طـيري ، والـسما بلادك

السلام عليكم ورحمة الله وبركاته.

للتوضيح الالف بعد المليون.. انا ما افسر القرآن.. انا اتدبر واربطه بمعاني الحياة اللي نعيشها.. انا انقل كيف افهم بعض الايات وممكن يكون فهمي خاطئ وممكن صح. ما راح اتطرق لاي تفسير الا في الضرورة، تقدرون تشوفون اي تفسير لاي آية من كتب كثيرة ومواقع ع النت برضو.

هذي الآية من الكفوف اللي تلقيتها في الحياة.. كفوف ايجابية طبعا.. دايما لمن نتحدث بأي موضوع كان يوصلني كلام موحد: انو مو مهم ناخذ هالشي في الدنيا.. مو مهم يكون عندك كذا وكذا.. مو مهم مو مهم .. .. والى الاخر من هالكلام اللي يحسسك بالاستكانه والكسل والسلبية وان المؤمن هو اللي ما يفكر بالدنيا اصلا .. وينتهي الحديث بقناعتهم في الاخرة وان الدنيا مو للؤمنين. وبس كذا مكتفين ايديهم ويكتفون ايدي غيرهم بسلبيتهم ويفهمون الاشياء فهم سطحي واعتباطي ويقولون الدنيا مو لنا،،

غلط!! في رأيي هذا غلط.. الارض والحياة في الارض هبه من الله.. استخلفنا فيها عشان نصلح.. مو عشان نتركها.. استخلفنا فيها عشان تكون وسيلة للوصول للجنة ورضا الله.. الارض لله واحنا خلفائه في الارض.. واجبنا نصلح٫ واجبنا نحافظ على الدنيا ونتمسك فيها ونديرها لاننا مسلمين احق بالدنيا من غيرنا.. احق فيها من امريكا ومن المانيا ومن اليابان.. الارض هي رسالتنا كمسلمين.. نبغى الدنيا والآخرة سوا!! من قال انها تتعارض ؟ من قال ان هالهدفين اضداد بعض ؟ احنا مسلمين نبي نفوز بالدنيا ونبي نفوز بالآخرة ان شاء الله.. نبي حياة جميلة نقاتل ونجاهد ونكافح عشانها.. ونبي جنة ورضا من الخالق العظيم !! نبي نكوّن عائلات بطريقة مثالية تقريبا.. نبي وظائف ممتازة.. نبي احسن تعليم ممكن يكون موجود.. نبي نطور انفسنا ماليا وفكريا ونبي نعيش حياة سعيدة وكريمة ونبي بنفس الوقت نسخر هالحياة الكريمة للآخرة.. لاتسمع للي يحبطك عن اهدافك واحلامك ولا تصدق اللي يقولك الاخرة لنا والدنيا مب مهمة! الاخرة لنا ان شاء الله وكذلك الدنيا.. ليه تعيش حياة مو حلوة بالدنيا ؟ بينما انت فيك تعيش حياة حلوة ! تعرف مين احسن الناس؟ اللي كسبوا الدنيا والآخرة سوا.. شوفوا كيف من زمن الرسول وبعده.. شوفوا كيف سادوا الدنيا! شوفوا كيف ورثوها صح.. شوفوا كيف كانوا احسن الناس وكيف كانت الموارد المالية عظيمة !! وكيف كان مستوى التعليم والاختراعات.. وكل شي الحين احنا فيه بدا من هذاك الزمن ! ويقولون الدنيا مو مهمة ؟ متى تكون مو مهمة لمن تكون هي هدفك الاوحد،، لمن تسعى ورا لذات عابرة.. لمن تهتم بتوافه الدنيا.. لكن بتكون مهمة لمن تشوفها طريق للآخرة.. مهمة جدا لمن تعرف انك موجود لهدف وانك انت بذاتك مستخلف في الأرض.. وانك لازم ترث هالارض وتدير مكانك فيها بالشكل الصحيح..

نبغى حضارة في الدنيا وجنة في الآخرة.. نبي رضا الله دنيا وآخرة.. نبي نكون المؤمنين الأقوياء مو الضعفاء اللي يكتفون بالجلوس والزهد السلبي ويحسبون الآخرة تحصل لهم بهالطريقة.. لاتكون من اللي اذا ماحصل له الشيء بسبب تقصيره علق فشله على زوال الدنيا وتذكر الآخرة.. كافح وجاهد الحياة لاخر نفس في حياتك..زي ماتعيش في الارض بتعيش في الآخرة.. لو تكسلت عن الاصلاح وعن الحياة الافضل مو بالضرورة تكون من الناس اللي يفوزون بالاخرة.. يقول د.احمد خيري العمري: ربما أكبر الكبائر ألا تفعل شيئاً على الإطلاق في حياتك.. مهما يقولون لك خلي همك الاول الله ورضاه والحياة الاخرة والنجاح في الدنيا بعد.. مو بالضرورة تكون زاهد وتمشي جمب الحيط عشان تكون مؤمن.. مو بالضرورة تكون مؤمن اذا اتخذت مكان بعيد عن الحياة واكتفيت بالصلاة والصيام وقعدت! لا تقعد قوم.. قوم،، الله يقول: قم فأنذر.. قم الليل الا قليلا .. لا تجلس وتكتف يدينك وتقول الاخرة لنا.. احصل على الدنيا في الارض .. صلحها تقرب بعملك لله.. وبتفوز بالدنيا والاخرة بإذن الله،، هذي مو ايجابية والا ايمان هذي تخذيل واحباط.. الايجابية والايمان انك تعرف هدفك في الحياة وفي الارض بالذات وتسعى لكل قدرتك انك تعيش احسن حياة تقدر عليها.. لمن تسعى وتسعى وما تحصل.. وتظل تسعى وما تيأس.. هذيك الساعة الوعد في الآخرة.. : )

مصدقة ومؤمنة انا يارب.. مصدقة ومؤمنة..  اللهم اتنا في الدنيا حسنة وفي الآخرة حسنة.

السلام عليكم ورحمة الله وبركاته.

أحس إنو هالشيء نعمة لنا.. ايوا نعمة انو ما نفكر بشيئين بوقت واحد.. والا اجتمعت التناقضات و وقفنا محلنا ما قدرنا نكون ايجابيين او سلبيين. سبحان الله العظيم! سبحان الله الأكبر! كانت صعبة عليه يخلقنا واحنا قادرين نشتغل بشيئين في نفس الوقت؟! ابدا مو صعبة حاشاه تعالى. لكن هذا كله من صالحنا..

الآية هذي ترسم لنا طريقة فعالة جدا جدا في طرد القلق والافكار السلبية . تعطينا مفتاح التركيز والانتاج.. الاية تقول ركز بشيء واحد.. لان عندك قلب واحد بس مايقدر يحتمل او ينتج او يتقدم وفي تفكيرك كل شيئ.. مايقدر يكون قلب او مخ مركز الا لمن تختار شيء واحد تفكر فيه او تنشغل فيه هاللحظة، وزي ما نعرف انو الواحد لمن يبي يطرد اي افكار سلبية يروح ينشغل باي شي ثاني يروح يقابل ناس ايجابية لانه لمن يشتغل مايقدر يكون سلبي ومشغول.. لان الشغل بيشغله عن التفكير السلبي،، لان الشغل بيخليه يوقف عن القلق والتوتر.. لان اخلاصه لفكرة وحدة في وقت واحد يضمن له اكبر فعالية واكفأ انتاجية.. زي لانك ماتقدر تكون في مكانين وزمانين مختلفين بنفس الوقت! ماتقدر تجمع احساسين مختلفين بذات الوقت.. ماتقدر تنشغل بالسعادة وانت حزين.. ماتقدر تنشغل بالعمل لنهضة الامة وانت تحس بيأس او سلبية.. ماتقدر تروح تسوي رياضة وانت تحس بالكسل..

انشغل بالحياة او الموت بيشغلك.. انشغل بالحق او الباطل بيشغلك.. انشغل بالايجابية والا السلبية بتاكل منك ومن ايامك.. انشغل باليقين والا اليأس بيصير صاحبك.. ركز في مشروعك والا راح تجيك الف فكرة مشروع غيره وتتشتت وما راح تنتج ولا فكرة.. اخلص لرسالتك في الحياة والا راح ينتهي فيك المطاف وانت ماعندك رسالة.. انشغل بالحقيقة والا التظليل كان حليفك !

مافيه انسان منشغل بالحق وبيلاقي له الباطل طريق! مافيه انسان قلبه متعلق بالله ويقدر الشيطان يظلله بدون رجعة للكريم! سخر طاقتك لله، للحق ، للايجابية. اخلص لافكارك واخلص للحياة اللي وُهبتها. تبنى فكرة ونفذها وانشغل فيها ساعتها راح تجذب لنفسك الاشياء الايجابية والافكار الخلاقة، ساعتها راح تنسى القلق لان: ما جعل الله لرجل من قلبين في جوفه..

مؤمنة ومصدقة انا يارب.. مؤمنة ومصدقة!

السلام عليكم ورحمة الله وبركاته.
من فترة تمر علي هالآية! واقرا كثير في الاعجاز العلمي في هذي الآية واللي تليها عن مراحل خلق الإنسان. ياسبحان الله! ليه طين؟ ليه بالذات طين؟ ليه مو خشب مثلا! ليه مو أي شي ثاني من المواد الطبيعية؟ ليه طين؟ ليه ليه ! انا ؤمن إيمان تام إنو دائما ربي بيعلمنا من المعاني المستترة أكثر من المعاني الظاهرة.. وانه مافيه شي اسمه صدفة اطلاقا.. كل شي يحدث لسبب نعلمه او ما نعلمه،، اؤمن انو خلقنا جاي في احسن حالاته وانو المواد اللي احنا انخلقنا منها هي اللي المواد المناسبة تماما.. بس ليه طين ؟ ربي يقدر يخلقنا باي خلق وبيكون رائع مهما كان.. بس ليه طين ؟ اكيد لازم نتعلم اشياء معنوية كوننا مخلوقين من طين! وارجع اقول ليه طين ؟ مابي اسأل عن الاسباب العلمية عرفوها قبلي.. ليه طين ؟ ليه من بين كل المواد طين ؟

الطين! الطين المادة اللي تتشكل ويعاد تشكيلها.. المادة اللي تاخذ شكل القالب.. الطين اللي من الارض ولها يعود.. الطين.. صح صح الطين اللي يتغير.. الخشب ما يتغير ماينعجن ما يتشكل مو زي الطين مو زي الصلصال ! الطين لان احنا قابلين للتغير.. قابلين لان ناخذ شكل القالب اللي ننحط فيه.. قابلين تماما للعجن والتغيير.. سبحانك ربي خلقتنا باحسن خلق معنوي ايضا.. لو احنا من خشب بناخذ صفات المادة وما بنقدر نتغير ولا نغير! لو احنا اي شي ثاني ما بنكون زي لو احنا من طين.. من طين لاننا لازم نغير ولاننا لازم دايما نغير في الناس للاحسن ونوجد افضل القوالب ونتشكل فيها.. من طين لاننا كل ماضعفنا كمسلمين نحتاج لاعادة تشكيل ،وعجن في الافكار والمعتقدات والتصرفات.. من طين لاننا لازم نكون مهتمين بالتغيير للاحسن.. من طين لاننا لازم نتغير حتى لو صعبت المسألة لكنها بالنهاية ممكنة مادمنا مخلوقين من طين.. من طين عشان نتغير ونغير وعشان تكون عملية التغيير ممكنة ولو كانت صعبة.. من طين عشان تشوف انت في اي قالب؟ في القالب السطحي او العميق؟ انت اختار القالب لنفسك! او انت اصنعه.. تقدر تكون في قالب اعتيادي زيك زي ١٠٠٠ غيرك وتقدر تكون بقالب مميز لك.. تقدر تدعو الناس لقالبك وتغير فيهم.. في طبائعهم.. تشكلهم وتعجنهم للافضل.. ليه طين؟ عشان نغير ونتغير!

ليه طين ؟ عشان الطين من الارض .. قريب من الارض.. عشان تتذكر يا انسان انه مهما وصلت ومهما عملت راح تظل ولاشيء! عشان ما تبعد عن الارض وما تتكبر . عشان تتذكر بكل مرة تشوف نفسك احسن من الكل انه انت من طين.. نفس الطين اللي انخلق منه غيرك اللي تشوفك احسن منهم منزلة ومكانة.. من طين لاننا مهما تكبرنا ومهما اعتزينا باشياء عابرة راح نظل احنا احنا .. من طين .. ضعيفين وقوتنا بالله.. قوتنا بالخالق مو بالمنصب ولا بالجمال ولا بالنسب ولا الحسب ولا المال.. انت من طين من طين.. من طين تواضع وتغير و غيّر للاحسن.. انت من طين.. عرفت ليه انت من طين ؟!

بسم الله الرحمن الرحيم.. كل القرآن جميل .. وكللله نحبه.. كله كله .. لكن بعضنا يحب بعض السور بشدة عظيمة.. انا مثلا مرتبطة عاطفيا وحياتيا بسورة الكهف بشكل ما حد يتصوره!! احس هالسورة دايمن تاخذ بيدي لليقين..واتمنى انها تآنسني في قبري مع كثير من السور اللي احبها.. المهم قبل كم يوم كنت ارتب غرفتي ودايمن لمن ارتب عندي بلاي لست مخصصة للترتيب من ضمن اللست سورة الكهف طبعا .. مرت الآية : ولا تطع من أغفلنا قلبه عن ذكرنا واتبع هواه.. وكان آمره فرطا.. هي طبعا دايمن تمر بس هالمرة غير وما ادري ليه هالمرة غير!! حسيت بعظمة هذي الآية في حياتنا .. حسيتها ترسم لنا طريق واضح جدا جدا جدا في تعاملنا مع الناس وارائهم.. دايمن لمن نمر بفترة لازم نتخذ قرار صعب نبدا نفكر بالاستشارة،، هنا.. في هالوضع مثلا.. في هالوضع بالذات.. تبرز قيمة الآية في حياتنا.. مين تستشير؟ تسمع رأي مين ؟ لمين تعطي السلطة لابداء رأيه في شؤن حياتك حتى الخاصة؟ لمين تسمع من الناس وايش الرأي اللي تسمعه وايش اللي تتركه؟!! سبحان الله كلام واضح وسهل وعملي: اللي قلبه مو متعلق بالله.. اللي روحه مو مغتنية بذكر الله.. اللي حياته وتفكيره مو مرتبط بالله ولابحب الله.. هذا الشخص، هذا البعيد عن ربه.. لا تسمع له ! هذا الشخص اللي يمر عليه الذكر الطيب ولا يلين قلبه.. هذا الشخص اللي يخطئ في حق ربه وحق خلق ربه وما يتوب ولا يعرف طريق الرجعة.. هذا الشخص.. في رأيه ممكن يكون دمارك!! الشخص اللي تعدى حدود الله ويكابر! هذا طبيعي انه يتعدى حدوده في كل شيء، فكيف تثق فيه!! الشخص اللي ما يراعي ربه الشخص اللي ما يضيق صدره اذا اذنب لا تعطيه حق ابداء الرأي في آي شي لك.. ولو طعت كلام هالاشخاص راح يكون امرك فرطا .. زيه بالضبط..

في هالاية اشوف قاعدة ذهبية لطريقة تعاملنا مع الناس، واراء الناس.. لمين نسمع؟ ومين نقصده ونستشيره ؟ مو بالضرورة نقصد الملتحي او الشيخ او مدري مين.. فقط اسآل اللي قلبه دايم مع الله ، اللي مع كل حركة او سكون يفكر بالله ولو اخطأ، تاب.. ولو اخطأ مره ثانية تاب بعد! اسأل الشخص اللي يعرف ربي،، وابعد عن الشخص الغافل لانه برأيه ما راح يراعي ربي! وبتضيع !! بتضيع منك الفرص .. وبتضيع منك البركة.. وبيضيع منك كل شي وبيصير امرك فرطا..

اول ما سمعت الآية سبحانك ربي!! مباشرة تذكرت مقال لشخص لاحظته يهاجم المهتمين بنهضة الامهة.. وكان كاتب مقال عن التعليم عندنا ، وحاط مقترحات لتغيير المناهج وانا اقرا اتذكر ان وجهي تغيرت معالمه! غضبت او انقهرت مدري وش الشعور لكن اتذكر زييين انو كشيت من المقال ومن الرأي.. كنت اشوف فيه مغالطات كثيرة وتعديات على اشياء مثل تعليم القرآن والتجويد.. قلت مابي احكم وهو هدفه التطوير ويمكن اخطأ.. لكني برضو تذكرت له مقالة طويلة فيها استنقاص ( مو انتقاد ) لجهد احد المجددين.. وقارنت نتاج هالكاتب بغيره من اللي يذمهم و واقف ضدهم مالقيت له شيئ اعتبره يشرف .. لقيت له مسلسل هابط.. مثل هذا الشخص (لو كنت وزير تعليم) تقدر تآتمنه على مناهج تعليم لاجيال قادمه ؟ ومثل هذا الشخص تقدر تآتمنه على خطوات حياتك؟ تقدر تسمع رأيه ؟ عن نفسي ما اقدر صراحة !!

فعلا فعلا ولا تطع من اغفلنا قلبه عن ذكرنا واتبع هواه،، من اليوم وطالع خلونا نعرف لمين نسمع وبمين نثق!

* امس كنت اكتب اكتب وفجأة تسكرت الكهرباء عشان المطر :/ فمعذره للتآخير.
* هذي أول تدوينة من جهازي الجديد .. بركتك يالله بركتك ..

السلام عليكم ورحمة الله وبركاته أصدقائي الأحباء. وحشتوني .
مافيه شيء، ولا شيء إطلاقا أجمل وأعظم وأصدق من كلام الله. كلام ربي. ومافيه شيء يقدر يقودك للحقيقة وللنجاة قد كلام الله ثم كلام رسوله محمد عليه الصلاة والسلام. الكلام الوحيد اللي مستعدة اذعن له واحس ان فيه خطة حياتي المحكمة، حياتي الرائعة هو في كلام الله وكلام رسوله من بعد. في كلام الله كل شيء يضمن لك حياة سعيدة أبدية! لكن المفتاح بيدنا، نفهمه صح او نفهمه بشكل سطحي ؟ نتعمق فيه او نترك التفكير للمفسرين واحنا نظن اننا مو مطالبين نفهمه ونسقطه مباشرة على حياتنا؟ كل واحد يختار ويتحمل تبعات خياره. كل واحد له الحرية انه يفهم من القرآن ظاهره ويترك باطنه وعليه مسؤولية ناتج قراره! وأنا قررت القرار الاجمل والألذ إنو اتعمق في الآية وأربطها بحياتي الشخصية والعامة والحمد لله. وأبي اللي أستفيده مايكون خاص فيني أبيه يوصل لـ 300 شخص ع الأقل (– العدد في الريدر. بدأ التفكير في هالبروجكت من شهر تقريبا لكني ماجزمت إلا بعد ماوصلني هالمسج من صديقتي جوهرة:

وطبعا أنا ما أنطاق لمن اكون تحت تأثير الأفكار السلبية او المشاعر السلبية وأحس اني اخاف من نفسي لمن أكون سلبية كل شيء عندي يكون في خطر مبادئي ومشاعري. فانا محاسبة على بقائي في فترة السلبية بدون ما أطردها بشيء ايجابي. ظليت أفكر بجدوى الموضوع واليوم كلمت جوهرة عنه واتفقنا التالي:

- Nawal  × says:
*صح
*خليني اقولك الفكرة حقت البروجكت
جوهرة says:
*شفينا
- Nawal  × says:
*بما انو مشروع الصور خاص فينا
جوهرة says:
*ايوا
- Nawal  × says:
*مايمنع نسوي بروجكت علني بل وهذا مطلوب عشان ننشر الفائدة
*انا من فترة كنت مفكرة
*انو القران الشيء اللي فيه كل شيء نحتاجه
- Nawal  × says:
*نقراه قراءة سطحية مره
*ممكن نفهم الاية
*لكن ما نربطها دايمن بحياتنا
*فمرات تمر عليك اية
*تحسين يالله هذي الاية تصف الموقف الفلاني :|
*امس كنت وانا ارتب مشغلة الكهف ماتتخيلين شلون احب هالسورة
جوهرة says:
*صح
- Nawal  × says:
*المهم لمن تجي الاية
**مشفر مشفر مشفر مشفر مشفر مشفر للتدوينة الجاية
جوهرة says:
*ياااه
- Nawal  × says:
*مشفر مشفر مشفر مشفر مشفر مشفر للتدوينة الجاية
جوهرة says:
*روعه الاستنباط
*:|
- Nawal  × says:
مشفر مشفر مشفر مشفرمشفر مشفر للتدوينة الجاية
جوهرة says:
*نوال انتي حرام ما تألفين كتاب
- Nawal  × says:
*خخخخخخخخخخخخخخخخخخخخخخخخخخخخخخخخخخخخخخخخخخخخخخخخ :”(
- Nawal  × says:
*امشي يدي بيدك ونعين انفسنا والناس ونغير نظرتنا للقران
جوهرة says:
*عندي شطحات تأمليه
*
- Nawal  × says:
*كل يوم لمدة ثلاثين يوم
*كل يوم ايه واستنباط عجيب
*هو قليل على القرآن ثلاثين
*بس يمكن نمدد
————————————-

ثلاثين يوم ابتداء من الجمعة 23- ابريل راح نرتبط بالقران ان شاء الله والحمد لله على هالنعمة. ثلاثين يوم والبطلة بتكون آية من كلام الله تقودنا للنجاة ، للدرب الصحيح ، للاختيارات الصحيحة. 30 يوم راح نشارككم ايش فهمنا من الكتاب العظيم، كتاب الحياة ، كتاب البشرية : القرآن الكريم. تابعوني هنا، وتابعوا جوهرة في مدونتها

احترم الفلم اللي بيوصل شيء، بيوصل هدف، بيوصل فكرة بطريقة راقية ! احترم الكاتب المخرج والمنتج والممثلين لمن يبحثون وينتجون  قصة تغير في المشاهد حاجة. ويمكن تغير من كل أفكاره. أحترم هالفلم كثيييييييييير! ماحد يتخيل قد ايش هالفلم غيّر فيني ولا حد يتخيل قد ايش شعوري وانا اشوفه وبعد ماشفته. فلم صادق باختصار!

اسم الفلم: Dead Man Walking – 1995 .
مدة عرض الفلم: 2 ساعة و 2 دقيقة.
نوع الفلم: دراما مبني على قصة حقيقة مكتوبة في كتاب من تأليف الراهبة اللي شهدت القصة كانت مسؤولة عنها  Helen Prejean

أجزم هالفلم بيغير من شعورك تجاه الحياة والحقيقة ولو بنسبة بسيطة! ما اقول الفلم هو نفسه بيغيرك لكني متأكدة لو وصلك الشعور اللي بيقوله الفلم راح يغيرك الشعور، راح تهزّك الرسالة اللي توصل. ما راح أتكلم عن القصة أكثر من إنو محور الفلم يدور عن راهبة وصلها طلب مساعدة من رجل محكوم عليه بالإعدام لاشتراكه في جريمة اغتصاب وقتل. الرجل مصر إنه بريء وطلب مساعدة الراهبة في اعادة المرافعة في القضية واستخلاص تخفيف للحكم والتراجع عن حكم الاعدام.

لمن كنت أشوف الفلم ما توقعت إنو من جد من جد بيكون صعب علي اتنفس في بعض المقاطع في الفلم، ولا ظنيت اني بتأثر من جوا! ولا ظنيت اطلاقا انو ممكن انظر لبعض الاشياء بنظرة مختلفة تماما. بجدارة الفلم يتكلم عن اشياء كلنا نحتاجها سواء كنا مسلمين او مسيحين او ندين بأي دين. احنا ندين لأنفسنا بالحقيقة ! الحقيقة و الحقيقة وحدها هي السبب في تحريرك! هي السبب انك تقدر تتقبل كل شيء حولك، هي السبب انك تعرف نفسك وايش قدراتك وايش اللي تستحقه! الحقيقة تستاهل منا نبحث عنها ونعترف فيها. المسألة في الحياة مو دايمن تدور حول الصح و الغلط لان تظل فيه اشياء نسبية ماهي محكومة بحكم واحد! لكن القضية اللي بيلفت نظرك لها الفلم  هي قد ايش انت قادر وعندك الرغبة انو تكون صادق مع نفسك بالمقام الأول، وبالتالي شوف قد ايش راح تكون صادق مع اللي حولك! قد ما الفلم صادق قد ما حطيت نفسي مكان المجرم ! وقد ماحطيت نفسي مكان اهل الضحايا،وقد ما حطيت نفسي مكان الراهبة اللي مو عارفة وش تسوي بالضبط لكن عندها يقين وايمان انو لازم تظل مع هالرجل للنهاية حتى لو كان مخطئ، حتى لو كان مذنب، لكنه يدين لنفسه بالحقيقة! لكنه رغم كل هذا يستحق يعرف حقيقته ويتقبلها ويتحرر ! اللحظة اللي نعرف فيها ( حقيقة ما )هي اللحظة اللي نبدأ فيها ننتقل لمرحلة جديدة أفضل، هي نفسها اللحظة اللي نتقبل أنفسنا ونتحرر من أي شي كان يأسرنا. اللحظة اللي تعرف الحقيقة هي اللحظة اللي فيها خلاصك. الحقيقة صعبة ومو سهلة وتقبلها اصعب ومو اسهل ! لكن يكفي انها ( تحررك ) يكفي انها تكفل لك تشوف العالم زي ماهو! بدون انكار وبدون تجاهل وبدون تظاهر…

أعجبني كثير إيمان الراهبة وتمسكها بفكرتها ومناضلتها لاخر يوم حتى تعطي الرجل المتهم هذا فرصة. قد ايش حلوة الحياة لمن يكون عندك ايمان ويقين بحاجة معينة ؟ ايمان يخليك مستعد تخسر اشياء كثيرة ولايهمك! الايمان اللي يخليك تناضل حتى النهاية. الايمان اللي يخليك توقف مع شخص مخطئ ومجرم لاخر لحظة في حياته وتشوف انفاسه وهي توقف وانت تتذكر قد ايش عطيته وقد ايش ساعدته يفهم الحقيقة ويفهم الدين ! اعجبني فيها قوة شخصيتها وتجاهلها للانتقاد. اذكر في مشهد كان واحد يقول لها كيف انتي راهبة وما تغطين شعرك! حبيت فيها حاجة انو كلنا بحاجة نكون قراب لربي حتى لو كنا مخطئين ، وحتى لو كنا مو زي المظهر العام للي يعتقدون انفسهم متدينين. انا ما اتكلم عن تصرف حجاب الشعر بحد ذاته، لكني اتكلم عن موقفها ومبدأها تجاه هالشيء ! كونها كملت مسيرتها كراهبة وعندها ايمان بكل حاجة وماخضعت لاشياء ما تؤمن فيها وشافت انها من حقها تكون راهبة وسخرت حياتها لله! هذا شيء جريء وتقدّمي فعلا! لانو الاحظ عندنا حاجة انو مثلا انت طالما عندك تصرف مو كويس تجاه دينك مثلا تسمع اغاني كلهم يطالعونك بنظرة: كيف مثلا بتغير المجتمع وانت تسمع اغاني؟ ومين قال انو الدين حصر على اللي مايسمع اغاني بس ومين قال انو التغيير بيد الملتزمين بس؟! او كيف هذا يطلع في برنامج دين وهو ملتحي ؟! نظرة اشوفها سطحية جدا ونظرة مستعجلة وتشخيصية لا اكثر.

فيه شيء وصلني من الفلم ومره قلبي انفتح له، إنو وين خلاصك ياترى ؟ طلعنا يمين يسار، مشينا ورا اهوائنا ، مشينا ورا كلام الناس ! طلعنا فوق او نزلنا تحت خلاصك في الدين ! الدين الصح وبس. خلاصك في حب الله اللي بيدلك على الحقيقة اللي بتدلك ع الحرية! خلاصك في الدين، في التشريع الي ينظم حياتك ويهذب نظرتك للحياة ويقوّم سلوكك تجاه خالقك وتجاه نفسك وتجاه الناس. خلاصك دائمن يبدا في علاقتك مع الدين، بعيد ؟ او سطحي ؟ او بس مظاهر ؟ ما راح ترتاح. هل انت قريب ؟ تعرف حدودك صح ؟ دينك يبدأ من جوا ويطلع برا ؟ ايمانك عميق ؟ تخطئ ويمكن كثير لكنك تدل طريق الرجعة كل مره ؟ أظمن لك حياتك راح تكون أفضل. مافي شي بيدلك ع الحقيقة غير الدين، ومافي شي بيحررّك غير الحقيقة في الدين. تخيلوا قد ايش احنا احرار بمجرد كوننا مسلمين! لكن المهم تفتح قلبك وعقلك للحقيقة! انت تملكها اصلا لكن استخدمها ! شوف قد ايش المسيحين مظللين بفكرة موت المسيح عليه السلام عشان خطاياهم وفكر قد ايييش انت محظوظ انو انت تعرف الحقيقة وانو المسيح رفعه الله وما انصلب ولا انقتل ولا مسته يد من ايدي اليهود ! شوف قد ايش القرآن اعطانا حقائق كل شيء وشوف قد ايش الرسول علمنا ( كل ) شيء نحتاجه وفهمنا ( كل ) شيء نقدر نبني عليه حضارات عظيمة ! افهم الدين صح، افهم كيف تكون علاقتك مع الله والرسول صح وراح تلاقي خلاصك ! يارب افتح قلوبنا للفهم الصحيح الوسط لهالدين .

الفلم على ما اتذكر مافي مشاهد مخلة : ) يمكن في تصوير مشهد الجريمة نفسها لكني صراحة مو متذكرة مضبوط، وسالة الفلم سامية جدا تقدر تستخلص منها كثير اشياء تناسبك. الهدف اللي بتوصل له الكاتبة والشيء اللي بتقوله جدا راقي! ولاحد يدقق على انهم مسيحين ومدري ايش كل واحد منا يعرف وش ياخذ وايش يرفض : ) . اداء الممثلين ! اداااااااء الممثلين شيء يذبح ! شيء روعة انو تشوف قد ايش اللي قدامك اخلص في عمله عشان يوصلك بهالطريقة، شين بين كان مبدع مبببدع في الدور، ماقدرت اتخيل احد غيره في الدور ! عيشني شعور المحكوم بالاعدام لدرجة مرات انحبست انفاسي وانا اتخيل نفسي مكانه وبعد كم يوم بيعدموني ! شيء فوق التحمل صراحة ! سوزان كانت الممثل المناسب في الدور المناسب! ما اقدر اقول شيء سلبي عن ادائها ولا اقدر اوصف قد ايش كان الدور معاها روعة ! السيناريو مكتوب بعناية ، والاخراج لايمكن يكون افضل من كذا!

دراما الفلم مو عادية، دراما الروح والدين، قد ايش روحك مرتبطة بالدين والحقيقة الكاملة، دراما توصلك قد ايش كل انسان يستحق الغفران طالما هو مقر بالحقيقة و يبغى يتطهر من ذنبه! قد ايش كل واحد فينا ولو كان مخطئ لكن عفو الله وحبه لعباده يشمله ويغرقه بعفوه وغفرانه! هالفلم يثبت لك اشياء كثيرة ويهديك مفاهيم حقيقة! ويعلمك قد ايش : ياخسااارة احنا مسلمين لكن افلامنا ما تتعدى في افضلها قصة حب سخيفة! وهم قاعدين يحطون طاقة سينمائية وانتاجية مو سهلة في فلم روحاني! ليه ما نتعلم انو السينما وصناعة الافلام بذاتها مو حرام! ليه ما نتعلم انو بالسينما ممكن تنتج شيء يغير في البشرية فكريا نحو الافضل ؟

ريفيو بسيط كنت كاتبته بالفيس بوك اول ماشفت الفلم وقيمته:

وكنت حاسة انو احتاج اتكلم اكثر عنه بالبلوق. * ماعندي تورنت للفلم

انا ما أدري شفيني أرتبط بالأشياء و المواقف عاطفيا، الحين ارتبطت بالبروجكت وأحس اني أبي أصيح لأنه اخر صورة خلاص ! ما تتصورون كيف انبسطت وما تتصورون قد ايش انبسطت فيكم ورب الكون، وماحد يتصور كمية المشاعر والاحساس اللي حطيتهم بهالبروجكت، وماحد يتصور قد ايش كانت تفرحني طلتكم وردودكم، أنا ما أعرف بالضبط كيف أشكركم لكن حسيت آخر يوم أخليه صورة أقولكم فيها شكرا كثير، ومن القلب. شكرا لكل الردود اللي اسعدتني كثييييييييير شكرا لكل هالتشجيع والدعم ورب الكون ما توقعت بلاقي كل هاللطف والاهتمام! شكرا مليون للي مره واللي بكل مره يمر، شكرا لكم شخصا شخصا ماني قادرة احصركم والله لكني اذكركم وحدة وحدة / واحد واحد. بالبلوق ، فيس بوك ، توتر، فلكر ، ديفينت. شكرا لأنكم حسسوتني انو صوتي يوصل وإنو كلامي ينفهم. وإني أقدر أوصل شعور أو موقف بصورة أو بكلمة. شكرا للوقت اللي استقطعتوه وتابعتوني خلال 50 يوم و 50 صورة . شكرا للتعليقات واللايكات الريتويتات والفافات وشكرا للي  بالريدر ورب الكون كله ما أعرف كيف أشكركم. انا ممتنة ممممتتتتنة وما أعرف كيف أرد الإمتنان. انبسطت معاكم كثيييييييير كثيييييييير وانبسطت مع كاميرتي كثير ، وانبسطت مع نور الشمس كثيير، شكرا اصدقائي انا احبكم والله.