2009 في الساعة 6:55 م
:
الله يانوال
أحب أفكارك كثير
وفكرة الدفتر مدهشة
خاصة إني أحب أقتني دفاتر واحياناً أجمعها بدون مااكتب شي
بحاول أسوي الفكرة هذي بس ع دفتر جاهز
مدري مافيني أعمل أوراق
تسلم يدك
3 نوفمبر 2009 في الساعة 1:34 م
ياليتني رديت بالبداية عشان أقهرهم وأقول ان تو واصلني منك دفتر![:]](http://domo3.us/blog/wp-includes/images/smilies/icon_mrgreen.gif)
نوال تدرين من كثر ماخقيت ع الي سويتي لي ماحطيته للجامعة ماتستاهل وقلت لك من أول ماشفت صورته
حطي صورة حقي يلااا قولي سويته لندو البثره
في طلباااات بالطريق بس مب الحين خل أتفرغ
4 نوفمبر 2009 في الساعة 5:54 م
ياسرع الدنيا نولي…
تذكرين البازارل ما تقابلنا ..
أحس كنا أنواع الفهاوة ذاك اليوم
بس بصدق الدفاتر للحين عندي …
صحيح استخدمتها لكن محتفظه فيها… واحبها
تسلم يدينك…
5 نوفمبر 2009 في الساعة 9:47 م
رووووووووووووووعة ماشاء الله تبارك الله
أتمنى إني أفرغ شوي من وقتي لهالأعمال ,.
بإذن الله سأطبق العمل قريبا
أسأل الله لك التوفيق في الدنيا والآخرة
6 نوفمبر 2009 في الساعة 9:53 ص
حتى لو لم نكن موهوبين ..أعمال كهذه من فترة لأخرى ..تجدد الحياة ..
والدورة الدموية !!
11 نوفمبر 2009 في الساعة 7:24 م
مررة جميل ماشاء الله
يزيدك ربي من فضله الواسع .
13 نوفمبر 2009 في الساعة 12:00 ص
جميل
14 نوفمبر 2009 في الساعة 5:02 م
مبدعه يانوال
15 نوفمبر 2009 في الساعة 10:11 ص
واو بيطير العقل يانوال
ماشاء الله أفكارك رائعة
وأنا أحب الأفكار اللي هيك
إن شاء الله حجرب اعمله وإن شاء يصلح معي
الله يحميك
21 نوفمبر 2009 في الساعة 4:43 ص
اللللللللله اعجبني بقوة احب اسوي اعمال يدوية
عاد أنا اموت على الدفاتر اعطيتيني فكرة اني اسويها بنفسي
باذن الله أبدأ أصنع لي دفاتر بنفسي
شكراً للعمل الإبداعي
21 نوفمبر 2009 في الساعة 11:24 ص
أعجبني كثير..
وكل شغلك بالكولاج رايق الله يزيدك من فضله..
موفقه
23 نوفمبر 2009 في الساعة 8:28 ص
عملت كولاج أمس بطاقة صغيرة لعيد ميلاد أحدهم
شكراً جزيلاً لك انك زرعتي حب الكولاج بقلبي
أحب الكولاج من زمان بس ما عمري تجرأت و سويته الا بعد
أعمالك مشكورة
25 نوفمبر 2009 في الساعة 10:22 م
فنانة..
30 نوفمبر 2009 في الساعة 9:08 ص
ماشاءالله يجنننن
خطيره والله وانا من اول اتأمل الصور كيف قدرت تخرم الدفتر خخخ ما جاء على بالي إني ممكن اوديه المكتبه![:]](http://domo3.us/blog/wp-includes/images/smilies/icon_mrgreen.gif)
فكره خطيره والله حلو الإنسان يكون له لمساته الخاصه لأنه راح يزيد قيمة الشيء بالنسبة له