طـيري ، والـسما بلادك

السلام عليكم ورحمة الله وبركاته ..

دايمن لمن انزل صورة يسألوني كثير كيف أعدل التون سواء بالموضوع او برايفت او ايميل ..

وآخر مره سألني موسعن صدره في البوست اللي فات ..

وحسيت الكل يبي يستفيد ع الأقل من الطريقه ..
فبدل ما اعيد شرح لكل أحد بحطه هنا ويارب أكبر عدد ممكن يستفيد ..

طبعا الأخ موسعن صدره اوحى لي فكرة بإني احط طريقة التعديل بأكشن  ..

طبعا هو أول أكشن اعمله ، فاغفروا لي بعض الأخطاء  ..

يعني مثلا ما كنت شور من اللي أسويه مره !! اغير بلون ومره بلون ثاني ..

بس طلعت النتيجة مرضية ..عموما عشان التعديل يكون كويس لازم الصورة بطبيعة الحال تكون مضبوطة

لان التعديل على صور سيئة راح يكون سيء بطبيعة الحال ..

الأشياء اللي استخدمها بالتعديل ماهي اختراع ولا شي… مجرد تعديل باللفز لو تحتاج الصورة

وغالبا لمن اصور بالشمس ما يحتاج أعدل ..

بعدها أبهت الصورة شوي من ctr+u

وأخر شي اضيف لير بلون التون اللي أبيه واعدل المود لـ color ..

طبعا فيه اشياء ثانية ممكن تعملوها بحسب ذوقكم ..

وحسب رؤيتكم للصورة .. وحسب جو الصورة وإيش يناسبه من تون وطريقة تعديل ..

هذا تطبيق للأكشن في أحد صوري .. 

إن شاء الله المرات الجاية اضبطه اكثر

 للتحميل من هنــا

هدنة :

الكتابة بالخط الأسود .. والبوست الجاي بوزع نظارات ..اليوم العصر تفضيت أصور .. سويت ورشة مع نفسي ..ما كان عندي أي فكرة مجهزتها ولا شي ..مريت من ألعاب جودلقيت doll مررره تجنن وأحسها كيوووتسحبتها معاي وسحبت ولد خالي وجود طبعا الأولى  ..كان مزاجي من الصباح تصوير ..العصر وقت الحوش والصبح وقت السطح   ..

النتائج مرضية بالنسبة لي وخصوصا اني جربت أوضاع كثيرة وعدلت بالاعدادات لحد ما وصلت للي يرضي معرفتي بكاميرتي .آآآآه كم احبكي يا كاميرتي الجميلة  .. هنا بعض النتائج ..      

رأيكم .. والانتقادات مرحب بها جدا 

Exit  :
 -          الظاهر مالي نصيب أنزل الهيومان انتراكتف في جدولي .. بحاول محاولة أخيرة .. يارب تنزل

-          مشتاقة لشي اسمه عروب .

-          لينا النونو الصغيرة اللي في بيتنا شي ينوكل .. اليوم امي هزئتني من كثر ما فغغغصتها  
بنزل صور التوأم ان شاء الله ..-          بريزن بريك شي روعة الحلقة 12 و 13 يشفعون لخرابيط سيزن 3 الغير مقنعة او خ نقول اللي مو  بمستوى سيزن 2 و 1 ..ننتظر التكملة عندي إحساس ان الجاي مذههل ..

-          أنا إنسانة احب نور و نوف ورشا .. شسوي يعني  ؟!

-          نورة توظفت وأخخخخيييييرا وربي فرحت لها   ..

-          باقي شهر ونص ويمر سنة كاملة على حدث غير مجرى حياتي النفسية ..
أبي أعرف بقدر اتحمل لمن اكمل سنة وإلا بظل أبكي لمن تمر سنة ؟! طيب فيه احد يستحق اننا نبكي عليه سنة كاملة ؟!
سنة بأيامها وشهورها وساعاتها ، سنة باحداثها وتغيراتها وطول هالسنة وإنت تتذكر وتعيش تفاصيل غريبة مالها أي تفسير
وعلى الرغم انك تتذكرها يوميا وكل لحظة لكن أي احد يجيب لك سيرتها تقول لهم من دون شعور : ساعدوني أنسى مابي أتكلم بالموضوع ..
لا شعوريا تقول لـ ريم : ريم اذا بتتكلمين عن هذاك الموضوع مابي .. تقول لمشاعل : حرااام عليك ساعديني أنسى .. تقول لنور كل يوم عن أشياء صارت وحدثت
ومن جواتي خايفة من الكلام .. إلى أي حد ممكن نظل نتذكر ونشيل بذاكرتنا مواقف انتهت ولا يمكن ترجع
لمتى نقدر نستوعب انهم راحوا ولا عاد يرجعون .. لأي قدر ممكن نوقف عن التفكير ؟

-          أنا أحبكم  ..

/
مرحبا جميعا .. لي تقريبا 5 شهور ما عملت ولا كولاج ولا مسكت أغراض الكولاج ولااا شي ..آخر مره سويت كولاج كان على بداية رمضان كان الكولاج بطاقة مباركة بالشهر مقدمة من جمعية الثقافة و الفنون ..واليوم عشان بكرا دوام حسيت إني حنيت للكولاج ..

فعشان كذا حبيت احط بالبلوق خطوات كولاج عملته بالصيف يمكن اتشجع وأسوي ،

و عشان اللي حاب ياخذ فكرة يتعلم ويستفيد ..وبرضو حلو تشوف كواليس عمل ../أول حاجة احتجت لـ :

مقص ، صمغ ، قلم رصاص ، قلم اسود حبر ( انا استخدمت قلم رمادي )ألوان خشبية ، ورق جرايد ،

ورق كراسة سادة أو ورق فيه رسمات او نقشات خفيفة/

خامة للتزين من الاطراف ( اخترت هنا كاروهات وهو عبارة عن “طور” قماش ) ..

اول شي أخذت ورق الكراسة واخترت لون فاتح – سادة

وخليته هو الـ backgroundوبعدين قصيت من القماش الكاروهات بشكل طولي لتزيين الحواف ..

بهالشكل :

/بعد اللصق والتثبيت ، نبدا نزين جوا الكولاج ..اخترت هنا أني ألون على ورق الجرايد ،قصيت شكل قلب زي هنا

واخترت اللون الاحمر لتلوين القلب /

،

بعد كذا نرسم الغيوم بنفس الطريقة ..ونلونها باللون الازرق بنفس الطريقة بعد القص ،

واللي يحب يلون قبل القص مو مشكلة برضو ..

/

نثبت مكان القلب في السماء ونرسم خيط طويل لـحد يد الشخصية اللي حابين نرسمها .

طبعا كل شخص يرسم بنته على كيفه

ملابس البنت ( ورق كورشيه ذهبي وأسود )وشعرها صوف وهنا اكتمل شكل البنت ،

واكتملت العناصر الأساسية للكولاج ..بقى الرتوشاضفت ورود وفراشة ..حوالين البنت حتى

تعطي منظر جمالي ولطيف وكيوت ..طبعا العشب الأخضر قطع تكون جاهزة وبألوان متعددة ..من أي مكتبة ..وهذا العمل النهائي :

//

الأغراض جدا بسيطة متوفرة في أي بيت ../
1- ادعوا لي أمي توافق نبني غرفة بالسطح عشان ورشتي للكولاج
2- كـ متذوقين – هاوين او حتى محترفين أيهم تشوفوني افضل فيه ؟ الكولاج أو التصوير ؟
أحتاج رأيكم بشدة ..

قبل أمس كنت مع امي عند التلفزيون وكان فيه برنامج فتاوى مع مفتي عام المملكةوما ابالغ لو انسأل اكثر من مره عن حكم عيد الحب ! 

احنا بسنة 2008 وللحين الناس تتكلم عن عيد الحب ..طيب ابي افهم ليش عيد الحب بالذاات ؟

احيانا احس الناس تعارض بس عشان تعارض وتحس باكشن بالحياة .. 

1-        قرار السماح باستئجار غرف فنادق بدون محرم :قرار بطل وتشكر الحكومة على هالقرار ..

مو بكل شي نحتاج محرم ومو بكل شي لازم تحس المرأه انها ما تسوي شي الا بإذن رجال يمكن يكون موجود عشان الاذن بس .. او عشان توقيعه كـ ولي الأمر وفي باقي جوانب الحياة غايب ..في عهد الرسول كانت المرأة تقدر تخلص امور كثيرة بلحالها وبدون هالشي اللي قاعد يصير ..

وطبعا زي العادة شرذمة كبيرة تحس ان الحياة تنتهي عند هالقرار وانه فتح باب للمفسده وأنو المرأة بتخرب بسبب هالقرار  وأخلاقها بتروح ويمكن يصير فيه اختلاط ويمكن تقوم الحرب العالمية الرابعة والستين  ..

طبعا المعارضة لاجل المعارضة فقط يعني مساكين شي تبرمجوا عليه نفسيا ومعنويا وقلميا وكل شي ..اول ما يطلع قرار جديد فيه ريحة مرأة تطول الألسنة وتكثر احبار الأقلام ..

وش الحرام طيب لو الوحدة استأجرت غرفة بفندق وهي مضطرة فعلا لهالشيء ..اختي تشتغل في إمارة الرياض و تقول بحكم المشاكل اللي تشوفها انو هذا احسن قرار اتخذ في هذي الفترة

لأن من جد فيه حريم ينطردون من بيوتهم وبعفشها وما تلاقي احد تروح له بهالحالة مو خدمها هالقرار ؟ليه دايمن نفكر بالفئة السيئة اللي ممكن تستخدم هالقرار بشكل سلبي ؟

اللي يبي يفسد ما راح ينتظر قرار زي كذا عشان يفسدوالمضحك جددددا قريت من بين كلام كثير انو هذا ذريعة عشان البنت تهرب

خخخخخخخخخخخخخخخخخخخخخخخخخخخخخخخخخخخخخخخخخخخخخ  

نور تكفين امسكيني احس بطيح من الضحك ،يعني اللي في بالها تهرب و ودها تهرب مأجلها هروبها لمن توقع هالقرار والا ايش بالضبط ..

ياما سمعنا عن ناس هربوا قبل هالقرار والصراحة ما الومهم لو هربوا بعد اللي نشوفه  ..

وبعد كل اللي قاعدين يسوونه يقولون وبكل ثقة وبجاحة انهم اعطوا المرأة حقوقها ..خخخخخخخخخخخخخخخخخخخخخخخخخخخخخخخ

حقوق ايش ياعم ! حقوق تسلب البنت حرية التعبير عن اللي جواتها عن قلبها عن مشاعرها ..الاسلام ما امرنا نعامل المرأة كذا وجود الرجل بحياتها مصدر قوة ماهو مصدر سلطة زي اللي صاير الحين ..

وطبعا ستين الف مقالة ومدونة تعارض واللي يسب فلان العلماني عشانه مؤيد القرار !انا علمانية يعني ؟ افق ضيق جدااا جدااااااا .. /

2-       عيد الحب :مليت بالكلام عن هالشي  ، بس عيد الحب مسوين لنا قصة فيه …عيد الحب حكمه زي حكم الاعياد الوطنية اللي الهيئة مب قادرة تسوي شي تجاه خربطة الشباب والبنات اللي تصير بهاليوم ..

 بس تقدر تشلع كل الورود الحمراء من المحلات ههههههههههههههههههههههههههه  

بس عيد الشجرة عادي محد يجيب خبرة – عيد الام عادي محد يتكلم فيه –عيد العمال عيد الكمبيترات عيد الملاهي عيد مدري ايش عادي و اوكي

بس عيد الحب يخلي البنت تتعرف على اولاد وترسل لهم ورود حمراء 

وطبعا لازم فتوى في يوم 14 فبراير ياشييييخ ما كم عيد الحب المنتشر بين اوساط الفتيات والشباب/
بالمناسبة ايش رايكم بعيد للكره والحسد واللقافة  بتمشي سوقها هنا وتصير البطاقات اللي تنرسل كل عام وانت عدوي  ..

وفي عيد الحسد كل عام وانت تفقد الكثير من اشيائك الكويسة وبدل الاسم ينكتب ياااااااااااحظك  

واضمن لكم ماحد بيقول لا ولا بيسألون عنه بالفتاوى لانه مافي شي يضر البنت ويخليها تحب واحد  

عليكم بشعار لا للجديد حتى لو كان مفيد  ، لا تنزلونه ابدا بارك الله فيكم ورزقكم امولا وبنينا

أقولكم ليش ما كتبت كثير بالبلوق ؟ عشان كنت اطبخ ، طول هذاك الاسبوع وانا اتحف اهلي بأنواع الغداءات <– برااااا :]  !

الحمد لله نزل جدولي ، نفس المواد اللي أبي بس فيه تعارض للهيومان انتراكتف مع السوفت وير انجنيرنق بمحاضرة وحدة ارسلت لرئيسة القسم ويارب تحل المشكلة .. بس فيه شي شين بالجدول 4 ايام اروح بدري :”( بس يلا مايخالف مواد هالكورس شكلها ان شاء الله ألذ من الكورس اللي راح ! بس حسيت جامعتنا تمزح مثلا ، الدوام الأحد !! Any waaay انا ما راح اداوم لو يطيرون، بالعادة نداوم الاسبوع الثاني عشان الاسبوع الاول حذف واضافهشمعنى يعني هالكورس ، عيب ياقسمنا خلونا نرتاح شوي  !

/

عندي كم فلم بحكي عنهم ..
Juno ,

انا ما كنت متحمسة له كثير لان ببساطة Ellen Page  ماتعجبني وتمثيلها ما احبه بعد ماشفتها في فلم hard candy  لكن اللي خلاني احمله انو اوبرا مستضيفه كاست الفيلم وشغالين مدح ! وانو الحوار مره شي رائع ومرشح لاوسكارات بالهبل ، طبعا تحمست بعد هالكلام !
ليتني ماحملته ولا شفته ، الفلم سخيف جدا مع ان الحدث ممكن يستغل بشكل رائع ! لكنه يفتقر للتفاصيل جدا جدا جدا ، التفاصيل اللي تخليك ملم بأحداث الفلم لدرجة انك تقدّر اي كلمة تنقال بالفلم وتحسها بمحلها .. ردة فعل أهلها جدا سخيفة ! حبكة القصة جدا سيئة ، النهاية فاشلة – البداية تعطيك امل انو ممكن يكون هالفلم شي حلو ..مابين النهاية والبداية ملل ، الفلم مجملا سخيف في كل شي ، على الرغم من انو الحدث زي ما قلت كان ممكن يتستغل بشكل اسطوري ويقدر اي كاتب ذكي يحوله لفلم اوسكاري ببساطة !بعد ما شفت الفلم تذكرت سخافة ليتل مس سن شاين ، وقعدت اسأل نفسي هالشي يترشح لاوسكارات ليش؟! ممكن يكون مقبول لبعض الناس بس عاد اوسكار مررره قوية !شخصيا – ما انصح احد يشوفه ..

/

هالفترة راجعة لي حالة : أبي أهج – على قولة ريم .. أحس محتاجة اسافر يمكن مو للأبد ،بس لفترة طويلة اغير حياتي – اغير طريقتي – اكمل دراسات عليا .

exit:

لاعمرك بيوم تحب أحد اكثر من نفسك ، حبه قد نفسك لو يستاهل بس اكثر من نفسك ! هذا يعني دمارك ، هذا يعني إنك بتعيش طول الوقت تفكر في هالشخص وتنسى نفسك ، تنسى انو انت محتاج اشياء كثيرة تنسى انو انت تستحق الاشياء الافضل دايما .. حبوا انفسكم – عشان انفسكم

يحدث ونشوف فلم ويجلس تأثيره مدة طويلة جدا جدايحدث ونشوف فلم ويشدنا بكل مشهد وبكل نظرة وبكل حركة، يحدث ونشوف فلم وننبهر بالطاقة الابداعية السينمائية اللي يحويها الفلم واللي نقلها المخرج او الممثل او الكاتب . .وهذا بالضبط ينطبق على فلم Atonement الفلم ما أعرف كيف أوصف مدى براعته سينمائيا و روائيا ..

عبارة عن رواية لـ Ian McEwan ..الرواية باختصار تحكي عن بنت صغيرة اسمها  Briony Tallis تكلمت بشيء اعتقدت انها تعرفه وهي بالأصل ما تعرفه واعترافها هذا لخبط حياة شخصين وحرمهم من بعض .. القصة تتكلم عن عائلة بريطانية اسمها talis  عندهم بنتين Cecilia  الكببيرة و Briony الصغيرة و ولد ..أبو العائلة هذي تكفل بتربية ابن الطباخة بما ان ابوه هرب وتركهم ،وتكفل بتعليمه وكل شي، تحدث قصة حب ماهي جديدة ولا هي خيالية لكن طريقة الفلم ونهايته هي المؤثرة ..Briony لعبت دور في تدمير حياة اختها باعترافها الخطأ استناداً على شيء شافته وفهمته غلط ..ماراح احرق قصة الفلم للي يبي يشوفه لأنه بجد يستحق المشاهده ، راح اتكلم عن النواحي الفنية اللي قدر يوصلها لها المخرج بكل براعة ..طبعا طريقة سرد الفلم جدا جدا ممتعة وافضلها كثير وهي انو يحصل شي وانت مب عارف كيف صار ولا ايش السببولا كيف التفاصيل وبعدها ترجع الاحداث تفصل نفسها بمعنى انه يطرح السؤال وبعدها بمشهد او اثنين يرجع يجاوبك الفلم بمشهد مفصل للي حدث !!

هالطريقة في السينما تتسمى flash back   بمعنى انو الحدث يسبق التفاصيل .. الحركة هذي جدا مبهرة في خلق جو من الحماس في الفلم لأنك تتسائل كيف صار كذاوهذا ليش كذا وتجلس تتسائل لفترة وبعدها يجيك الجواب و التفصيل ويقنع اسئلتك كلها ويسكتها .. بداية الفلم كانت ذكية جدا كانت Briony تكتب مسرحيتها الأولى على الآلة الكاتبةوكان زي التلميح لمصير Briony بالنهاية وكونها صارت روائية مشهورة !! الساوند تراكس شي عجيب فعلا ، استخدامهم لصوت الآلة الكاتبة بهرني جدا فوق ما تتصورون لانه فعلا استخدامها ذكي جدا كون الفلم اصلا رواية و ان كل الفلم يدور حول رسالة تلقتها Briony بالغلطوسلمتها لاختها علاوة على انها كتبت القصة كـ روايةاستخدامهم لصوتها شيء يعتبر من نقاط قوة الفلم ..

التمثيل والممثلين شيء خرافي اعجبني واقنعني ادائهم ،واصلا كيرا  انسانه موهوبة جداتضبط دورها وتقنعك فيه ،وادائها جدا مبهر من فلم pride and prejudice  … جيمس ما اقدر اقول شي بعد فلمه بيكومنق جين لأانه فعلا مبدع !يبكيك بالرغم من كل شي .. مشاهده وطلتته جدا ساحرة ،، اتوقع له مستقبل قوي جدا في السينما وافلام تهز !

Saoirse Ronan اللي قامت بدور Briony كانت فظيعة جدا في التمثيل و نظراتها عن جد تنطق ! والاحلى كيف لمن كبرت Briony جابوا ممثله تشبه له وحتى لمن وصلت مرحلة الشيخوخة كان الشبه واضح ! وهذا الشي اللي يخلي الافلام الاجنبية دايمن متفوقة !!التصوير كان شي اكثر من روعه !!شي يحسسك انك بمتحف فني وقاعد تشوف صور من زمن الفنتيح او رسمات .. ديكورات البيت و ورق الجدران كله يغري انك تروح تزوره وتاخذ لك صور تذكاريةوتعيش هناك يومين وتحس بجمال المكان الحقيقي ..فريمات الصور كانت جدا رائعه ، الفلم كله اعتبره عبارة عن صور فنية غالية متتالية على شكل فيلم !لوح و صور تنتظر من يرسمها فعلا !!

مشهد الحرب كوم والفلم كله كوم ثاني      .. ما راح اقدر اتكلم عنه  راح اخليكم تشوفونه وتقولون بأنفسكم وااااوعلى ذكاء المخرج وااااو على ذكائه في تحريك الكاميرالدرجة انك ما تبي المشهد يخلص وترجع تعيده 3 او 4 مرات .. هذاك المشهد اصنفه انه افضل مشهد شفته في في افلام الألفينات عن جد ..

هالفلم للتاريخ !

Notes :

You can only imagine the truth*

Always say the truth, u will never ever lose when you say it*

* مرات نعتقد اننا نعرف الحقيقة كاملة وان كل شي قدامنا واضح بس بالمقابل ما كلفنا نفسنا وتأكدنا من الشيء اللي شفناهحتى بعيوننا وهالشي يسبب لنا مشاكل ولغيرنا ممكن ينهي حياتهم بنظرتنا الخاطئة..فعشان كذا العين مو كل الحقيقة لازم نتأكد ونبحث وراها مهما  كلفنا !

* مو دايمن الخير ينتصر بالنهاية ، هذي نهاية صوروها لنا في افلام الاطفال لكن الواقع شيء غير ..0 مرات نكون اغبياء حد الجنون لدرجة اننا مانعرف مشاعرنا تجاه شخص ما ايش تكون ،نتوقع انها كره وهي بالواقع قمة الحب ! خ نخلي وقت لنفسنا ونعرف مشاعرنا .. وهذا بالضبط اللي صار مع سيسيليا :I don’t know how I could’ve been  so ignorant about myself… so… so stupid.
And you know what I’m talking about, don’t you? You knew before I did

* احيانا يكون الاسف زيادة وجع وزيادة الم للشخص اللي غلطنا عليه وخصوصا لو جا متاخر !

Atonement   هو الفلم الوحيد اللي شفته وانبسط في مشاهد معينه واتحمس وبعدها بشوي اكتشف انو لا ليش انبسط كان لازم اصيح ! وارجع اصيح ! هو الفلم اللي حاول يعطينا امل قد ما كانت النهاية مفاجئة بكلام  Briony الروائية

:So, my sister and Robbie were never able to have the time together they both so longed for and deserved. Which ever since I’ve always felt I prevented. But what sense of hope or satisfaction could a reader derive from an ending like that? So in the book, I wanted to give Robbie and Cecilia what they lost out on in life. I’d like to think this isn’t weakness or evasion but a final act of kindness. I gave them their happiness.

كلامها صابني في مقتل !

خبروني عن رأيكم بالفلم لو شفتوه / لمن تشوفونه

وحشني المكانكنت مقررة اول ما اعطل الاثنين اللي راح ، <– يعني تراني معطلة من زمان وبقهر هذيان  
اعوض غيابي عن بلوقي بس ما جالي المود : (
خصوصا اني انشغلت بأشياء كثير راح احكي عنها بالبلوقات الجاية ..

أول شي كيف حالكم مع الانفلونزا ؟  

اكتشفت ان بيتنا اصلا مصاب بالزكام عن جد  
كلنا مزكمين ومايمدي نطيب الا تجي مره ثانية

 اختي 5 مرات جاتها ، امي 6 !

انا هذي المره الثانية وان شاء الله يارب الأخيرة  بما ان الوضع عطلة وهيك يعني فأكيد مود سينما وأفلام بطلة  

شفت كم من فلم وراح اكتب عنهمبس قلت ما راح اكتب اي فلم قبل فلمي المفضل

الفلم الأح  

: )
 

تبدا تتعلم ألف شغلة من أول مشهد بالفلم
من ركضه ، من عنايته بابنه
من لعبة ولده اللي طاحت واضطر انه يتخلى عنها واضطر انه يشوف دمعة ولده
مقابل انه يحصل على شيء أكثر وأكبر ..
مقابل انه يوفر الراحة لولده ومقابل انه يكسب أكثر ويكون صاحب هدف ..الفلم من بدايته لنهايته جست وااااو !
مرورا بالساوند تراك وتمثيل ويل سميث للمشهد بكامل شعوره ..
انتهاء بالنهاية اللي تخليك تصفق لاشعوريا لكل شي انعمل بالفلم  

وللشعور اللي وصلك تجاهه لمن حقق انه يكون سعيد مو بس براحته
لا ،، لكن بحصوله و وصله للهدف اللي كان حاطه قدامه ..عجبني تقسيم حياته لمن كان يقول :

This part of my life… this part right here? This part is called  : … running
…

being stupid  …

and So on

لمن اخر شي قدر يسمي مرحلة حياته بـ

happiness

This part of my life… this part right here? This is called “happyness.”

وإنت لاشعوريا تحس بمرحلته اللي وصلها ولاشعوريا تركض معاه وتبحث عن الآلة المسروقة
ولا شعوريا تسعد معاه .. ولا شعوريا تتحمس في سبيل انه يصير بروكر !ولاشعوريا .. تتقبل رسالة الفلم بدون اي عناء للتفكير فيها .. /

الفلم جدا رائع
اخراجا – تصويرا – تمثيلا – شعوريا – سينمائيا – موسيقيا ..كل شي يقول إنه حلو ..

طبعا الفلم هو تمثيل سينمائي لقصة حقيقة ، وهذا الشي اللي يخليك تعجب بالفلم اكثر واكثر .

notes :
- لمن كان ويل وابنه في محطة القطار وبدون مأوى ، كان ويل هو المسؤول الاول والحيد عن طفله
اللي يحتاج رعاية كبيرة كونه لسا صغير ..
كان يتحايل عليه عشان يخليه ينام براحة ..
كان يقوله تخيل اننا في كهف وتخيل وتخيل لحد ما صدق الولد وصارت بالنسبة له مغامرة
وشي حلو ..
كان هدفه من هذا كله غير انه يحسس ولده بالراحة انو احنا ممكن نصنع لانفسنا حالة وهمية
نعيشها حتى نتجاوز فيها حالة واقعية ..-

لمن وصل القطار كان ويل مستعجل جدا شال ولده بسرعه ومع الأغراض والاستعجال
طاحت لعبة ولده اللي يحبها أكثر شي .. كان ولده يترجاه يقول انه يبيها
بس تجاهل كل شي مقابل انه يركب القطار ويروح يدور فرص عمل أحسن تكفل له ولابنه حاليا ومستقبلا حياة أرقى .. واحلى.!
تخليه عن اللعبة ومقاومته لشعور ابنه ونظرة ابنه من ورا زجاج القطار كلها قاعدة تقول للمشاهد
عادي نتخلى عن اشياء نحبها كثير كثير في سبيل تساهيل نحظى فيها بحياتنا
عادي نتخلى عن شيء مهم في سبيل شيء أهم وبكثير .. الفلم شي أسطوري ..
تمنيته طول بس شوي .. ما مليت منه ابداقيمه : 9 / 10 

-          It was right then that I started thinking about Thomas Jefferson on the Declaration of Independence and the part about our right to life, liberty, and the pursuit of happiness. And I remember thinking how did he know to put the pursuit part in there? That maybe happiness is something that we can only pursue and maybe we can actually never have it. No matter what. How did he know that?