ممكن ياعزيزي المشاهد تبكي غصب عنك؟
30 أغسطس 2008المسلسلات الغبية صايرة اكثر من الذكية، المسلسلات اللي تستخف بعقولنا كـمشاهدين تفوق (عددا) اللي تحترمنا وبالكثييييييييييير ، شي طبيعي تفتح التلفزيون بس بتشيك
تلاقي مسخرات ماصارت ولا استوت من المسلسلات وعلى رأسها الخليجية وطبعا طبعا قبلها نور ومهند ولميس وابو شنب.
اي مسلسل يقدم سخافات او يعرض اشياء ما تدخل العقل هذا يعني انه ما احترمني كمشاهد ولا احترم عقلي ولا احترم ذائقتي في الفن او الدراما او غيره اساسا اساسا معتبرني غبي وقاعد يضحك علي وقاعد يجني فلوس من وراي وانا فاهية اناظر فيه..
× طراااااااااااااااخ ، ان ماااااوريتك ما اكون انا فلان ، امشي ياقليلة الادب ياقليلة الحيا فضحتينا عن الله وخلقه ، صوت كف عنييييييييييف ، صوت صقعة بالارض ، آآآآآآآآآه مات آآآآآآآه وصراااخ ، شفايف زي الكفرات ، خدود شوي وبتنفقع ، ميك اب مكبوب كب على وجيه المليحات اللي يمثلون صغارا وكبارا ، ماركات واستعراض جوالات ونغمات ، كشخة مبالغ فيها عما انا بالزواجات ما استرجي احط هالميك اب واكشخ هالكشخة!
كل ماذكر اعلاه يندر عدم وجوده في اي مسلسل خليجي هالايام ( باستناء مسلسلات وداد الكواري) ، ما ادري كيف اصلا اللي يكتب مثل هالمسلسلات يسمى كاتب ويندرج اسمه ضمن الكتاب ؟ الكتابة القصصية لها اصول ولها طرق علاوة على انها فن مو كلمن يقدر له وربعنا الخليجيين عااادي مرره ماشين بانواع المسلسلات ، ماعندهم شي يعبرون عنه غير الحزن كان الناس ناقصة تضيق صدورها اصلا ، تكفيخ وضرب وتكسير وروحة مستشفيات ومآسي الواحد ما يقدر اصلا يصدقها .. طلاق و جرائم ومخدرات ويتخللها كفوف ، تسحيب من الشعر من اول الدرج لآخره – مشهد كامل على تسحيب الشعر وطبعا يغطي المكان صراخ الفنانة المعذبة اللي تصور هالمشهد وهي خاااشة جو مع الدور الفاشل ..
المسلسلات الخليجية ( مو كلها بس اغلبها ) منحطة ! ومافيها اي فن ، فيها استعراض لمظاهر غبية من بيوت وكشخة ملابس وبرمودات وارطال ميك اب ، المسلسلات الخليجية عبارة عن مظهر (غباء) متكامل ولو بتابع واحد منهم بصير غبية ..
المسلسلات الخليجة احسها تقول : الله يخلييييكم صيحوا وريحونا .. صيحوا بأي طريقة تعجبكم بس بلييييز صيحوا على هالمشهد يوم الاخت كفخت اختها كفين وطاحت بالارض وتناثر شعرها الناعم اللذي قطعه السشوار ، صييييحوا وريحونا وخل نقول المسلسل مؤثر وناجح ونال على اعجاب الاغبياء .
× ممثلة نايمة والكحل مالي عيونها والروووووووووج والمحدد ، ممثلة رايحة المستشفى لان عندهم حالة مرضية جاية بكامل زينتها ومتكشخة ، اصلا الواحد بمثل هالحالات فاضي مثلا ؟ بهالحالة ما اعتبرونا اغبياء ؟ التفاصيل الصغيرة ينتبه لها المشاهد فكيف بالاشياء الواضحة اللي زي كذا؟ انتم تبون تعرضون قصة باداء رائع والا تبون تسوون دعايات لمحلات الفاشن وبالطقاق اللي يطق القصة ؟
× انعدام الافكار والاصرار على انتاج (اي) مسلسل يملي فيه المشاهد الغبي وقته الغبي ويصيح عليه بدموع غبيه ، هذا هو شعار المنتجين .
كل المسلسلات الخليجية اذا بغت تشتهر تطرقت لقضية الشذوذ ، الاغتصاب ، الشذوذ ، الاغتصاب ، بنت تاكل مخدرات .. ياربيه مسكينة البنت خلوها بحالها الله يخليكم وهي بتصير بخير .. لدرجة فيه مسلسل مدري وين كان يجي المهم كانوا اهلي يحطونه وقت العشاء وانا اذا نزلت اتعشى اشوف مشاهد منه كل المسلسل اغتصاب ، مابقى بنت بالمسلسل الا واغتصبوها وطيحوها ع الارض وجرجروها وهي تصاااااااارخ مب عشان متعذبة او عايشة الدور لا ؟ بس عشان الناس تصيح ..
مسلسل 2 عندهم بنت شاذه فجأة بكلمتين من امها وبربع ساعة تعدلت البنت وصارت ستريت .. بهالحالة الكاتبة ما تعتبرني او تعتبرك غبية ؟ لأنها تقول الشذوذ مشكلة تنحل بكلمتين من ام البنت وخلاص وانتهينا ..
يا سلام قضية عالمية وتدخل فيها ابعاد نفسية وجسمانية تنحل هالمشكلة بكلمتين وبدون تدخل احد مختص حتى بس عشان يحدد سبب الحالة ؟
لهالدرجة شايفينا اغبياء وما نفهم ؟
× لميس وابو شنب ، نور والماصل مهند .. خصوصا نور هذا برضو يجي وقت العشاء و جود تتابعه وننغصب نسكت عشان ما تصيح .. المهم هذا المسلسل فيه مسخرات مالله به عليم
كل القضية والقصة : نور ومهند تزاعلوا – تراضو – تزاعلوا – تراضوا – مهند كسر الباب -مهند عصب -مهند راح عند ريهام مدري شسمها – نور زعلت – نور رضت – نور راحت مع مهند – مهند يجيب فطور لنور في الشغل – مهند كل شوي يضم نور . انور ودانة تزاعلوا تطلقوا رجعوا تزاعلوا – رضوا – نور اطيب انسانة بالكون – نور مافي احد زيها – نور الملاك – نور اللي عاشت قصة حب مع مهند واصلا مافيه قصة حب فجأة زوجوه ياها وصارت قصة حب – نور اللي تحل مشاكل جميع الناس – مهند تعب نور ضحت عشانه – نور تعبت مهند ضحى عشانها – مهند دخل المستشفى تعبان ميؤوس من حالته نور وقفت ورا الباب تقول مهند لاتروح مهند لاتروح ( عساه الروحة اللي بلا رده هالمهند ) مهند صحى من الحالة الخطيرة جدا باعجوبة ومسك يد نور حبيبته العظيمة على مدى التاريخ وبليييييز يامشاهدين تأثثثروا وجيبوا مناديل ولو تبون احنا نعطيكم – نور كلمن يمدحها – كل الناس تعرف نور وتتكلم عن طيبتها وحلاوتها وعن علاقتها هي ومهند وانهم احسن زوجين ( اجل مدري من اللي كل شوي يتزاعل ويتطاق )
× ابو شنب فجأة بالمستشفى يروح بنك الدم ويقول عطوني دم وبكل بساطة وبدون ادنى تحقيقات يعطونه كيس دم ، يقوم ابو شنب هذا يركض فيه للدكتور في غرفة العلميات ، الدكتور وكل بساطة ياخذ الدم مدري الممرضة وتقول له شكرا .. شكرا بعد :| شايفينا اغبياء؟ :|
شكرا وشو؟ هذا مستشفى مب اي كلام، مو غباء .. ولا شي من اشياء المستشفى تطلع لأي احد مايشتغل بالمستشفى او غير مصرح له .. يعني فيه احد عاقل و واعي وبيصدق انه لو رحت انا لبنك الدم وقلت ابي كيسة لو سمحتو مع كاتشب ، عطوني .. احد بيصدق :|
ابو شنب في حالة خطر عظيمة ، حياته على المحك ، لميس تترجاه وتقول لاتموت لاتموت ياشنبي الاجمل .. يقوم يستجيب لها في غيبوبته ويقوم ومافيه ولا شي .. بعد ما كان بيموت خلاص ، صار القوي وصار الرائع اللي ما كأنه تعب اصلا .. والسبب : لميس ![:]](http://domo3.us/blog/wp-includes/images/smilies/icon_mrgreen.gif){kind=icon}
زين ينفع نجيب لميس للمستشفيات يمكن تقول لاحد قوم ويقوم ؟ والا يعني قام بسبب الحب اللي طاقته تكسر الصخر ؟
كل المسلسلات حب – حب – حب .. عما ان شاء الله قرفتونا من الحب . نبي كره !
نبغى قصص كره ، سخفتوا الحب لأقصى درجة من السخافة .. كأننا عايشين ع الحب بس
يقطع الحب وسيرته ، يقطع الغباااااااااء وسنينه !
يكفي غباااء ،يكفييينا غباء .. يكفينا مسلسلات هابطة، ما تحترمنا ولا تحترم عقلنا
كيف يرضى اي عقل مكتمل يتابع غباء لمدة ساعة يوميا وعلى مدى شهر او اكثر ؟
يكفي غباء .. وربي مررره يكفي ..
×
+ ما اكلت شي
.. هجدت شوي ومسكت التيشرت وبحاسب طلعت فلوسي وكل اللي حولي بلووور 
المهم خلاص ماعاد قدرت استحمل
. قمت لقيت واحد يبيع فوقي وحرمتين – اللي يبيع هذا يقول يافندم ارفعي عبايتك – يحسبني متعثرة فيها ، وانا مدري وش السالفة احس خشمي انكسسسسسر وبنفس الوقت كنت مركبة بريسس فاول ما قمت قعدت اتحسس فمي لايصير انكسر فيني لأان الطيحة شينة والله 
قمت مره ثانية وما مداني قمت الا ودخت ثانية ، قوموني الحرمتين الله يجزاهم خير طبعا وكل جزمة بمكان وشنطتي مدري وين !!
هدى تقول نكمل تسوق؟ قلت بجرب 
..
، ننزل تحت الناس طالعة من الحرم واحنا اللي داخلين
يارب والله العظيم خوفي من البسس لاشعوري
