السلام عليكم ورحمة الله وبركاته
جهزوا الجو ، واعملوا البوب كورن وشاركوني افلام سهراتكم .. ببدأ أنا طيب ؟ بخبص الجديد مع القديم اللي شفته قريب واللي من زمان ، بس اهم شيء الجودة .

***

Sleuth -2007

فن ! ببساطة فلم روعة .. وما أقوله عشان جود لو البطل ، بس لان الفلم جد روعة ، هو remake  لفلم في السبعينات.. مره حبيت الريميك ، حسيت المخرج والممثلين تفوقوا على أنفسهم من أدوات بسيطة عملوا حاجة مره حلوة ، كل تصوير الفلم في مكان واحد بس كان التصوير عن جد روعة والاضاءة والتلاعب فيها كان خطير .. جو الفلم نفسه مشوق لدرجة ماوقفته ولا دقيقة ،، مدة الفلم جدا مقنعة ساعة ونص تقريبا أو أقل. ما احب الأفلام الطويلة بدون فايدة .. الفلم من النوع اللي يوصل للمشاهد بسرعة.. وتعيش في اجواءه بشكل سريع .. اعتقد الكاست وفق تماما في إيصال الفكرة والقصة من كل النواحي تصوير واضاءة تمثيل واخراج وانتهاءً بالساوند تراكات الأليييييمة ! الجميل انو مايكل كلين مثل دور ميلو في السبعينات وفي الريميك مثل دور الروائي اندرو وجود لو صار يمثل دور ميلو.. حبيت الحركة كثير كثير .. لو بعدكم ماشفتوا الفيلم أرشحه لكم فكرته غريبة وحلوة وتستحق المشاهدة ..

****

All The King’s Men – 2006

فلم مع هالكاست الأليم ! وش تتوقعون يجي منهم ؟!! أكيد شيء أليم ! أنتوني هوبكنز – جود لو – شين بين – كيت ونسلت . وااااااوش على هالفلم بس ! أقدر اقول وبجداره إنه بيظل من الأفلام اللي خذت إعجابي الشدييييد، السكربت مكتوب بشكل راااقي ، التمثيل حاجة فظيعة ، التصوير والاخراج اتعب اقول وااااااااااااااااااااو . بالضبط نقلوا لي كمشاهد كل الحاجات اللي ممكن احس فيها مع اني شخص مو سياسي .. المخرج والمصور وشين بين بذاته بدع في مشاهد الـ speeches ، حسيت بشيء ثاني وانا اشوفه متحمس لهدفه ! ويدافع عنه ويعطي كل طاقته وكل صوته وكل جهده للهدف اللي يسعى له .. حبيت قربه من الناس .. حبيت لمن الناس تتجمع حوله وهو بكل طاقته وبأعلى صوته يعرض افكاره واهدافه.. للأمانة شين بين بدع في الفلم لكني اظل اشوف انه ممكن يكون فيه أحد افضل منه وأنسب للدور .. مع ان هالنقطة ما تعيب الفلم لكن ممكن تخليه أفضل .. شوف الفلم لكل الاهداف اللي تشوف الوصول لها صعب .. شوفها للفكرة اللي ممكن تموت عشانها .. شوف الفلم للسينما الحقيقة وشوف الفلم للدراما اللي قدمها..
شوف الفلم بكل شيء فيه وشوفه لكل شيء .. من اقتباساتي المفضلة في الفلم .

****

Fireflies in the Garden 2008

شفت هالفلم بوقته بالضبببببببط :”( كان عندي بس مافكرت اشوفه عطول ، بس بعد توصية الجميلة  هيفاء شفته وكويس اني شفته ، الفلم للأسف ما أخذ حقه أبد   وكثير أفلام أسوأ منه ماخذه أكثر من حقها سواء بالإيرادات او الانتشار .. الفلم فيه جو سحري عجيب .. مدري كم مره بكيت في الفلم .. كل شيء فيه كان صادق .. نظراتهم .. حركاتهم ..  الساوند تراكس .. جوليا روبتس بهدوء الأم الحنونة .. الأب القاسي اللي تكرهه غصب عنك . الابن المغلوب على أمره اللي واقع تحت سلطة أبوه وتعامله الغير منطقي .. التوتر اللي يعيشه لحد ماكبر .. كل حادثة بصغره كبرت معاه وبقى لها اثر في نفسه .. دفعته لأشياء كثيرة وبنفس الوقت ردته عن أشياء ثانية .. طريقة الاخراج برضو كانت ممتازة وتوصل للقلب بسرعة .. الفلاش باك والربط بين الماضي والحاضر بطريقة ذكية كان من اكثر الاشياء اللي تميز الفلم .. يمكن هالفلم مايعجب اي احد بس شخصيا عجبني جدا ولمن شفته قلت ايوه من زمان ما شفت فلم روحاني كذا ! أعتقد اللي يحبون الأفلام المباشرة جدا واللي لها نهاية مباشرة يمكن ما يستوعبون الفلم ..

****

Alfie – 2004

yah i’m a big fan of Jude Law
remake برضو لفلم في الستينات .. حبيت الفلم مرررررررررره مع إنو مافيه قصة خيالية مثلا ولا فيه شيء مميز جددددا .. لكنه بسيط والحاجة اللي وصلت لي من الفلم مره حسيتها شيء قيّم .. و ماتوقعته يكون حلو كذا .. تصوير واخراج و قصة خفيفة وحوار وكل شيء حلو…تحس ان المصور فيها فنان وعنده احساس عالي تجاه الزوايا والألوان وطريقة معالجة الصور والمشاهد .. حبيت الفلم من قلب كيف حياتنا كذا كانت تمشي بوتيرة نظن انها بيرفكت واننا حصلنا كل شيء نبيه ، وفجأة تختلف كل الاشياء وتدرك انك ماشي بطريق غلط تماما… وتبدا تحس ان حياتك اللي عايشها مو هي اللي تبيها وتبدا تعرف ايش الاشياء اللي تحتاجها وماهي عندك..الأشياء العميقة جدا والمعنوية مثل راحة البال…الشيء المميز في الفلم واللي خلاه من الافلام اللي لايمكن انساها هو انو الفي كان يحكي مباشرة للمشاهد ، مباشرة للكاميرا اعتقد انها نقطة ايجابية تحسب للفلم ، بهالطريقة حسيته يخاطب المشاهد بدون اي حواجز .. حسيته شيء فرندلي من جد .. فلم خفيف يحمل فكرة عميقة .

****

The Illusionist – 2006

ادوارد نورتن !! أكييييد طبعا بيكون الفلم فظيع ! انا مو مستوعبة ليه لحد الحين ما كتبت عنه :/.. أتعب أقول إن الفلم خطير من البداية للنهاية .. فكرة مميزة جدا جدا أداء أكثر من روعة ! أخراج وتصوير متكامل ومقنع لدرجة كبيرة .. مابي اتكلم عن ولا شي فيه لأنه اكيد بيكون اجمل لمن تشوفه وانت ماعندك اي خلفية عن القصة، لو ماشفتوه للحين لازم يكون هالفلم اول فلم على قائمة الـ must see ! من الأفلام الذكية اللي بآخر الفلم تقول : ياااااا الله ! ويخلص وانت لسا تطالع اسماء الكاست لانك تبي تشوف اخر دقيقة في الفلم لانه يستحق بجدارة ..

****

Grace Is Gone – 2007

يااا إحساااااااسه ، فلم مره مره مؤثر ! بارد هادي جدا لكنه مؤثر بطريقته الخاصة .. ما فيه صراخ عشان تتأثر او تبكي .. كل اللي فيه شعور صادق لأب يرعى بناته وياهبهم لتغيرات جديدة في حياتهم بطريقته .. الفلم يحكي عن فترة يومين بس في حياة هالعائلة .. تركيزهم على هاليومين وتفاصيله الدقيقة كان شيء بيرفكت ! نهاية الفلم اتوقع لأصحاب الدموع الفلمية انهم يمسكون كلينكس ويبكون .. تعبيرات بسيطة لكنها انسانية صادقة جدا مافيه انتاج ضخم ولا امكانيات نادرة..لكنه مؤثر وتوتشي بقوة.. جون كان فعلا الشخص المناسب لهذا الدور .. * عروب هذا الفلم شوفيه يصلح لك

****

The Soloist – 2009

هالفلم كنت أنتظره من لمن شفت التريلر وأول مانزل ديفدي شفته لاني كنت اتخيله شيء مره واو، امممم أقدر اقول انه 70% حلووو و 30% عادي .. القصة مره حلوة..
لكن فيه شيء ضايع او ناقص في الفلم ،، أحس الأدوار راحت للمثلين الغلط .. مثلا جيمي فوكس ما اقنعني بالدور أبدا .. كان ممكن الدور يظهر بشكل مؤثر واقوى من اداء جيمي فوكس.. مدري يمكن يكون مجرد رأي شخصي .. لكن انا اشوف ان الفلم كان ممكن يظهر بطريقة أفضل .. يا بكتابة النص يا بتوزيع الادوار .. روبرت دوني كان مقنع واداءه حلو بس مو أحلى ماعنده .. القصة مؤثرة فعلا ومقتبسة من كتاب. عن شخص مشرد بسبب مرض عقلي لكنه موهوب موسيقيا بدرجة كبيرة .. يتعرف عليه بالصدفة كاتب في جريدة ويحاول يظهر موهبته للعالم الموسيقي ومع الوقت يكتشف انو يعاني من مشاكل عقليه ومرض نفسي يمنعه من العيش كباقي الناس او يمنعه من عيش العيشة اللي يستحقها كشخص موهوب . أحس المشكلة برضو بالسكربت ما انكتب بالشكل المطلوب :/ . الاقتباسات اللي حبيتها في الفلم

don’t you ever watch list:

Last Chance Harvey

توقعته افضل من كذا ، اعتيادي جدا .. وفيه ملل .. شكل كل افلام الرومانس كذا ماحبيته ونص الفلم مشيته بالسكورل لأنه مافيه شيء خطير، تقدر تنط مشاهد بدون ما تأثر على القصة . الشيء اللي بيقوله الفلم انو ممكن الفرص تجي بوقت متأخر مثير وفي مكان ما نتوقعه .. الفكرة حلوة وصحيحة بس طريقة تقديمها سطحية ومملة واعتيادية ..

****

Lost In Translation

مدري على وشو هالفلم السقيم مشتهر ! طول الفلم وانا مدري وش الشيء الجديد اللي يجي مع كل مشهد . المشهد هذا نفس اللي قبله نفس اللي بعده مافيه شي بيقوله ! مافيه شيء تفهمه .. قاعدة اطالع وانتظر الفكرة تطلع او الشيء الجديد يبرز نفسه لقيت الفلم خلص وانا ما ادري وش سنع انهم يسوون على فكرة مخيسة فلم
ماعجبني ابببدا ابببببببببببدا.. ولا نهايته عجبتني يعني مدري وش يبون بالضبط مافيه خطوط عريضة للفلم بالنسبة لي .. صراحة حسافة عليه المتابعة..

السلام عليكم ورحمة الله وبركاته ، كثير سألوني عن كذا صورة صورتها فيها بوكيه عن انو ( ايش هذا – كيف سويتيه ) فحبيت افيد الكل بهالشرح المطول

Bokeh / البوكيه :
كلمة يابانية الأصل وتعني Blur ( مشوش – غير واضح – مطموس المعالم ) وهي باختصار المناطق الخارجة عن منطقة الفوكس في الصورة ، البوكيه عكس الـ sharpness  او الحدة لأن الحدة تحدث في المناطق اللي عليها الفوكس في أفضل حالاته بينما البوكيه يقع في خارج منطقة الفوكس تماما.

بعضهم يصنف البوكيه إلى نوعين :
1- هوليود ستايل بوكيه hollywood style bokeh
هذا الستايل اللي اغلبنا نعرفه او نشوفه وهو اللي تصير فيها مناطق الضوء اللي خارج منطقة التركيز عبارة عن دوائر غير واضح منها الا لونها تقريبا وهذا نقدر نحصله بوجود ضوء في الخلفية ومجرد عزله او تشتي الفوكس عنه ينتج لي بوكيه .. مثال انوار السيارات ، أنوار صناعية ، ضوء الشمس المنعكس او النافذ من خلال عناصر متداخلة ( مثل ورق الشجر ) مثل :

للمزيد : هنا
2- cream cheese bokeh
في هالنوع اقدر اقول انه العزل اللي نعرفه بشكله الطبيعي ، يعني لمن تكون الخلفية بشكل كامل معزولة عن الهدف وتنتج لنا تدرجات بحيث عناصر الخلفية تنمدج مع بعض وتصير  شيء واحد . مثل :

( طبعا نقدر نوصل لهالنوع من البوكيه بطريقة العزل العادية وهو كل ماقلت المسافة بين العنصر والعدسة مع فتحة عدسة اكبر كل ما حصلنا على خلفية معزولة عن العنصر ، وكل مابعدنا عن الهدف كل ماقل العزل والخلفية الضبابية .. وقوة العزل تختلف من عدسة لعدسة . )

كيف أقدر ألتقط صورة بوكيه ؟
العلاقة بين رقم العدسة و الـ DOF  ( عمق الميدان ) علاقة عكسية ، بمعنى كل ما كبر رقم العدسة كل ما قل عمق الميدان ، وكل ما صغر رقم العدسة كل ما كبر عمق الميدان ، و التصوير بعمق ميدان كبير يعطينا فرصة عزل أكبر وبالتالي فرصة لتواجد البوكيه بشكل أكبر .. مثال :

الصورة ع اليمين استخدمت عمق ميدان أصغر وزي ما انتوا شايفين قوة البوكيه اضعف منها ع اليسار ، الصورة اللي باليسار زدت العزل وبمعنى ثاني زدت فتحة العدسة ( قللت الرقم ) وبالتالي كبر عمق الميدان واعطاني منطقة عزل ممتازة وظهر البوكيه كمناطق ضوئية خارجة عن منطقة الفوكس ..

مثال ثاني :
في هذي الصورة أخذت عمق ميدان صغير وزي ماهو واضح بالصورة البوكيه ضعيف ويالله مبين ، في هذي الصورة زدت عمق الميدان وكانت الخلفية تساعد لان ورا الهدف نور الشمس ورا اوراق شجر .. في الصورة هذي تعمدت ازيد عمق الميدان والعزل لاكبر درجة أقدر عليها وزي ما انتو شايفين البوكيه في أفضل حالاته في الصورة الأخيرة ..

*

يعني نقدر نطلع بنتيجة انه عشان نحصل على بوكيه لازم تكون المنطقة خارجة عن الفوكس وبعمق ميدان كبير .. أو نقدر نتلاعب بالفوكس ومانضبطه صح وبهالطرقة نحصل على  بوكيه .  في ستايل هوليود : على حسب ضبط الفوكس وعمق الميدان ينتج لنا بوكيه ضعيف – جيد – ممتاز .. الضعيف لمن يكون الضوء متركز على حدود الدائرة ومو في النص ، يطلع شكلها حاد اكثر من المطلوب . الجيد او المتوسط : نحصل على دائرة ضبابية لكنها مو في أفضل حالاتها ، بمعنى ان الضوء متوزع بشكل متساوي تقريبا على الحدود والمنتصف . الممتاز : وهو اللي نسعى له لمن الحواف تكون مررره مو واضحة ومشوشة والضوء متركز بالوسط ومنتشر بشكل اضعف على الحواف

* استخدام الترايبود غير محبذ ، لأنه مايهمنا تركيز الصورة و حدتها بقدر مايهمنا قدر التشويش في الصورة.
* استخدام سرعة غالق بطيئة مرات تساعد في تكوين بوكيه ممتاز وبتوزيعات جميلة
* استخدام فتحة عدسة عدسة كبيرة ( رقم صغير ) مثلا 3.5 – 1.8
* بعضهم يحصر البوكيه في الدوائر فقط ويعتبر النوع الثاني شيء ماله علاقة بالبوكيه انما هو عزل عادي عن طريق عمق ميدان كبير .
* الناس بدت تبتكر في البوكيه لأن من جد نتائجه روعة ، فصار فيه بوكيه بأشكال قلوب و ورود و نجوم وهالشيء نقدر نحصل عليه بمثل هالطريقة
المشروحة في الفيديو . شخصيا ما جربتها بس ان شاء الله يكون لي تجربة قريبة .
* عدسة 18-55 تفي بالغرض لعمل بوكيه، لكن النتائج تكون اقوى وافضل بطبيعة الحال في العدسات اللي عندها قدرة عزل اقوى . في صوري اللي شرحت عليها استخدمت 18-55 و 24-70 mm من كانون طبعا ..
* استفدت من : هنا و هنا و هنا .

هذا الشرح جهد شخصي و نتيجة قراءة من المصادر اللي ذكرتهم ونتيجة تجربة .. يحتمل الخطأ ويحتمل الصواب ، أيضا من غير اللائق نقل الدرس بدون ذكر المصدر ..

السلام عليكم ورحمة الله وبركاته
طبعا كلنا نعرف إنو مافيه طريقة أحسن لالتقاط تفاصيل الصورة الصغيرة جدا مثل الحشرات ، قطرات الماء وغيرها إلا بعدسات الماكرو ، اللي تقرب لك الهدف بشكل كبير جدا، وطبعا تفتح لك مجال أكبر في الإبداع أثناء تصوير الهدف .. برضو نعرف إن عدسات الماكرو ماهي متوفرة بسعر رخيص ( ع الأقل الممتاز منها ) ، فلذلك فيه طريقة للي ميزانيتهم ماتسمح لهم باقتناء عدسة ماكرو / يعني زي ما قريت macro for poor :p والصدق إن الفقير مو بأدواته ، الفقير بأفكاره ورؤيته الفنية للهدف اللي يبي يصوره، ياما ناس عندهم استديوات كاملة لكن الصورة اعتيادية وما فيها أي حس فني ..
الطريقة هي معروفة باسم: Reverse Lens technique او بالعربي : تقنية قلب العدسة ..

كيف ؟
كاميرا SLR -  أي عدسة متوفرة عندك تـفي بالغرض،  وأنا هنا استخدمت 18-55 وكانت كافية جدا ..
1- سكر الكاميرا ، وفك العدسة.
2- اقلب العدسة بحيث إنو الجزء اللي كان متصل بالكاميرا يكون الآن هو الأبعد.. وطبعا تحتاج تثبتها بيدك
3- 18 ملم هو أقرب مسافة ممكن توصل لها بهذي العدسة.. يعني هنا جاية العملية عكسية لأننا قلبنا العدسة.. لأان 18 بالوضع العادي للعدسة يعطينا أبعد مسافة عن الهدف، فلمن نقلب العدسة راح يكون 18 ملم أقرب مسافة توصلنا للهدف .
4- يفضل تضبط الفوكس على المانيول فوكس لأان الاوتو ماراح يفيد كثير.
5- يفضل برضو تختار وضع المانيول .
6- مسألة exposure /  التعريض مره صعبة ، لأن ماراح يكون فيه قراءة للضوء لان العدسة تعتبر مفصولة ! فلذلك تحتاج تجرب كثير مع ولازم لازم تمسك العدسة المقلوبة من كل جهاتها بحيث مايدخل ضوء من الجوانب، ولو دخل معناته الصورة راح تطلع كلها ضوء مافيه عناصر.
7- عملية مسك العدسة باليد مره صعبة وعن نفسي الكاميرا أكبر من يدي فما قدرت احافظ على عملية التوازن أبدا، فلصقت العدسة بشطرطون عشان ما يدخل الضوء وعشان ما أتعب وانا ماسكة العدسة طول الوقت،
8- استخدام الترايبود ماراح يخدم أبدا لأنك تحتاج تقرب الكاميرا للهدف وممكن يكون الترايبود عائق ، وأنا صراحة جنني
9- عند التركيب والفك خذ بالك من السينسور لا يتوسخ، حاول تفكه في مكان مافيه غبار.
10- افتح الكاميرا وابدأ بالتجربة .. ولاتنسى تحاول تقرب للهدف قدر الإمكان ..

أول تجربة لي:

نماذج لصور التقطت بهالطريقة :


*اضغط على كل صورة للتكبير( كل صورة في معرض صاحبها في الديفينت أرت ) .

ممكن تستخدم :
reverse rings : زي الحلقة تتركب بحيث تسمح لك بتركيب العدسة مقلوبة مبشارة على الرنق بدون ما تمسكها وتتعب
extension tubes : أداة تتركب بين العدسة والكاميرا وتسمح لك تاخذ فوكس أقرب من المسافة الممكنة للكاميرا وبالتالي ماكرو أكبر واكبر .. يعني تفاصيل أكثر وأكثر ..

على قد ما كانت العملية صعبة إلا إني استمتعت كثير لأني عرفت أكثر عن عالم الماكرو اللي دايمن يستهويني وأعطاني فرصة أخوضه قبل ما توصل عدستي الماكرو الجديدة ان شاء الله،
هالطريقة برضو إعطتني الفرصة أجرب حظي مع الماكرو وأفهمه وخلتني أقرا أكثر وأكون مستعدة لنوع جديد من التصوير، برضو شيء مهم نعرف انه ممكن من أبسط الأدوات اللي عندنا نقدر نصنع أشياء مميزة جدا طالما إن الإحساس بالصورة موجود.

* استفدت من هالدروس :
هنا – هنا

عند النقل يجب ذكر المصدر لو سمحت .

نقدر نحقق أحلامنا بأي وقت .. هذا الشيء اكتشفته بعد ماسمعت وقريت وشفت قصص كثيرة ، عن ناس حققوا أحلامهم بوقت ما كان أحد يتوقعه منهم، او بوقت الكل متفق انه مره متأخر.. سيدة أعرفها ، عندها أولاد وبنات من عمري وأكبر كانت شهادتها ثانوية وما كملت الجامعة لانها كانت تبي تتفرغ لبيتها وأولادها ، والحين تخرجت من الجامعة وأخذت البكالريوس بعد ما وصلت عمر يقارب الأربعين يمكن .. منعها عمرها؟ لا ! .. نفس القصة لكن لسيدة كملت دراسة الكلية وسعت ورا الوظيفة وهي الحين مدرسة .. مع العلم انها جدة وعندها احفاد .. : ) أثر عليها العمر ؟ لا !

أعتقد أن تعليب الأحلام وختمها بمدة صلاحية وانتهاء، ظلم لنا ولأحلامنا اللي تنتظر تحقيق.. نقدر نأجل ونقدر نغير الخطة لكن أبدا ما نتنازل عن أحلامنا ..
اللي عزز هالشعور عندي هالأيام هو فلم : The world’s Fastest Indiana .. كان يتكلم عن رجل كبير طاعن في السن ، يمتلك ورشته الخاصة والبسيطة جددددا والمحاطة بعتاب الجيران له لأنه أزعجهم بالعمل على دراجته النارية.. على كبر سنه كان يعاني من مشكلة قلبية تقدر تعيقه ببساطة عن أشياء كثيرة .. لكنه أدرك ان الأحلام قابلة للتحقيق حتى لو تقدمنا في العمر، وإن الحياة بدون ما نحقق أحلامنا تظل ناقصة .. وتظل تحتاج منا نكملها .. فسافر لأمريكا بدراجته ذات القدرات البسيطة .. بس لانه كان يحلم يسجل رقم جديد في سرعة الدراجات النارية سعى ورا حلمه وحققه .. وبعدها ما توقف لأن الحلم تحقق وخلاص.. لا أبدا ظل يسعى للأفضل وعاش الحلم : )

* احنا مدينين لأنفسنا بحلم على الأقل لتحقيقه مهما تأخر الوقت ..* السماء من تصويري ، الخامات في الطائرة الورقية من ستوكات لـ : http://amandaclayton.deviantart.com/ و http://masterjinn.deviantart.com/ رسم الخطوط كان بادوبي اليستريتور والمعالجة كانت بالفوتوشوب ..

Rather than love ,than mony than faith ,than fame ,than fairness
give me truth.

أهلين كيفكم بعد الحريقة

welcome summer  شباك التذاكر الأمريكي ملتهب and guess what ! كل التوب تن ما ني متحمسة الا لفيلم ساندرا بولك

قبل فترة أفتح فولدر الأفلام وأرجع أسكره ، ماني متأكدة أي اختيار بيكون الأفضل للمتابعة .. وطبعا زي ماتعرفني ريم يبغى لي مزاج عنيف جدا للأفلام .. ولازم أكون مره رايقة لجو مشاهدة سينمائية.. و مو جديد لو قررت أشوف فلم وبعد دقيقتين اسكره لأنه ببساطة مو جوي هاللحظة .. والغريب إني أرجع اشوف أشياء قديمة .. يمكن خوفي انو الجديد اللي راح اشوفه ما يكون قد المستوى او قد التوقعات وضمان لنقطة انو الشيء اللي شفته من قبل وعارفة إنو كويس بيكون حلو وبعرف وضعي معاه ع الأقل أحد عنده هالمشكلة غيري ؟

هذي أفلام شفتها قريب وبعضها من زمان وماحصلت فرصة أكتب عنها: كلها توصيات للصيف أو توصيات بعدم المشاهدة :

***
The Black Balloon

الفيلم الأليم بتفاصيله الصغيرة جدا .. هذا الفلم يحكي عن معاناة ذوي الاحتياجات الخاصة او بالأصح معاناة عائلاتهم لان مرات يكون الشخص المحتاج نفسه مو مدرك لوضعه بالشكل الكافي ، فما يستوعب صعوبة الوضع .. لكن الأهل يعانون معاناة حقيقة لانهم مدركين ان حياتهم بعد راح تكون مختلفة تماما بمجرد وجود شخص يحمل اعاقة معينة في عائلتهم.
الأشياء البسيطة تتغير بشكل كبير .. من الجلوس على طاولة الاكل لموعد النوم مرورا بالتنظيف والاستحمام ، والأهم وسائل السلامة وقفل الأبواب .. الحرج اللي مرات ممكن يحسه بعض افراد العائلة .. طريقة تعامل الاغراب او الاشخاص اللي مالهم علاقة مباشرة بالعائلة مع هذا الحدث.. طاقة الاحتمال والتجاوزات اللي تصير من قبل افراد العائلة .. قصص الحب الصغيرة اللي تنولد في مثل هالظروف، لمة العائلة وتجاوزهم لكل محنة تصير .. كل هالتفاصيل الصغيرة الأليمة تتعرفون عليها في هالفلم .. نصيحة للي مايحبون التفاصيل الصغيرة احتمال كبير الفلم ما يعجبكم .. لان الفلم ما يعتمد على حدث غريب او كبير .. كل الفلم مبني على احداث عادية وروتينية .. لكن التفاصيل خلته مختلف ..
الفلم أسترالي انتاج 2008 – تقييمه 7.5/10
***
Elizabethtown

طبعا وللمرة الألف انا مو big fan للأفلام الرومانس بس هذا فيه شي يجنن .. فيه شي حلو مررره ، فيه شعور يخليك تتابع الفلم لمن اخره وانت مبتسم.. شخصيتها المختلفة عن شخصيته هي كانت السبب انهم يتكلمون لبعضهم لساعات طويلة .. تذكرت : ” احيانا يقود التشابه إلى الحب ، وأحيانا التنافر يقود إليه ” هي نظرتها مختلفة لكل شيء غالبا ، هو يمر بفترة يأس من كل شي ، اجتماعيا و وظيفيا و عاطفيا.. الحوارات بسيطة كثير ورائعة ، تدخل القلب وترسم لك ابتسامة لليوم كامل..حلو كثير لو حابين شي يبهج يومكم ..
الفلم أمريكي انتاج 2005 – تقييمه 6.4/10

***
He’s Just not that into you

هذا الفلم بالذاااااات ماتوقعت أحبه أبدا ابدا أبببببدا.. حسيته زي نوعية sex and the city .. واللي طبعا كرهته لأنه فلم بايخ ..بس لمن شفته مدري ليه عجبني .. على ان القصة ما كانت شيء مختلف ابببدا على نطاق الرومانس موفيز .. لكن اقدر اقول ان القالب جاي بشكل ممتاز، والطريقة اللي تقدم فيها الفلم للمشاهدين كانت رائعة وغير مملة وجذابة .. تنوع القصص والشخصيات وكثرتها مرات ممكن ينعد سلبيه بس في هالفلم كان إيجابية.. مره حبيت الفلم لدرجة اني قعدت اهذر على ريم <– ريم صديقتي الحقيقة يعني – هل فيه قواعد للحب ؟! هل فيه استثناءات .. علاقاتنا مع اللي حولنا وانفصالاتنا الشخصية مع اصدقائنا بشكل عام هل هي متعلقة بقواعد او استشثنائات .. وهالقواعد فعلا شيء ناجح في العلاقات ؟ والا الاستثنائات هي اللي تنجح ؟ والا ولا واحد ؟؟ أحس الشيء اللي يبي يقوله الفلم بصوت عالي stop finding love let’s love finds you .. لمن يكون مقدر لنا نكون مع شخص كصديق او حبيب راح نكون معاه وراح تتسخر لنا الاسباب اننا نكون سوا .. ولمن ما نكون الاشخاص المناسبين ماتنجح لا قاعدة والا استثناء .. جمال علاقتنا وصداقتنا بأنها مقدرة لها ان تكون هكذا.. ماننتظرها تجي او تصصير ، لا هي تصير من نفسها .. هي تجي لحد عندنا ..أكثر شيء تألمت عليه لمن شخصية بالفلم انفصلت عن زوجها مو لأنه خانها ، لا لأانه كذب عليها وقال لها انا مارحعت ادخن ، ولمن شافت الباكت في جيبه قررت اخيرا انها تتطلق.. حسيت السبب على انه صغير لكنه عميييييييييييييييييييييييق جدا وممكن ينبنى عليه ثقة حياة بأكملها ..
الفلم أمريكي إنتاج 2009 – تقييمه6.5/10
***
Crossing Over

بكل بساطة فلم يبكي، يتكلم عن القرين الكارد واستماتة الناس للحصول عليها وكيف بعضهم يبيع نفسه عشان جنسية امريكية ويظن انها بتفتح له آفاق أوسع..! وكيف بعضهم ناظل وعانى عشان يحصل ع القرين كارد، الشيء الجميل انه تناول أهم الشرائح من مهجرين امريكا، المسلمين والمكسيكين والاسيويين عموما واليهود – فيه قصص في الفلم كانت نهايتها أليمة جدا وانسانية جدا ، وفيه قصص لمن تشوف النهاية تهز راسك وتقول : وش استفادت ؟!! أداء الكاست كان ممتاز كثير ومو متكلف أبدا .. الفلم اجواءه مو فرايحية أبدن .. عن جد الفلم يستحق المشاهدة..
الفلم أمريكي إنتاج 2009 – تقييمه  6.9/10

***

“Don’t You Ever Watch” List :

***
I’m Not There

ساعة الا ربع مضت من زمن الفلم وانا مو فاهمة شي .. ولا فاهمة علاقة المشاهد والاحداث ببعضها.. سكرته وحذفته غير مأسوفا عليه ..

***
Yes Man

مشكلة لمن ترفع توقعاتك للفلم ويطلع مخيب للتوقعات ، يخيب أملك أكثر ! ماحبيت هالفلم بتاتا بتاتا بتتا .. بكل بساطة تعرف للنهاية وتتنبأ فيها .. وكالعادة شخص حياته مقلوبة وتعدلت وقابل حب حياته وبلا بلا بلا.. في البداية كان الفلم مره حلو بعد البداية من عند النص لمن النهاية وانا صابني منه طفش مو طبيعي .. جيم كاري نفس اسلوبه في الكوميديا مايتيغير
يعني يعتمد على حركات هبله واشوفها سخيفة :/ بينما انا أفضل كوميديا الموقف .. فالفلم بكبره ما اعجبني أبدا .. اللهم فكرة انك جرب تقول نعم لكل شيء .. والصدق ما ناسبتني الفكرة لأنها مو اقعية بتاتاً

***
Miss Pettigrew Lives for a Day

يقطع ابو السقامة ! شخصيا أقدر أحط الفلم في قائمة أسخف عشر أفلام شفتها بحياتي ! ممل وغبي ومكرر وسخيف. والاداء كان ضعيف ومتصنع .. ويطفش لدرجة كبيرة
طول الوقت امشي السكورل بس عشان يخلص اللي يحس ان ذوقه في السينما يقارب ذوقي نصيحه لااايضيع وقته في هالفلم السقيم

***
confessions of a shopaholic

يا للسقامة القوية || ، مشكلة أصحاب هالأفلام حصروا انفسهم في قصة معينة اي احد متابع للسينما بشكل جيد يقدر يعرف النهاية ببساطة وهذا شيء سلبي يحسب ضد الفلم .. لان ايش الفايدة لو كنت جازمة ان النهاية كذا وكذا وانا لاحداث بتصير كذا وكذا .. من كثر ما شفت أفلام تحكي نفس الأحداث بس القصة بشكلها العام تختلف .. قاعدة اقول لاختي بيصير كذا وكذا وكذا وبعدين كذا وكذا وفي النهاية صار كل اللي توقعته من كثر ما ان القصة ضعيفة جدا .. الشيء الغريب واللي يقهر ان بداية هالافلام او فكرتها بشكل عام تكون لطيفة وتحس انك متقبلها .. بس تشوفها تخرب القصة كل انطباع جيد عن الفلم .. اقدر اعتبره فلم teenagers  ، أشوفه سخيف وممل برضو .. مافيه اي تشويق .. واي حركة كوميدية كنت اشوفها (ثقالة دم )

***

يكفي للحين:] الجزء الجاي بالبوست القادم
خبرونا عن قوائكم الجميلة والقبيحة ؟