طـيري ، والـسما بلادك

بعد ترجمة الصفحة تبين لنا ان الموضوع صحيح هذه المرة
و قمنا بارسال الصفحة لجميع الايميلات
وتأكدنا من الامر ايضاً عندما راسلنا دعم العملاء في الهوتميل فأكد لنا الامر
مع الشكر

وخروا شوي بضحك !    

* إلى أي درجة من السذاجة والغباء وصلنا حتى صارت مثل هالإيميلات تنتشر لمدة تزيد عن الست سنوات بيننا .. وكل فترة بحلة جديدة وبكذبة جديدة وبغباء جديد ؟!
لهالدرجة احنا فعلا أغبياء ونصدق بسرعة ونرسل أي شيء في الانبوكس لكل الناس سواء صح او خطأ ، سواء يعنيهم أو مايعنيهم ؟!
إلى متى بنظل نشوف في الانبوكس مثل هالمسجات والمعنونة “: بادر بتفعيل حسابك – 2009 activation  و bla bla bla …… !

إي نعم تغيضني مثل هالحاجات ، تغيضني لمن ترسلها لي وحدة مثقفة جدا ومطلعة ، تغيضني لمن أشوف المبرمجة ترسلها لي ولمن أشوف المعيدة في الجامعة ترسلها .. إي نعم يغيضني لمن يوصلني هالمسج من وحدة توها مناقشة رسالة الماستر ..

يعني أول شيء طاحوا لنا بسالفة : هاي أنا جون و مدري مين من شركة مايكروسوفت هذه المرة الخبر ليس اشاعة وانتشر على صفحة السي ان ان ( مدري وش علاقة السي ان ان بالموضوع ) نود ان نقول لكم سووا فوروود عشان يا أصدقائي نفعل إيميلاتكم والا سوف نغلقها..
والمصيبة الكبيرة انها كل سنة توصلني منها درزان ومن نفس الناس وقسمن ! :|
انتحر ؟ من سنة 2003 وهالميلات تنرسل ولحد 2008 وأنا أشوفها في الانبوكس وتكسرت يدي وانا ارد على كل وحدة ترسل لي هالميل .. ومع تطور التقنية في مطلع 2009 حلفت هالرسالة انها تتطور وتصير على شكل 2009 activation  يعني تقل صايرة أكشخ شوي  

بداية الموضوع ما راح أحط اللوم ع اللي اخترع هالمسجات من الأصل لأانه شايف ان الناس ممكن تصدق أي شيء فاستغل الموضوع لصالحه ، بس انا أبي أسأل اللي يرسلونها زعما بمصداقيتها ..

سؤال حقيقي وعنيف ومصيري يطرح نفسه : شركة كبيرة عظيمة خطييييرة غيرت مجرى العالم في التقنية والاتصالات مثل شركة مايكروسوفت بتعتمد في التحقق وتفعيل الحسابات على “ فوروورد “ ؟! من جدكم يعني ؟!! شركة قدمت حلول فظيعة للعالم ماهي قادرة تلاقي حل لمشكلة السبام إلا ان الناس ترسل لبعض :/ السبام أصلا يسوي فوروورد ويسوي ريبلاي ويسوي كل شيء :/ يعني ما راح تفرق لو سويتوا فورورد والا مسحتوا الميل ..
يعني صعبة على مايكروسوفت او اي شركة برمجية انها تتحقق من المشكلة لو كان فيه مشكلة اصلا بطريقة احترافية اكثر وبدون ما يلخبطون العملاء بهالطريقة ؟! يعني من جد انا اسأل نفسي كيف الناس تصدق زي كذا ؟ من جد كيف .. عادي تشك مو ضروري نصير نعرف كل حاجة ، بس لمن تشك اسأل أحد عنده خبرة او ممكن يكون عنده جواب ، لاتسوي فورورد والسلام .. لاتخلي الناس تحس انك تنجرف وراء الأشياء حتى لو كانت تماما “ غلط “ ..
لا وبعدين كل شييي كوم وسالفة :

كل ماعليك فعله هو إعادة إرسال هذا الايميل الذي يحتوي
كود بمضمونه إبقاء عنوانك بالقائمة الذكية
وهي القائمة التي تبقي عنوانك قيد العمل
Forward استخدم الأمر البريدي

ههههههههههههههههههههههههههه،
ما أدري ليه فقعت ضحك صراحة عند هالمقطع بالذات أجل كود في الفوروورد يخليك بالقائمة الذكية .. ياربي إيش هذا !

والنكتة الأخرى :

ليتسنى للنظام الامني تجاهل عنوانك
وتركه يعمل , وذلك للاطاحة بالاشخاص
اللذين يسجلون عدد هائل من العناوين دون استخدامها

لحظااااااااااااااااااااااة بضحك
الحين الهوت ميل خدمة مجانية وبرواية free service ، يعني هم مستفيدين من الناس اللي تفتح ميلات حتى لو ما استخدموها لان الدعايات اللي بالصفحات تدر عليهم مال هائل وأصلا نظام الهوت ميل دايركتلي بعد 3 شهور يمكن او شهرين من عدم فتحك للإيميل يسكر تلقائي والتفعيل يجي بصفحة رسمية من عندهم .. فـ كيف هالشيء مسبب لهم مشكلة وهم حالينها أصلا ..

علاوة على إني بحثت في صفحات الهوت ميل و الام اس ان عن هذي القصة وهذا النص اللي حاطينه ولا طلع له أي وجود، علاااوة على ركاكة اللغة الانجليزية في صياغة الكلام المكتوب وعلاااوة على اني مترت الهيلب حق وندوز لايف فإنهو من المستحيل الأكيد انه شركة مايكروسوفت تعتمد مثل هالطريقة البدائية والغبية والتي لا تغني ولاتسمن من جوع في حل المشاكل البرمجية بل تزيدها تعقيدا، بل سوف ستجد في إيميلك الشخصي رسالة من الهوت ميل نفسه ويقدرون يسوونها بضغطة زر ولاهم محتاجين لعملائهم عشان ينقذونهم بسالفة الفوروورد .. يعني تطمنوا لو فيه الغاء او شيء بتلاقي رسالة مصدرها الشركة نفسها ومن الوندوز لايف تيم نفسه .. + بتلاقي الخبر موجود على الصفحة الرئيسية لهم.

ما سالفة هذه الرسالة :
هذي رسالة مغرضة تماما يا إما تجارية أو هدفها الإطاحة بسرفرات الهوت ميل ..
تجارية :
فيه أشخاص وشركات يتاجرون بالعنواين الالكترونية للبريد ويبيعونها بمبالغ كبيرة لشركات تهتم بالدعاية .. يعني يتكسبون من وراك يا ماما.. وكل ما أرسلت فوروورد كل ما حصلوا ميلات أكثر وكل ما زاد المبلغ ..
الإطاحة بسيرفرات الهوت ميل :
أحد غبي يظن انه ممكن يرهق اللود على النت ورك وبالتالي يرهق السيرفرات حقت الهوت ميل اذا نشطت عملية الارسال لدرجة كبيرة وممكن يسوي له ضغط ويوقف السيرفر.
وأكيد له أغراض مادية طبعا من ورا هذا ..

وأخيرا كلام مايكرسوفت عن طريقة ارسالهم لأي ميل للعميل :

- Authentic messages from Windows Live Hotmail Support will only come from our support centers and will have your Customer ID number in the subject line. This number starts with CSTID or SRX. If the CSTID or SRX and the respective case number do not appear in the subject line of the e-mail, you have received a forged piece of e-mail.

- Windows Live Hotmail does not forward messages to you (example: “From” line contains “FW”).
- Windows Live Hotmail never sends you chain letters.
- Windows Live Hotmail support professionals never ask you for your current password, either over the phone or through an e-mail message.

متى سنتوقف عن السذاجة إذاً ؟
إذا كنت مهتم بالموضوع : ساعدني في نشر هذا البوست ..

تحديث :
بعد الاقتراحات عملت بنرين صغار أتمنى المهتم بالموضوع يحطها في بلوقه أو ميله او توقيعه بأي طريقة يحبها وهالبانر يقود الزوار إلى هذه التدوينة أو أي موضوع توعوي بهالخصوص
شكرا إحساسي وهذو مره (L)
البنرات :

الأفلام الإنسانية واللي تحمل فكرة مباشرة أو غير مباشرة تجلس بالبال مدة طويلة سواء شفتها قبل يومين او قبل شهرين او حتى قبل 10 سنوات.. الأفلام اللي تحكي لك حياة شخص غير عادي وتنقلك لجو حياة هالانسان وتفاصيلها هي الأفلام اللي تساهم في تغيير نظرتك لحياتك حتى لو كنت شخص عادي .. جهزوا نفسكم لهزات قلبية وفكرية .. جهزوا حالكم لتغيير ولو طفيف في نظرتكم للحياة .. هالأفلام لاتشوفها مع البوب كورن أو أي مشروب غازي .. تأكد وإنك تشوف هالأفلام يكون معاك : * كلينكس . * حياتك .

My Left Foot:

الفلم اللي من أول ما تشوفه وإنت تحس بتأثير على حياتك .. وتبدأ تحس انك ولا شيء قدام عزم هالانسان وإصراره .. عادي لو كل شوي وقفت الفلم وجلست تتذكر كيف استسلمت لحاجات عادية بسرعة واستسلمت للفشل وتقارن بين وضعك و وضع الانسان اللي يحكي الفلم حكايته … عادي لو قلت بنفسك : وأنا كل هالتساهيل عندي ومع كذا ما حققت شيء يذكر ! وأنا مع كل الصحة اللي أعيشها ومع كامل طاقتي كـ بشر ما قاعد استغلها . مع إنو فيه ناس أضعف مني طاقة وصحة بكثيييييير لكنهم مستغلين كل شي حواليهم .. اتسائل ياترى لازم نفقد الشيء عشان نحس بقيمته ؟ لازم تتخلى عنا الأشياء عشان مانفقد اهتمامنا فيها ؟

الفلم قصة واقعية لـ Christy Brown الشاعر ، الرسام ، الكاتب .. أيرلندي – انتاج 1989كرستي يعاني من إعاقة شديدة في جسده لدرجة مايقدر يحرك إلا رجله اليسرى وبس .. وزيادة على إعاقته ظروف عائلته الصعبة .. عائلته الكبيرة و الفقيرة ! كان في بداية الامر ما يقدر يتكلم حتى .. عايش حياة صعبة في كل شيء حتى الأكل اللي نعتبره متعة كان عليه صعب كان ينجز كل حاجاته برجله اليسرى بس.. يتحرك فيها ، يزحف فيها ، يشغل اسطواناته فيه و يساعد وينقذ فيها وحتى يحب ويكره فيها ! يعني تقريبا ماعنده تحكم إلا في رجله اليسرى . إعاقته منذ الولادة اللي وقتها ابوه حس بالعجز لمن جاله ولد زي كذا وأصحابه يضحكون علي .. في نفس البار وعند نفس الناس اللي دخل لهم منكسر وحزين بعد 10 سنوات دخل لهم رافع راسه لان كرستي كتب كلمة برجله .. برجله بس !! وهم اللي كان يعتقدونه غبي وما يفهم وهم اللي يجرحونه بالكلام وإنه مايعرف شيء من الحياة ولا الحروف ولا العلم .. كرستي كان فاهم كل حاجة وكان اذكى من الكل بس الوسائل خانته . ومع كذا رجله اليسرى وفت له .. وكتب فيها .. هذا المشهد .. هذا المشهد بالذات عطوه أكثر من الوقت اللي انعرض فيه .. شوفوه بكل احساسكم بكل احساس العجز والانجاز بكل احساس الامومة والطفولة .. بكل احساس الفخر وبكل الحب شوفوه .. تمشي أحداث الفلم في تسلسل راااائع و تنقل للمشاهد مابين الحاضر والماضي كـ حكاية لحياة كرستي بتسلسل منطقي وفي مكانه بالضبط .. الشيء اللي أحسني ما اقد أوفيه حقه ولا أقدر أقول كل الكلام اللي أبي اقوله هو أداء Daniel Day-Lewis اللي أخذ عليه وبجدااارة جائزة أوسكار كأحسن بيرفومانس .. بالضبط مافي شي أحلى من الفلم نفسه والشعور اللي يعطيك ياه إلأا اداء دانييل ..

* المشهد اللي كتب فيه كلمة mother بكيت لمن قلت بس :| مع إني ما كنت في مود بكي ، بس منظره ومنظر اهله متجمعين يتهجون كلامه كان زي الكهرباء مرت بجسمي .. أمه كانت أول شخص مؤثر بحياته وأول شخص أعطاه كل حاجة تساعده إنه يستمر ..
أمه هي سبب كل حاجة كويسة صارت لكرستي ..

* على إن كرستي ما كانت حياته سهلة ومليانة بمشاكله لكنه ما اهمل قلبه واستخدم حقه المشروع في الحياة و قلبه نبض ومارس حقه الطبيعي وتزوج كأي شخص..

* رسوماته كانت فعلا فن .. وعلى الرغم انها مرسومة برجل وحدة بس.. لكنها كانت تحمل حياته في ملامح كل الوجيه اللي رسمها ..

شوفوا الفلم لو كنتوا تحتاجون دفعة أمل وإنسانية كبيرة .. شوفوه لو حسيتوا بالعجز ، شوفوه لو فقدتوا الإحساس بالأشياء الجميلة اللي تملكونها ..

/

The Curious Case of Benjamin Button:

تخيل تعيش حياتك بالعكس ؟! الناس تكبر وإنت تصغر .. والمصيبة إنه لمن تصغر ماتدري إيش التغييرات في جسمك وخلاياك ولا حتى في الظروف من حولك .. ماتقدر ترتبط بأحد لانكم بتصيرون مناسبين لبعض فترة منتصف العمر .. بعدها ؟!!!

ما أدري وش سوا فيني هذا الفلم .. من جد ما أدري إيش سوا.. يمكن قعدت ساعتين بعد الفلم منسدحة وما اسوي شيء .. بس أفكر بكيف تعيش حياتك backwards ! كيف تعيش على كاونت داون لأيامك وعمرك .. عد عكسي لظروفك وأحاسيسك ولكل شيء بحياتك ..
يعلمك إنو  whether we live life forwards or backwards الخارج شيء غير مهم بقدر الداخل ..والأهم هو كيف الطريقة اللي نبي نحيا فيها ونقرر نعيشها وإيش نسوي فيها..

قصة لشخص ولدته أمه بشكل وتكوين واحد عجوز جدن.. حتى عظامه وشكله والتجاعيد اللي في وجهه ، أخذه ابوه من غير علم أمه و وداه لدار رعاية .. أخذته المسؤولة هناك وربته وكان محد متوقع إنه يعيش كثير .. لكنه في كل يوم يصغر عن أول ويصير أقوى ويميل للشباب أكثر من الشيخوخة ..

على إنك تعرف وش بيصير في النهاية مسبقا من بداية الفلم ورواية الأحداث إلا إنك تجهل كيف راح تصير الاحداث هذي بالضبط ؟ وكيف راح تقدم نفسها .. أعتقد الكاتب والمخرج أبدعوا في هالناحية بشكل كبييييييير .. المشاهد في إخراجها كانت رائهة رائعة. تحب الشخصيات وتتعايش معاها وتفرح عشانهم وتحزن على ظروفهم الصعبة .. الإخراج كان ( روعة ) ودوران الكاميرا و الزوايا المختارة شيء يخليك تصفق للكاست .. الديكور طبعا كان شيء رائع ومعيش المشاهد الفترة الحقيقة اللي يحكي عنها الفلم ..

* كل شي بجهة ومشهد لمن رجع صغير مرررره بجهة ثانية .. بكيت بكي لمن قلت بس .. خلاص ماعاد يتذكر كيف عاش حياته ما يتذكر خبراته ولا تجاربه مايتذكر لحظاته الحلوة ولا حتى السيئة .. :”( خلاص صار طفل صغير يبلل سريره ويضحكون عليه بكلمة حلوة عشان ينزل من السقف.. ما يدري إنه عاش حياة بس بالعكس مايدري انه كان حي من قبل اصلا !! بكيت بمقدار برميلين يمكن لمن كانت زوجته تمشيه في الحديقة :”(

* على الرغم إنه ابتعد عن حياة زوجته وبنته تجنبا للمشاكل اللي بتحدث لأنه يعيش بطريقة عكسية إلا إنه بعد فترة رجع يجن لهم ، رغم انه صغر الا انه مانسى عائلته وجا شاف بنته زي الغريب .. وطلع هو وبنته قراب بالعمر !! موقفه كان يبكي .. وقراراته الجديدة اللي اتخذها وانه يعيش بعزلة كانت بحد ذاتها شجاعة ..

* الشيء اللي ماعجبني بالفلم مره هو براد بيت .. يعني ما احسه الوحيد المناسب للدور ، يمكن هو المناسب من حيث الشكل يعني لأنه ممكن يعطي شعور الرجال الكبير وممكن برضو يكون شباب بنفس الوقت .. إلا أنو كان ادائه مو بنفس مستوى الفلم . ما أبي أقول أشوف توم هانكس بداله لأن شهادتي مجروحة في توم .

* من عيوب الفلم طوله .. أعتقد ساعتين كفاية للقصة وكفاية انه يتجنب كمية البرود في بعض المشاهد .. ومع كذا أشوف ان الفلم يستحق إنه ياخذ أحسن فلم للأوسكار أكثر من سلمدوق مليونير ! لأن التعب السينمائي والروائي فيه جدا واضح * وجهة نظري *

مشاهدة ممتعة للي ماشافهم ..

طيب طيب عشان نكون على اتفاق انا ما أكتب هالبوست وأنا يائسة أو محبطة أو في حالة ضعف، أبدا أبدا بس انها تصفية حساب يمكن . شيء أبي أقوله وأطلعه على فترات متقطعة قبل ما أموت ( حللوني طيب؟ )
* أنا زي ماوعدتك مانسيتك.. أبدا أبدا ما نسيت شيء ، بس تجاوزتك “ الحمد لله “. تجاوزت كل الشعور السيء اللي خلفته لي وخلفته لي هي .. تحاوزت كل الثغرة اللي كنت عايشة فيها في حياتي.. تجاوزت كل الكتمة اللي أحس بها كل يوم لمن تجي السالفة في بالي.
تجاوزت كل الشعور بإني أبي أطير من مكاني لك مع إني اعررررف أنك بعالم ثاني..
تحاوزت الحالة لمن أعطل كل شيء حولي وأشغلك ( إنت ) وأسوي لك Repeat All . عشان كل مره يتوقف مخي عن التفكير يرجع يعيد التفكير فيك من جديد .. تخيل يعني إني تجاوزت الارتباك اللي أحسه لمن أتذكر أو أشوفك !! تصور ؟ حتى انا ما كنت متصورة واللهي !
لك تتخيل إني تجاوزت مرحلة إني أشغل نفسي بأي شيء إيجابي عشان ما أنشغل فيك ، وصرت لااا الحمد لله اسوي الأشياء الإيجابية عشان نفسي الحمد لله، صرت أتطوع في أعمال مو بس عشان أشغل وقتي لا لا لا خلااااص صرت أتطوع الحمد لله عشان أبي أجر وعشان أبغى أحدث تغيير في مجتمعي اللي مليان عاهات مثلك ومثلها ! إيه عاهات وكل شيء يشهد إنكم عاهات ..
يالله شكرا ياربي .. شكرررا لأني تخطيت شعوري السلبي تجاه كل الناس وتخطيت حالة عدم الثقة فيهم وإنهم شريرين وأنا لازم أكون معاهم وحش .. شكككرا ياربي لاني تخطيت هالمرحلة وصرت متوازنة ورجعت لطبيعتي مع ذكاء أكثر .. شكرا يارب ..
تخطيتك وصرت أطالع في كل الخيارات قدامي .. أدرسها وأقيمها بناء على حياتي أنا مو على حياتك إنت .. صرت ما أخليك “ option “ ومررره سعيدة إني استبعدتك من قائمة خياراتي..
تخطيت أيامك وكل اللي فيها وصرت أعيش أيامي أنا .. صرت أعيش أحداثي أنا .. مافيها هموم زي اول .. فيها هموم فيها مشاكل بس مشاكل مريحة من ناس مريحة .. صرت أعيش وافكر لنفسي كثر ما كنت افكر فيك .. بس الفرق الحين ان نتيجة التفكير باينة علي عكس لمن كنت افكر فيك .. كان ولا شيء ( يتقدم ) كان كل شيء يرجع وراء .. يالله قد إيش كنت عمياء وما كنت اشوف انك السبب في كل حالة ( وراء ) عشتها أنا ؟! وإني السبب في كثييير من حالات ( القدام ) اللي عشتها أنت ؟!

تخلصت من شعور إني أحبببك مررره مررره وإني أكرهك مررره مرررره خلاااص صرت متوازنه حتى بشعوري لك .. صرت أحسك شخص عادي زيك زي أي شخص مر وما ترك أي أثر لا سلبي ولا إيجابي ..

تخطيت مرحلة إني أقوم من الحلم مفجوعة لأاني شفتك بشكل ماحد يحب يشوف اي أحد فيه.. ما اقول إني ما عاد احلم فيك .. لا أحلم بس خلاص ماعاد يهمني إيش الحلم بس فيه شيء واحد أعرفه أن الحلم صادق وأعرف تفسيره ورب الكعبة وهي مسألة وقت ويتبين لي ان اللي شفته بالحلم صار واقع .. خلاص ما عاد أبي أحذرك أصلا.. خلاص ماعاد أبي أقولك لاتضيع ولا تطيح من عيني أكثر ، ما عاد أبي أقولك لاتهز صورة نفسك في عيون الكل! خلاص خلاص الحمد لله ما عاد هالشيء من اهتمامي أبد أبد .. إنت هالطريق اخترته بنفسك ، اخترت الخلاص السريع واللي بيخلف لك أثر سلبي في المستقبل في كل شيء في حياتك،
بس طلب طللللب لا عاد تجيني بأحلامي ولاعاد تقول أنا ضايع ! ما اقدر أسوي لك شيء وبالاصح وعشان أكون صادقة ما أبي أسوي لك شيء والله. ولا أبي أساعد خلاص أبي أعيش حياتي كذا مررره مرتاحة مررره .. إنت ضعت إنت نفسك دل الطريق الكويس ..
حد ئالك توه ؟ تهت ليه ؟ حد ئالك موت ؟ مت ليه !!
الشيء الوحيد اللي مقرفني إنك كنت تنتظر موقف زي كذا عشان تمارس طبيعتك الدنيئة وتتعذر بإن اللي صار هو السبب.. ههههههههههههههههههههههه !

خلاص خلااااص أنا عرفت الحقائق اليوم عرفت ان اللي كان بالماضي حقيقة صار كذبة اليوم
وعرفت أيش معنى لمن أقول دايمن : Today’s truths may be tomorrow’s lies.
قبل كنت مصدقة كل شيء ومؤمنة فيك  والحين أشوف كل اللي كان كذبة !

باقي شيئين  بس ، باقي إني أحقق أمنيتي وأقابلها واقول لها اللي بخاطري واعررررف ان ربي كريييم وبيحقق لي هالطلب وإن شاء الله بشوفها وبقول لها كل اللي لازم ينقال لوحدة زيها .. وبرسل مسج لعروب ونور ورشا ونوف وهادية وريم وبقول لهم سويت اللي ابيه :| وأول ما أرجع بفتح ويندو معاهم وأقول السالفة بالتفصييييل .. عندي يقين إن هالشيء بيصير ..

والشيء الثاني إنه ترجع لي ثقتي بنفسي ، ولمن أطالع بالمراية أطالع بثقة واطالع وأنا راضية عن نفسي بكل اللي فيني

* هذه الرسالة أول الرسائل وأكيد مو نهايتها..
* بليز اللي غاوي تأليف كلام وويحب يبني تخيلات وقصص و ( يتلقف ) لايمر من هنا ويسكر الوندو رجاءن .. هذا بلوقي وأنا حرة وأكتب كل اللي يجي بخاطري إن شاء الله صدق أو خيال . عيشوا وخلوا الناس تعيش، التفتوا لحياتكم وربي متاكدة فيها اشياء كثيرة محتاجة إعادة نظر وخلوا حياتي لي أعيد النظر فيها ( أنا ) وإن شاء الله إن تكلمت فيني من ورا ظهري بشيء ما أحبه يجي يوم ويحكون فيك الناس من ورا ظهرك وبشيء ماتحبه إطلاقا ..
ترا الوندو فيها شيء على اليمين أو على اليسار أحمر هذا يقولون انه يسكر الوندو ترا.. عشان يمكن يتسكر معاه لسان كل واحد حاقد ويبي يحكي وبس
قلة حيا

المـطـر يمنحنا حياة ً أخرى ..

Canon EOS 400D
mm 18 – 55

أنا حزين وأنتم أوغاد .. ھذا ھو شعار كل إنسان

أحمد خالد توفيق.

أنا معيون ( منظول ) ، وأنتم صكيتوني عين .. هذا هو شعار كثير من الناس هنـا .

يقول عبده خال:
الهواء الذي عبرك للتوّ .. أخذ شيئا منك ، ليزرعه في مكانٍ ما .. من هذا الكون ..

طيب..
ياهوا.. خذ شيء مني أو لو تبي خذني كلي وازرعني بالسمـاء ..
ولو ماقدرت.. خلاص، خذ أي شيء مني وتأكد إنك وصلته للي أحبهم نور و عروب..

* دايمن أفكر لو الجزء اللي راح مني وصل لشخص سيء او مجرم مثلا
*خبروني وين تبون (الشيء منكم) يروح؟