طـيري ، والـسما بلادك

canon EOS 400D
Left:1/160 sec. Right: 1/1250 sec.
××
F/5.6
55 mm
ISO-200

Izzie :

Some people are just broken
I guess you just try not to care too much.
Then you can’t be disappointed.

*
فعلا، مضبوط مره مره الكلام .. لمن نعطي أقل حد من الثقة للغير نوفر على أنفسنا خيبات أمل كبيرة .. ولمن نعطي المينمم من الاهتمام للآخرين راح نكسب أنفسنا أكثر من أنو نكسبهم . وفيه ناس أصلها مو محترمة، وهالناس طبعا ما تستحق الاحترام. وتستخسر أخلاقك فيهم، وتتحسف على (ذرة) احترام ممكن ينعمون فيها..لأنهم ببساطة ما يستحقونه.
الله يرحم الملك فهد يوم قال : الأدب مع قليل الأدب قلة أدب.

للي تابع Grey’s Anatomy أو حتى للي ما تابع بيحس بشعور ليكسي المليان ألم من هالموقف:

× ليكسي تخبي شعور لجورج اومالي، والظاهر ان هالشعور من طرف واحد بس. دايمن تهتم له وتداريه وتهتم لكل أموره وشعوره ولكل الظروف اللي يمر فيها سواء كانت سيئة أو جيدة.
بس طبعا اومالي مو هالقد يهتم فيها او بالأصح ما يبادلها نفس الاهتمام ولاهو راضي يفهم ان هالاهتمام من شعور حب.
اومالي اختبر عشان ينهي دوره كمتدرب في المستشفى ويتحول لطبيب مقيم بعد ما فشل في الاختبار الأول، محد سانده ودعمه بقد ليكسي.. كانت تقوله انو راح تنجح وراح تكون الأمور بخير وكويسة .. وراح اعزمك على beer وحتى لو فشلت بالاختبار راح اعزمك على losers’ beer . وفي الوقت اللي هي متحمسة ومستعدة تتقبل نفسيته نجح او فشل محد اهتم له، او بالأصح محد اهتم لها بنفس القد اللي تهتم له ليكسي .. كانوا يسألون مجرد سؤال عادي – عابر. ولكسي مقدمة اومالي واختباره على كل شيء..
في آخر الدوام الرئيس أعطاه الظرف اللي فيه نتائج الاختبار، من حماسها سحبت الظرف تبي تتطمن ع النتيجة ، وفعلا طلع pass . وفرحت كثير يمكن فرحت اكثر منه. وهو بكل برود راح يخبر الباقين اللي ما اهتموا ولا سألوا .. الباقين اللي كلهم لاهين بأنفسهم وبحياتهم ، الباقين اللي مو مثل لكسي ، اللي تركت كل شيء يتعلق فيها واهتمت له.
انكسر خاطرها ومع كذا انتظرته .. ماعارها أي اهتمام .. ولو نقطة اهتمام. ولو شكرا على اهتمامها ماقال .
هي عند وعدها .. بعدها بتعزمة ع ال beer ، راحت للبار وتفاجئت .. لأانها لقته هناك مع الباقين . مع ميرديث وكرستينا وايزي اللي ما اهتموا له .. البقية اللي ما سألوه عن اختباره وهو اللي راح يبلغهم الخبر..  بس ليكسي اللي مهتمة جزاها انه ينساها.. وينسى حماسها ويخليها وحيدة ..
حست بخيبة أمل .. مدري ليه فهمت شعورها اكثر شيء بالحلقة. حسيت بخيبة أملها وبصدمتها .. حسيت انو في ألف سؤال يدور براسها وما حكت. حسيتها تقول ليه كذا ؟ ليه اللي يهتم ويحب مايلاقي المقابل .. ليه ينساني ؟ ليه مايهتم لوجودي حتى ؟ ليه اهتم انا أصلا وانا بالنسبة له ولا شيء .. شافها جورج وهي داخلة .. وبكل برود برضو قالها تعالي واجلسي .. وحتى ما كلف خاطره يطلب لها beer .. البير اللي وعدته فيها .
بكل خيبة أمل راحت وجلست بكرسي لحالها .. لان هذا اللي تستحقه بالضبط لأنها اهتمت..

ليه نهتم لأشياء مو لنا ؟ ليه نطول واحنا نفكر فيها. وبعد مايضيع الوقت ننتبه انها مو لنا.
ليه نحطها في قائمة الأولوليات مع انها مو معنية لنا.. ولا تخصنا.
ليه نحب هالأشياء وهالناس .. مع انها مو ملكنا . ليه حتى نحبها وهي تخذلنا ؟
ليه نجري ورا اشياء وناس .. ونفسها الأشياء ونفسهم الناس يجرون لشيء ثاني ..
ليه نظل نركض ؟ ليه ما نوقف من قبل ما نبدأ نركض ؟

كم مره صرت مكان ليكسي ؟ كم مره انتبهت انك مضيع وقتك مع الناس الغلط ؟
* عني.. كثير .. مره كثير ، كثير كنت لكسي .

حلمت انك تصفعني بمضرب كرة القولف ، بمكان أخضر يجنن !
مدري كنت بعقلك وانت تضربني ؟ وإلا تحس رأسي كورة مثلا ؟
×

الأصل في السؤال إنه يكون متى ما أتذكرك ؟
أذكرك في كل شيء ، في الظروف الكويسة والسيئة.. لمن تمشي معاي الحياة وأمشي معاها ولمن تعاكسني وتمشي ضدي .. لمن أوقف ولمن أجلس.. ولمن أتعثر .
لمن أنجح ولمن أفشل.. وبالمناسبة الفشل يكثر من بعدك .. لمن أسرح ولمن انشغل .
أذكرك وأنا في السيارة ومع إنو عارفة انو ما رح أشوفك أظل أفتش في لوحات السيارات..
ههه ! نكتة أنا ؟ يعني بالعربي الفصيح : أبدو لك كـ نكتة ؟ مو مشكلة انا نكتة .
لمن تسود الدنيا ومحد بيفهم العقدة اللي تتكون جواتي غيرك .. ساعتها أذكرك ..
لمن تخرب كل الأشياء اللي سويتها وبنيت عليها احلام اذكرك .. لمن يتحقق الحلم أتذكرك وبالمناسبة الاحلام بعدك ما تتحقق . لمن أشوف النشرة الجوية وأحوال الطقس على العربية ويمر اسم مكانك أتذكرك .. نعمة صح ؟ ع الأقل اعرف عندك برد او حر ..
لمن يخرب الجدول الدراسي حقي اذكرك.. مو لانك تذكرني بالحاجات السيئة .. لا .. ابدا لا..
بس لأنو ما حد يقدر يطلعني من هالحالة غيرك .. لمن اشيل هم بزيادة أو لمن أتبلد أتذكرك .. ماحد يقدر يعيشني الوضع الطبيعي وبتوازن غيرك .
لمن يجي طاري الهرب أتذكرك :| لانك القدوة الأولى لي في الهرب .. كنت تهرب من كل شيء .. ويبدو لي محد ربحان غيرك .. والكلام اللي ينقال انو لازم نواجه المشاكل وما نهرب منها مجرد كلام .. يمكن يمكن مو أكيد .. لساتني مو متأكدة .. بس اللي أعرفه اني واجهت كل شيء وخسرت اشياء كثيرة .. واللي هرب .. فاز .. (مبروك عن جد مبروك)، والاهم ارتاح . لمن تبدأ الجامعة وحوستها بأول الأسابيع وتتدهور النفسية أذكرك لانك المنقذ الوحيد
لأنك الشيء الوحيد اللي كنت أبي أرجع من الجامعة عشانه.
لمن تتوازن نفسيتي بوسط الترم  اتذكرك :| غريب صح ؟ يمكن لانك تمثل كل حالاتي..
توزان – إفراط – تفريط .. حتى لمن أطنش دروسي محد يخليني أقعد ادرس غيرك .
لمن ادرس بزيادة واتعب ( وهذي نادر تصير على فكرة ) محد يقول لي ارتاحي ويكفي غيرك .
لمن أشوف محل الورد أتذكرك .. وتخيل يعني إنو هالطريقة تضمن إنو كل يوم أتذكرك.. المحل جمب بيتنا وكل ماطلعت وكل ماجيت اشوف المحل وأتذكرك .. وطبعا يعني ما عندك ولا حاجة تذكرك فيني .. لان أنا دايمن يناسب لي دور الغبية والوفية ودور الفتاة صاحبة الذاكرة الفولاذية . لمن أبكي بشدة أذكرك ولمن أنسى كيف أبكي أذكرك .. والغريب أني احملك مسؤولية إني ما اقدر أبكي ..
لمن تتجمع كل الأشياء الصغيرة علي. لمن تتعطل كل الأشياء ولمن أوقف بالنص ما اقدر أرجع ولا اقدر امشي قدام ، ولمن أدوخ وأنا بكامل صحتي ولمن أعيش صعوبة البدايات
ولمن يتعطل التفكير عن كل الأشياء أتذكرك وأنا اصلا افكر فيك.. يعني تصور تطور الحالة عندي أتذكرك وانا أفكر فيك..  مرت عليك هالحالة ؟ أكيد لا.. تمر علي أنا بس .

لمن يجي الليل اتذكرك ، وحتى الصبح اتذكرك . ولمن يموت أحد اذكرك ، ولمن يولد أحد اذكرك . والله العظيم اتذكرك
ولمن أحد يختفي أتذكرك ، ولمن أحد يظهر اتذكرك .. بس أعرفك انك ما راح تبين . ومع كذا أتذكرك
ولمن يجي بريد جديد اتذكرك مع انو عاارفة انو ما راح ترسل، ولمن أحد يسجل دخول بأي شيء اون لاين اتذكرك مع انك طلعت للأبد. للأبد.. ومع كذا اذكرك
وإذا حسيت إني بموت تذكرتك لانو اعرف تماما إن موتي بداية وعذر، و موتك عندي نهاية والم .. ومن غبائي اتذكرك ! اتذكرك
ولمن يصير شيء حلو بالعائلة الكل يفرح، إلا انا اجلس بركن وأتذكرك .. ما شاركتني في هالحدث .. وتمر الفرحة و أتذكرك.
ولمن يجي البرد أتذكرك ، لانو ماحد بيدفني . الملابس ما تغطي مكانك .. ولمن يجي المطر أتذكرك .. مع انه يعني من زمان ماجانا مطر بس اذكرك
ولمن أفرمت جهازي اقسم بالله أتذكرك ، واقول لا يجي يوم وتظن اني ممكن أفرمتك من مخي ، ولا بيجي يوم وانساك باختباري او غصب عني ؟ طيب ؟ اذكرك !
ولمن اكتب كلام زي كذا اعرف انك ما راح تقراه اتذكرك..ولمن ابدااحس اننا نعيش الحظة بالتناقض اتذكرك،يعني انا ليل وانت صبح انازعلانة وانت العكس
ولمن أسكر كل شيء يشتغل وأطفي النور واتحلف بالغطا وانا مافيني نوم يختفي كل شيء واتذكرك
لمن انتهي ولمن أبتدي أتذكرك.. ولمن تختلف الظروف وتصير ضدي أو معي اتذكرك، وبالمناسبة هي غالبا ضدي.. كنت انت الشيء الوحيد بس اللي معاي.. وكان فعل ماضي ناسخ يعني الحين حتى إنت صرت ضدي ..
وش بقى لي ؟

ندّعي دايمن ان السنة تمر بسرعة وانا اول أصحاب هالإدعاء. وإذا فكرت لقيت ان السنة تمر ومعاها اشياء كثيرة صارت، تغيرات كبيرة وعظيمة تحصل ، تتصدّق وما تتصدّق!!.. ناس تفرح وناس تبكي، ناس تمرض وناس تشفى، ناس ترتبط وناس تنفصل، ناس تحمل وتولد وناس تجهض، ناس تحب وناس تكره ، ناس تجتمع وناس تفترق، ناس تسافر وما ترجع وناس ترجع، ناس تجرح وناس تداري، ناس تموت وناس تحيا، ناس تنجح وناس تفشل، امور تتغير وأشياء تتبدل.. اماكن تنفتح واماكن تتسكر، سلع تتكدس وسلع تنفذ، اقتصاد ينهار واقتصاد يزدهر. ناس تغتني وناس تفقر، ناس في مكانها وناس تجري، ناس تغلط وناس تصحح، ناس يعجبها الغلط وناس تكرهه.

ناس تكذب وناس تصدّق .. وانا دااااااايما أكون من الصنف اللي يصدّق .. دايمن .. ههه!
ناس تفوز وناس تخسر .. وأنا دااااااايما اكون من الصنف اللي يخسر .. دايمن .. يا الله.
ناس تلتئم جراها وتنسى وناس تظل تنزف.. وأنا داااايما من الصنف اللي ينزف .. دايماً!
ناس تكمل وناس توقف .. وانا طبعا طبعا يعني من الصنف اللي يوقف دااايماً ..
ناس تحيا من جديد ، وناس تموت .. وانا دايماً من الصنف اللي يموت .. دايماً .. دايماً ..
دايماً.. دايماً.. دايماً.. دايماً.. دايماً.. دايماً.. دايماً.. دايماً.. دايماً.. دايماً.. دايماً.. دايماً.

*

ما أعرف ليه .. لمن أشوفك أكتئب..ولمن أحسك بالقرب تتغير الأشياء في عقلي وفي قلبي .. وتصير كل المشاعر ( نكد ) و (اكتئاب)
×
وما أعرف ليه ، لمن ألمحك إحس إن الدنيا انقلبت فوق راسي..

ما أعرف ليه .. ما أعرف ..ما أعرف

..