متى أذكرك ؟
الأصل في السؤال إنه يكون متى ما أتذكرك ؟
أذكرك في كل شيء ، في الظروف الكويسة والسيئة.. لمن تمشي معاي الحياة وأمشي معاها ولمن تعاكسني وتمشي ضدي .. لمن أوقف ولمن أجلس.. ولمن أتعثر .
لمن أنجح ولمن أفشل.. وبالمناسبة الفشل يكثر من بعدك .. لمن أسرح ولمن انشغل .
أذكرك وأنا في السيارة ومع إنو عارفة انو ما رح أشوفك أظل أفتش في لوحات السيارات..
ههه ! نكتة أنا ؟ يعني بالعربي الفصيح : أبدو لك كـ نكتة ؟ مو مشكلة انا نكتة .
لمن تسود الدنيا ومحد بيفهم العقدة اللي تتكون جواتي غيرك .. ساعتها أذكرك ..
لمن تخرب كل الأشياء اللي سويتها وبنيت عليها احلام اذكرك .. لمن يتحقق الحلم أتذكرك وبالمناسبة الاحلام بعدك ما تتحقق . لمن أشوف النشرة الجوية وأحوال الطقس على العربية ويمر اسم مكانك أتذكرك .. نعمة صح ؟ ع الأقل اعرف عندك برد او حر ..
لمن يخرب الجدول الدراسي حقي اذكرك.. مو لانك تذكرني بالحاجات السيئة .. لا .. ابدا لا..
بس لأنو ما حد يقدر يطلعني من هالحالة غيرك .. لمن اشيل هم بزيادة أو لمن أتبلد أتذكرك .. ماحد يقدر يعيشني الوضع الطبيعي وبتوازن غيرك .
لمن يجي طاري الهرب أتذكرك :| لانك القدوة الأولى لي في الهرب .. كنت تهرب من كل شيء .. ويبدو لي محد ربحان غيرك .. والكلام اللي ينقال انو لازم نواجه المشاكل وما نهرب منها مجرد كلام .. يمكن يمكن مو أكيد .. لساتني مو متأكدة .. بس اللي أعرفه اني واجهت كل شيء وخسرت اشياء كثيرة .. واللي هرب .. فاز .. (مبروك عن جد مبروك)، والاهم ارتاح . لمن تبدأ الجامعة وحوستها بأول الأسابيع وتتدهور النفسية أذكرك لانك المنقذ الوحيد
لأنك الشيء الوحيد اللي كنت أبي أرجع من الجامعة عشانه.
لمن تتوازن نفسيتي بوسط الترم اتذكرك :| غريب صح ؟ يمكن لانك تمثل كل حالاتي..
توزان – إفراط – تفريط .. حتى لمن أطنش دروسي محد يخليني أقعد ادرس غيرك .
لمن ادرس بزيادة واتعب ( وهذي نادر تصير على فكرة ) محد يقول لي ارتاحي ويكفي غيرك .
لمن أشوف محل الورد أتذكرك .. وتخيل يعني إنو هالطريقة تضمن إنو كل يوم أتذكرك.. المحل جمب بيتنا وكل ماطلعت وكل ماجيت اشوف المحل وأتذكرك .. وطبعا يعني ما عندك ولا حاجة تذكرك فيني .. لان أنا دايمن يناسب لي دور الغبية والوفية ودور الفتاة صاحبة الذاكرة الفولاذية . لمن أبكي بشدة أذكرك ولمن أنسى كيف أبكي أذكرك .. والغريب أني احملك مسؤولية إني ما اقدر أبكي ..
لمن تتجمع كل الأشياء الصغيرة علي. لمن تتعطل كل الأشياء ولمن أوقف بالنص ما اقدر أرجع ولا اقدر امشي قدام ، ولمن أدوخ وأنا بكامل صحتي ولمن أعيش صعوبة البدايات
ولمن يتعطل التفكير عن كل الأشياء أتذكرك وأنا اصلا افكر فيك.. يعني تصور تطور الحالة عندي أتذكرك وانا أفكر فيك.. مرت عليك هالحالة ؟ أكيد لا.. تمر علي أنا بس .
لمن يجي الليل اتذكرك ، وحتى الصبح اتذكرك . ولمن يموت أحد اذكرك ، ولمن يولد أحد اذكرك . والله العظيم اتذكرك
ولمن أحد يختفي أتذكرك ، ولمن أحد يظهر اتذكرك .. بس أعرفك انك ما راح تبين . ومع كذا أتذكرك
ولمن يجي بريد جديد اتذكرك مع انو عاارفة انو ما راح ترسل، ولمن أحد يسجل دخول بأي شيء اون لاين اتذكرك مع انك طلعت للأبد. للأبد.. ومع كذا اذكرك
وإذا حسيت إني بموت تذكرتك لانو اعرف تماما إن موتي بداية وعذر، و موتك عندي نهاية والم .. ومن غبائي اتذكرك ! اتذكرك
ولمن يصير شيء حلو بالعائلة الكل يفرح، إلا انا اجلس بركن وأتذكرك .. ما شاركتني في هالحدث .. وتمر الفرحة و أتذكرك.
ولمن يجي البرد أتذكرك ، لانو ماحد بيدفني . الملابس ما تغطي مكانك .. ولمن يجي المطر أتذكرك .. مع انه يعني من زمان ماجانا مطر بس اذكرك
ولمن أفرمت جهازي اقسم بالله أتذكرك ، واقول لا يجي يوم وتظن اني ممكن أفرمتك من مخي ، ولا بيجي يوم وانساك باختباري او غصب عني ؟ طيب ؟ اذكرك !
ولمن اكتب كلام زي كذا اعرف انك ما راح تقراه اتذكرك..ولمن ابدااحس اننا نعيش الحظة بالتناقض اتذكرك،يعني انا ليل وانت صبح انازعلانة وانت العكس
ولمن أسكر كل شيء يشتغل وأطفي النور واتحلف بالغطا وانا مافيني نوم يختفي كل شيء واتذكرك
لمن انتهي ولمن أبتدي أتذكرك.. ولمن تختلف الظروف وتصير ضدي أو معي اتذكرك، وبالمناسبة هي غالبا ضدي.. كنت انت الشيء الوحيد بس اللي معاي.. وكان فعل ماضي ناسخ يعني الحين حتى إنت صرت ضدي ..
وش بقى لي ؟
![:]](http://domo3.us/blog/wp-includes/images/smilies/icon_mrgreen.gif){kind=icon}
13 أكتوبر 2008 في الساعة 12:47 ص
بقالك يومك وحياتك .. ومستقبل اللي محد يعرفه غير ربك ..
عيشي يومك لك … مو لأحد غيــرك ….
13 أكتوبر 2008 في الساعة 1:09 ص
يبدو ان ذاكرتك طليقة .. كـ ذاكرتي
تذكرت :
” كل شي يعيدني إليك”
“كلما هممت بمغادرتك تعثرت بك”
أحب اسلوبك نوال
13 أكتوبر 2008 في الساعة 1:26 ص
يااااااااه يا نوال!
ع الجرح بالتمام
http://www.6rbwow.com/song.php?id=9977
أتبعك .. ويضيع العمر ,,
يضيع الطريق .. وخطوتي ,,
وادورك في خـدود الزهـر .. في الليـل في عيـون القمـر ,,
وادورك في نبض قلبي الجديد .. كل ما لمحتك بعيد واسأل عليك الصبر ,,
الله لو تدري حبيبي وش كثر مليت العتاب !!
وانت في قلبي حزن .. في عيوني سراب ,,
خايف انا خايف لو امشي لك سنين ,,
و يجف قلبي من الظما وانزف حنين وما نلتقي !!
خـايــف يذوب باقي الامل في دمعتي ,,
وانت على بعد النظر .. ألمسـك باطرافه .. اقرب من عروقي .. من الشوق !!
و مهما تبعدك المسافه ..
كـل ما طل الفجر اسالك عليك الصبر ..
يا عذاب .. يا جرح الهجر .. بين صحراء ومطر
يا سراب .. دربه يجافي القدم اللي مشى فيه شوق وخوف وندم !!
سألت الغيوم .. بـأي الدروب ألقاك يوم ؟!
رد الصدى يعتذر .. لا تنتظـر !!
حبـه وجـوده في حياتكـ .. ســراب .. سرااااااااااب !
13 أكتوبر 2008 في الساعة 1:48 ص
@e7sasy:
اليوم بيخلص ، وبكرا اتمنى ان ربي ينسيني بس عشان اعيش ..
احبك دايمن ترفعين معنوياتي ..
13 أكتوبر 2008 في الساعة 1:50 ص
@ذات الشمم ..:
طليقة وصلبة .. وما تتركك ابد .. صح ؟ هذي هي ذاكرتي ..
الاقتباس اليم
لمين ؟
احبك اكثر
13 أكتوبر 2008 في الساعة 1:51 ص
@أرطبون,,:
ويضيع العمر ويضيع الطريق ويضيع الاحساس
ويضيع العقل ويضيع القلب ويضيع اليوم وبكرا وبعدو
ويضيع الهنا ويضيع الحب ..
وبعد هذا بنلتقي ؟ ما بنلتقي ..
13 أكتوبر 2008 في الساعة 2:29 ص
أحلام مستغانمي / عابر سرير
13 أكتوبر 2008 في الساعة 2:49 ص
@ذات الشمم ..:
احلام
13 أكتوبر 2008 في الساعة 3:15 ص
13 أكتوبر 2008 في الساعة 3:24 ص
عورتي قلبي وبس
حسيت بكل حرف ! كل حرف يانوال !
لما تحسين انه كل شي يذكرك فيه ..
الاماكن والاوقات والاجواء والمواقف ..
كل موقف يصير تشوفينه فيه بشكل ولا بثاني ..
بكل لحظة تحسينه موجود ..
كل شي قدامك يذكرك فيه ..
ممكن حتى لو كان شي جديد مالحق عليه .. تلقين بهالشي الجديد شي يذكرك فيه !
ان شاء الله بس لانه [ شي جديد! وتعودت اعلمه عن اي شي جديد ] !
كل مكان تشوفينه فيه ..
اي مكان تطلعين منه عشان تنسينه بتلقينه قدامك بالمكان الثاني !
يمكن لانك هربتي والهروب يذكرك فيه !
تشوفينه بكل شي حتى نفسك !
[ حتى صوتي وضحكتي لك فيها شي ! ]
انت مانسيتيه .. بس هالاشياء تزيد الالم !
وربي حاسة بكل حرف !
بس ان شاء الله بيرجع !
بيرجع يانوال وتصيرين تتذكرين هذي الايام وهذا الوجع !
بيرجع وبتجين تبشرينا تراه رجع خلاص !
بيرجع وبتزعلين عليه ، بعدين بتورينه كل شي وتقولين له عن كل شي صار بعده !
بيرجع ان شاء الله بيرجع !
13 أكتوبر 2008 في الساعة 4:08 ص
أنا ما انساك لو تنسى ..
ومطول علي بعدك ..
عساك أنتا بخير ..
.
.
.
.
ويا صدى من غير صوت
عابر سرير واحلام .. قصة كـ كلمات تسللت بين أحرفك!
13 أكتوبر 2008 في الساعة 4:40 ص
يارب رجعه لها يارب
الله يهدي بالك ياحبيبتي ..
13 أكتوبر 2008 في الساعة 1:54 م
عيشي يومك لك … مو لأحد غيــرك
>>>>> نقولها بس والله صعب نطبقها ..
اللله يعينك يارب
13 أكتوبر 2008 في الساعة 2:51 م
كلماتك رائعة
، وإحساسك وصل لداخلي، لو كنت تتألمني، فإذكري وابتسمي لان الذكرى جميلة مهما كانت قاسية الان، جميلة الذكريات 
تحياتي
13 أكتوبر 2008 في الساعة 5:10 م
بقي لك كل ما اردت أن يكون لك ..
دمت
..
13 أكتوبر 2008 في الساعة 7:26 م
14 أكتوبر 2008 في الساعة 12:06 م
كلاكيت ، 1..2…3 …. أكشن !
(ريم وهاديه)
جود
جود
جود
والله بتذبح نفسها
لاااااااااااااااااااااااااااااااااااع
نو نو نوال نو
وربي انه مدري وش أبي !
أبي نروح لندن
14 أكتوبر 2008 في الساعة 12:07 م
آخر شي
الله لا يرده
14 أكتوبر 2008 في الساعة 12:39 م
(من قال أن الذكرى .. نصب الأماكن .. ؟؟؟؟ هناك : … ذاكرة المكان ..
وذاكرة الحدث ..
وذاكرة الكلمات ..
وذاكرة الأرواح ..
وذاكرة الهدايا …
و ( ذاكرة الجسد ) !!! )
+
(لكنه الأمل فقط .. يقبل حين تصطادني ذكراك بنعومة ..
والألم فقط ……. حين أرتطم موتاً .. بوقاحة واقعي !! )*
نسيت لمين الاقتباس
بس ل غاده خالد أو أحد قرييب منها
14 أكتوبر 2008 في الساعة 12:47 م
مبكية! بس مبكية!!
نفس الحالة أعيش فيها دي الأيام.. أو بالأصح من بداية دي السنة!
ماعاد أبغى
14 أكتوبر 2008 في الساعة 9:17 م
مافيه أي كومنت ..
بوست مزدحم بالمشاعر .. مزدحم بكل شئ ..
مش ممكن اقول شئ ..
بس خفي على قلبك نوال ..
لا تضغطين على نفسك اكثر
14 أكتوبر 2008 في الساعة 9:20 م
: ( فاهمتني يانوال !!
14 أكتوبر 2008 في الساعة 10:51 م
:”
،
يا ربّ إن لم تكتب لنا لقاء في دنيا فانية ،
فـ لا تحرمنا اللقاء على سُرر متقابلة لا تفنى !
..
لـ 
ك
15 أكتوبر 2008 في الساعة 3:03 م
عسى أيامك الحلوه تعود ,, مع المعني بالكلام أو غيره
( يا نعمة النسيان ,, ياهبة الله ) ,, >> عسى الله أن يمن عليك بها
15 أكتوبر 2008 في الساعة 6:21 م
الله الله الله يا نوال
15 أكتوبر 2008 في الساعة 7:46 م
نوال انا مريت بنفس حالتك هذي “بالضبــط ”
و ماكان في أي ممكن اكتبه يوصف حالتي ..
و ماكنت ألقى بمواساة صديقاتي أو قصايد الشعراء
شي يريحني او يخفف عني ..
كنت أنطفي .. أذبل .. أموت …. لحالي !
متى صحيت …؟
بعدما قريت هذي العباره :
[ التذكر هو الموت،
فمن يستدعي ذكرياته يمت تواً
.............. كأنما يبتلع قرص السمّ ] ..!
عرفت ايش قد انا قاسيه على نفسي
وقلت ليه أسوي كذا ؟!
اذا الناس اللي أمنتهم على قلبي و حياتي أهملوني / آذوني ..
انا راح اهتم بنفسي و بحب نفسي و بعششق نفسي
كانت أول خطوه احقق فيها هذا الهدف ..
اني أمحيهم / أشيلهم من ذاكرتي و للأبد ..
ما أشيلهم بالمعنى اياه ..
ولكن ما أخلي لهم أي “تأثير” يُذكر
و الحمدلله قدرت ..
الحياة يا نوال ماتوقف عند أحد ..
16 أكتوبر 2008 في الساعة 1:03 م
لترنمي في الذكرى فالذكرى هي الباقيه
ولتوفي بذكراك
ولا تنسي احلى اللحظات
16 أكتوبر 2008 في الساعة 7:07 م
تعلمي دائماً…
مهما أحببنا … مهما عشنا وقتاً جميلاً مع أحد…
لا يمكن أن تتوقف الحياة بعدهم…
عيشي حياتك لك أنتي… وكيفما تريدين..
لتتذكريها أنتي .. ولا تتذكرين فيها أحد سواك…
ولا توقفي حياتك عند أحد مهما كان قريباً…
نتعب في بداية الأمر…
نصاب بإنهيارات نفسية عنيفة ..
لكن تأكذي أن الله لايكلف نفساً إلا وسعها…
لك كل دعوات القلب ياغالية
17 أكتوبر 2008 في الساعة 2:16 ص
لاتتذكرينه
مايسوى !
18 أكتوبر 2008 في الساعة 10:16 ص
عالجــرح
تدرين كثير يجيني شعور ياليت عندنا فرمته عقلية لتمنحنا فرصة العيش من جديد وبدون ذكرى !!!!!!
نوال كلامك عبــر عني كثييييييير كثير
19 أكتوبر 2008 في الساعة 1:28 م
ياربيه نوال بقوه منذو مبطي عنتس !!
ق1
with your words you touched my heart !
& made my eyes full of tears !
u got what it takes to be a writer !!
الله يهدّي سرّك
(L)
19 أكتوبر 2008 في الساعة 11:33 م
^
شسمه
ترا هذي هنوف بنت عمي يعني هنو هذيك
<- طيب ؟
نونو : احبّس وقسم : (
20 أكتوبر 2008 في الساعة 12:14 ص
الحياة ما بتوقف لحد
تركي جرحك للزمن و التفتي ليومك و الايام كفيلة تشفي الجرح
20 أكتوبر 2008 في الساعة 2:50 ص
لا ارى في قلبك سواه .. و بقية من دم ممزوج بذكراه !
—-
اول كلمة جات في بالي لمن انتهيت من القراءة : ياحظه
20 أكتوبر 2008 في الساعة 2:45 م
شكرا شكرا شكرا .. من كثر ما احس اني ما اقدر اعبر لكم
ما اقدر غير اقول شكرا شكرا شكرا ..
يارب اقدر ارجع وارد على كل واحد فيكم
22 أكتوبر 2008 في الساعة 11:36 م
Hurt
25 نوفمبر 2008 في الساعة 11:12 م
نوال أحبك ..
1 ديسمبر 2008 في الساعة 10:09 م
في يوم تمنيت افقد الذاكره
عشان ما اموت كل يوم الف مررره
مع كل احساس
مع كل فرحه وحزن
مع كل شي واي شي وولاشي
ذاكرتي الغبيه…تثبت قوتها!!
احساس مؤلم يمكن نتشارك فيه بشكل او بأخر
عبرتي عني بععععنف
ربك كريم