طـيري ، والـسما بلادك

 
السلام عليكم ومساء الكرز ../

واجب ممر من هذيان الجميلة  ، يناسب جو الاختبارات  

/

س1: ما هو الطقس الذي تفعله عندما تذاكر؟أكرهني وانا أدرس ، من جد اكرهني .. يعني كل مادة لها طقس معين .. بس غالبا ما أعرف أدرس في غرفتي أبد أبد إلا آخر الليليعني لو أهلي تحت ما اقدر ادرس لحالي فوق أسرح كثيير لازم أذاكر وسط أهلي   ، الشيء الثاني ما اعرف اشخبط ع السلايدات او الكتاب وأنا ادرسبالاحرى ما أعرف أمسك قلم ، ممكن امسكه للضرورة القصوى أو اكتب ذكريات بهاليومبس إني أمسك قلم عشان أدرس ما أعرفوحتى أيام الريض أول الناس تعبي الدفتر حلول وتمارين وهي تدرس وانا لااقرا راس السؤال افهم المطلوب وأحل بمخي !ما أتذكر مره اني تدربت على ورق أبد أبد وهالشيء من أيام المتوسط وكبر معاي لحد ما خلصت اخر كورس ريضوحتى بمواد التخصص أحب المذاكرة الذهنية أكثر شي ..أحب أدرس وكل شي مرتب قدامي ، المهم مخطط بالهاي لايت والملاحظات ملصقة بورق بوست ات ..

أهم شي مايخرب برستيج الكتاب  

وطبعا لان مراجعنا كثيرة تصير حفلة بآخر 6 ساعات قبل الاختبارع الأرض سلايدات – كتاب اكبر مني – مراجع من النت – كتاب اضافي للضرورة –

اللاب توب عشان قوقل يحل كثير من المشاكل ولازم بعد كل اختبار تنحاس الغرفة :”( 

برضو يحلى كللل شي في الاختبارات اشياء متعودة عليها يوميا تصير تجنن  

النت يصير حلو ويصير مره ماودك تقومين والناس فجأة تشتاقين لهم والأكل يحلى

 والكاباتشينو ما عاد يسهرني صار ينومني

وع متى اتخرج !! 

 س2: متى كان أصعب امتحان مر عليك؟هههههههههههههههههههههههه لا يعدون ولا يحصونكثيرة موادنا الصعبة مره كثيرة ،  بس ما انسى القرف اللي كان يجيني في مادة DBMS

Data Base Management System

نظم إدارة قواعد البيانات ، المادة دش وكلام كثير والدكتور ما يعترف الا باللي موجود بالسلايدات لازم نصصصاكنت ما انبسط إلا إذا دخلت على شابتر pl/SQL اللي هو شابتر البرمجة  كان المنهج طويييييل طويييييل وكلام كثير ينفهم وينحفظ ومه ملخبط كل شي كل ما ذاكرت شي ورحت للشابتر اللي بعدهتلخبط علي اللي قبل  والاختبار كان طويل مره طويل وكثير وما صدقت متى حطيت القلم و وقعت وهجيت برا القاعة ..والحديث عن الصعب يطووول .. 

س3: ما هو أطرف فعل فعلته أيام أمتحاناتك للهروب من المذاكرة؟الباث روم الله يكرمكم : (ما اعرف وش يجيني كل شوي رايحة الباث بدون حاجة   !والا كل شوي اطل ع الماسنجر – المنتدى – البلوق بس بعدين شوي واتأقلم اني لازم اخلص عشان انامودايمن الهروب عندي يكون بالنوم
 ومره كان مالي خلق ادرس ولا اختبر والا اسوي اي شي في مادة ريض ( كالكولس 2 ) وبكل بساطة غبت   وبدون عذر طبي من وساعة الوجه  !يوم شافتني صديقتي سويت كذا اتخذتني قدوة لها وغابت معاي بدون عذر   خخخخخخخخخخخخخخخخخخخخخخ

انا بس ابي حل لسالفة النوم هذي اكون شبعانة نوم واذا كان عندي اختبار ابدا اتثاوب واعد الدقايق عشان انام

ها هذو كم تعطيني ع الواجب ؟  

السلام عليكم ورحمة الله وبركاته ،

مسائكم كابتشينو وابتسامة

خلص الأسبوع الأول ، و وراه الأسبوع الثاني والحمد لله.. وحذفت من اللست أشياء كثيرة ، وما بقى إلا مناقشة بروجكت الأركتكتشر وتسليم بروجكت السيستم بروقرامنق ،

وبعدها نبدا فاينل مباشرة / دعواتكم بلييييز قد ما تقدرون ..وبنهاية يوم الأربعاء أكون انتهيت من كل الميد تيرمز ولله الحمد منها الحلو ومنها الصعب

ومنها الخياليو منها اللي ما اعرف انا حليت والا لا ،اليوم بس رحت اختبرت نص ساعة وطلعت ،

حلو هالشعور أحس إني أكسب وقت أكثر لنفسي   ..

بعد ما تنتهي اللستة الحالية بعبيها بأشياء زييي الهبل لازم اسويها بعد ما أخلص الفاينل : (

يارب بس تعديها على خير وتنجحنا ..

دايمن يغيظني وبشكل جنوني أنو كثير من هالخلق تدور بس أي حاجة ولو كانت سخيفة ومختلقة عشان تشغل فيها الخلق

وتسوي نفسها المكتشفة لحقيقة الغرب ..السيء في الموضوع اننا نترك حاجات مهمة جدا جدا في أنفسنا ومحيطنا الصغير فالاكبر

ونروح لشيء أتفه من التافه ..السيء إنو تطلع ضجة كبيرة عشان كوكا كولا صارت بقدرة قادر لا مكة لامحمد

ويروحون يقصصون الشعار ويقلبونه ويحوسون الف حوسة ويفكرون بشكل الشعار ايام وايام

عشان ينبسطون ويقولون للناس ويوزعون نشرات ان شعار كوكا كولا = لا مكة لا محمد ،

طيب الوقت اللي ضاع وانت تفكر وتقلب الشعار وتقارنه بكلمة لا مكة لا محمد مو أولى فيك انك تستغله بشيء مفيد لك ولأمتك ،

بهالطريقة أبدا ماراح تنحل مشاكلنا ولا راح نقرب للحل حتى ..

إذا كان همنا الغرب كيف يفكر وإذا كان همنا إنو كل شي جاي منهم هو اسائة متقصدة للإسلام ومكيدة مدروسه من 60 الف سنة ،

طيب لو كان اسائة لنا ؟ وش بيفرق ،

ع أساس منظرنا الحين قدام العالم مرره حلو وكويس ؟

لو كان حقيقي فيه نسبة صغيرة من الصحة لهالإشاعات اللي يختلقونها ، وش راح يتغير نقاطع سنة وبعدين نرجع ؟!

نصير أذكياء لمدة سنة يعني وبعدين نبطل ذكاء ؟

المشكلة انو احنا غالبيتنا أي شي ينقال يصدقه ، لو قالوا كوكا كولا = لامكة لامحمد قال يااا الله شوفوا كيف الغرب يكيد لناولو جاو قالوا انو كوكا كولا = مكة شي حلو قالوا ياحليييييهم

في برنامج خواطر شاب المذيع تكلم عن هالشي وسوا تجربة صغيرة بأنه راح لمجمع تجاري

وحط ورقة للناس عشان يوقعون لرفض شيء معين ممكن يسيء للاسلام ( طبعا ولا تهون موضة التوقيعات اللي هابة )

في مدة وجيزة جمع اكثر من 200 توقيع وبسهولة ،احنا قوم اللحظة ، نثور للحظة وبدون ما نفكر ليش نثور وهل نثور على شيء صحيح أو غلط !ايش يعني هدف الشركات لمن تحط شعار مقلوب لـ لامكة لا محمد ،

يعني ماعندنا شغل ابد ولا افكااار الا بس انو نشوف شعارات الشركات العالمية ونقعد نحوس فيها لمن نقنع انفسنا انها اساءة للإسلام ؟اللي هيض الأشجان انو نجلاء ونور ونوف قاعدين يحكوني عن موضوع شافوه وقعدوا يضحكون عليه ويحق لهم

لمن رجعت البيت قوقلت عليه ولقيت عجب عجاب

اللي يلعن ويسب جيان وكل الفرنسيين واللي معنون للموضوع بـ فضيحة جيان المدوية

واللي يقول فتوى جديدة قاطعوا جيان..“فتوى جديدة ” ذكرتني هالكلممة بـ موضة السنة الجديدة الحمد لله والشكر بس .. السالفة ان واحد حاط له موضوع بخصوص شعار جيان < -  لحد يضححك رجاء لازم نساير هالعقول

ومصوره عن قرب وعن بعد وأنهم راحوا حكوا للهيئة ومعرف ايش انو شعار جياااناستعدو للطامةاستعدو للمسخرة

شعار جيان يدعوا لنزع الحجاب

ههههههههههههههههههههههههههههههههههههههههههههه

وفرحانين بنفسهم لمن ذيلو الموضوع بكلمة : عشان تعرفوا إنو بنات السعودية مستهدفين

انتحر؟
لا لا خلوني أنتحر، نور لاتمسكيني خليني أروح

والبشع في الموضوع انهم ملونين الشعار حتى يساير تفكيرهم المريض ،

صار بقدرة قادر لون الشعار  أسود حتى يصير عباية ويفرحون هالأشكال بأنفسهم وانهم اكتشفوا فضيحة جيان المدوية،

جيان شركة فرنسية لها سنوات كثيييرة وطويلة في مجال الأغذية ولها فروع كثيرة ،ومؤخرا بس جات للسعودية ..

يعني اخر هم جيان انها تسوي شركة كبر قرييح عشان تخلي الشعار يدعوا لنزع الحجاب من الفتاة السعوديةع اساس هي ما نزعته اصلا ..لمتى إحنا كذا ندوّر في اللاشيء شيء عشان نثير ضجة ونقاطع ونحوس واحنا من أردى لأردى..

اللي بيقدم شيء لأمته يقدر بألف طريقة إلا هالطريقة ،، حافظ على صلواتك ، طور ذاتك اهتم بأهلك اهتم بتعليمك وقرائتك ،

وابدأ خلي تأثيرك الإيجابي على شريحة أكبر .. أما بهالطريقة احنا ننزل ،

وننحدر ونغوص في الغباء ونضحك العالم علينا ،وبهالطريقة نكون الواثقين بأنفسهم لدرجة الغباء والسذاجة

لدرجة اننا نفكر ان كل العالم صار يهتم بتجارته عشان يزعزع مبادئنا ، ( طبعا لاحد يجي يقول انهم يكرهونا انا اعرف هالشي واعرف انهم يغزوننا فكريا ،

مني محتاجة احد يعلمني هالشيبس فيه فرق وين يغزونا وكيف وأكبر ناتج للغزو الفكري هو كيف طلعت لنا هالاشكال اللي تهتم وتنشغل بالتوافه )

بدل ما تدور على شعارات شركات قاعدين نستفيد منها بكذا طريقة امسح القنوات الفضائية المخلة

راقب أطفالك وكيف تربيتهم ومو ترميهم ع التلفزيون يربيهم وتجي تقول بعد مدة جيان يدعو لنزع الحجاب ..

حافظ على صلاتك وقوم صلي الفجر ولاتفكر بشعار كوكا كولا ايش هو !!

انشر علمك وافكارك الايجابية وبكذا راح تكون الشخص المسلم اللي يفكر بنفسه وأمته في نفس الوقت

/السبب الاول وراء تراجعنا كـ شعب رغم توفر كل مقومات التطور : هو وجود شريحة كبيرة مثل هالناس المتخلفة

اللي تحصر تفكيرها بشيء معين فقط وما تتعداه ، والنتيجة أفق ضيق ، النتيجة تخلف ،

النتيجة إننا ما نستفيد من العلم اللي عندنا ولا نستفيد من العقل اللي وهبنا إياه ربي ،

والنتيجة بالمحصلة تراجعنا وتخلفنا رغم كل ما نملك ..