طـيري ، والـسما بلادك

22/1/2009

the day where I became FREE
.

والصدق الصدق ..! إنو I don’t wanna know what’s it Like without you
زي الطفل اللي مايبي يتخيل عالمه بدون أمه أو حتى لعبته .. أو حتى زي الانسان اللي يتخيل حياته بدون موية وبدون هوا .. مايقدر يتخيلها .. ولا يقدر يتصور انه ممكن يعيش بدونهم..

انا كذا .. وربي، وأكثر.. مقدر أعيش من غير حسكم.. من غير ما أسمع أصواتكم من غير ما أشوفكم.. من غير ما أسولف معاكم .. من غير ما أخذ منكم قوتي .. مقدر أتصور ولا أبي أتصور أنو ممكن يجي يوم ما أكون فيه معاكم وما تكونون معاي.. الله لايجيب هاليوم في حياتي وعساني أموت يارب قبل ما أشوف هاليوم .. لأانو أنا أعرف تماما أنو انا بدونكم ولا شيء وربي .. وربي وربي انا ولا شيء يذكر .. طحت كثير ومحد قومني غيركم.. تعثرت ومحد خلاني أتخطى أي شيء إلا أنتم .. تكرفست وتكسرت ومحد جبرني إلا إنتو .. فشلت ومحد خلاني أنجح إلا إنتو ..  ضعفت ومحد قواني غيركم .. حزنت وانجرحت وانهنت ومحد سندني غيركم .. مريت بأيام ما كنت أتوقع بقدر أكمل بعدها وانا طبيعية ، ومحد مسك بيدي غيركم .. اشتكيت كثير ومحد سمعني غيركم .. كررت كلامي ومحد حسسني انه يسمع هالكلام لأول مره إلا إنتم .. ساعدتوني بشكل ما أتخيله ولا يتخيله بشر … واليوم اللي يمر وانا ما تنفس هواكم وما اعيشه معاكم ماهو يوم.. ولا أعده من عمري وقسمن بالله .. اليوم اللي يمر و وحدة منكم مسافرة والا تعبانة أو ضعفانة ما أحس إني عشته .. ما أحس إنه لازم ينحط بالتقويم .. ودي أشطبه و ودي أشطب كل يوم انتم مو فيه بكامل سعادتكم .. وربي وربي مهما وصلت ومهما حصل لي من الأشياء الحلوة بعمره ما راح يحصل لي زيكم .. قولوا لي بس كيف أقول لكم إني أحبكم ؟ كيف أقول انو ما اقدر اتخيل شيء بهالكون من غيركم .. عرفت بنات كثير وعرفتهم لمدة طويلة .. صارت بيننا مواقف وقصص حلوة بس زي حلاوة القصص والايام اللي بينا ، أنا متيقنة أني ما راح اعيشها.. اختلطت مع ناس كثيرة جدا .. دراسة وشغل وتطوع ونت ومر علي ناس كثيرة كويسة  بس زيكم ما مر علي ولا راح يمر .. ولا أبي يمر علي غيركم .. مابي أتخيل نفسي مع صديقات غيركم .. مابي وربي مابي شيء إلا أنتم.. مابي أحصل على شيء ويكون سبب خسارتي لوحدة فيكم .. أبيكم معاي وفي قلبي زي كل يوم وأبيكم معاي طول ما أنا عايشة وانتم عايشين .. أبيكم أنتم بس .. مابي معاكم شيء ثاني .. لان أنتم كنز ورب الكعبة بس احكي معاكم كل شيء كويس يجي معاكم ..

نور – عروب – رشا – نوف – أروى- وفاء – نورة – هادية – ريم – بسمة مابي الحياة من دونكم وربي.. وربي ماااا أبيها ..

*للبعيد: دنائتك وسخافتك حسستني إني ما خسرتك ، حسستني اني كسبت كثير..
صرت اشفق عليك .. كل ما أطالعك أهز راسي من كثر ما احس عليك بالشفقة .. مابي أحس تجاهك بهالشكل أبي أحفظ الود اللي في قلبي ع الأقل .. بس مقدر.. مابقى مخلوق ما طحت من عينه في الحضيض .. وأنا اولهم .. طحت من عيني والله .. طحت وأشفق عليك .. أشفق على وضعك .. وأشفق ع اللي يطبل لك وأستحقر اللي يصفق لك وانت ماشي بهالطريق.. مابي تكمل بهالطريق.. مو عشاني عشان الأحلام المريعة اللي اشوفها عنك ولا ابي أقولها لك.. لأانك ما راح تصدقني مو لأني كذابة بس لأانك أنت كذاب وصاير أعمى .. أنا شفتك بأسوا أحلامي .. وكانت الأاحلام تخبرني أخبار ما أتمناها لعدوي ورب الكعبة .. لو تقرا هالكلام .. وياليت تقرا ترا انا حذرتك .. ترا انا علمتك .. ترا انا قلت اللي بقلبي بطريقتي .. الله يهديك .. الله يهديك ..

زمان عن كل شيء ، أحتاج أكتب عن اشياء كثيرة بس المشكلة الكبيرة (الوقت)
وحشتوني و وحشني المكان ويستاهل مني أكثر، بس أتمنى فترة (عنق الزجاجة) تخلص وأوعد هالمكان اعطيه أكثر وأعطيكم أكثر.. وبس عشان أسلم وأقول إنكم واحشيني
حبيت أشارككم بصورة صورتها من فترة .
المودل : جود – الكام canon EOS 400d

* ترا صدق صدق واحشيني