طـيري ، والـسما بلادك

لأني أؤمن إنو يد الانسان قادرة على صنع أشياء ساحرة بفضل الله، أحب الأشغال اليدوية.

كيف أصنع دفتر يدوياً ؟

تقريبا من سنتين ونص خضت تجربة العمل الخاص، وبعت دفاتر عملتها يدويا في أحد البازارات. راح أنشر تجربتي قريب <- – بدري مره ترا
المهم بعدها صرت أتلقى طلبات من الناس القريبة ، ويعطوني اللي يبونه في الدفتر ، مثلا مقاسه وشكله و شكل الورق وأنا أحاول قد طاقتي وأسوي اللي أقدر. حبيت أشرح الخطوات البسيطة لعمل دفتر يدوي، بعض الناس تحب تعمل اشيائها بنفسها وكنوع من نشر الفائدة راح أنشر دفاتري وكيف أعملها وإيش الخامات اللي استخدمها. هالمرة راح أشرح طريقة دفتر مبسط وحجمه صغير، عملته قبل كم يوم عشان يكون مكان لأفكاري ، آخذه معاي وين ما أروح، أسجل فيه أفكاري وأهدافي الصغيرة والكبيرة، اللي ناوية أبداها واللي مو ناوية .

بسم الله نبدأ.

الخامات والأدوات :
#ورق كرتون ( أي كرتون في البيت ، كرتون بيبسي – مناديل أي شيء يمشي حاله )
#أوراق تغليف ( بعضها كنت مشتريتها وبعضها بقايا اوراق من هدايا )
#أي شيء تفضلونه للتزيين سواء شرائط او أزرار. كله يرجع لذوقكم.
#مقص – صمغ.

أولا:
أقص الكرتونة بحسب المقاس اللي أبي. مرات أكتفي بقصها ،( ومرات أنزع الطبقة اللي فوقها عشان تظهر خطوط الكرتون، وتعطي شكل جميل ).

ثانيا:
أبدأ مرحلة تزيين الكرتونة بأي شكل أنا حابته. في هالدفتر اخترت أزينه بأوراق تغليف بطريقة عشوائية وبألوان مختلفة. أول شي لصقت القطعة اللي فيها ورود بنفسجية، وفوقها لصقت القطع الثانية زي ما هو موضح بالصور:

بعد ماخلصت مغطية الكرتونة بورق التغليف، حبيت أضيف شي زيادة من شيء أحبه. شخصيا أحب الريبونز المنقطة، فاخترت هاللون وقررت أحطه في أحد الزوايا:

* كانت فكرتي بهالطريقة ، انو زي ما يحطون ريبون أسود على صور الأشخاص المتوفين، أنا احط ريبون بلون مليان نشاط وبشيء أحبه، أبي أعبر عن الدفتر بطريقة أنو يحمل حياتي وأفكار حياتي، وتجاربي البسيطة وأهدافي المعلنة وغير المعلنة.. ببساطة دفتر الحياة.

الحين بعد ماخلصت تماما الغلاف، بقى الورق الداخلي + السلك. شخصيا أفضل السلك لأنو مرات جربت أخرم الكرتون مع الورق واربطهم بشريطة، بس طلعت الفكرة غير عملية خصوصا لدفتر راح أستخدمه كثير. فصرت أسويه سلك. أخذت ورق أبيض A4 لانه مو مسطر ، ما أبي أي سطور ! أبي ورقة ( بيضاء حرة ) وقصيته على نفس حجم الغلاف، وأخذته المكتبة وطلبت منه يسوي له سلك . والنتيجة :

بإمكان أي احد يصنع الأجمل إذا استخدمنا خيالنا وأفكارنا البسيطة. الأشياء اللي من صنع يدنا ونتيجة لأفكارنا راح يكون لها معزة خاصة عندنا حتى لو تطورت مهاراتنا. راح تبقى تحمل معاها ذكريات اليوم اللي عملت فيه هالشيء، وراح تظل تحمل معاني كبيرة داخلك. جربوا تصنعون ولو حاجة وحدة بس بيدكم وبجهدكم. توفير مال واستثمار جهد و وقت ومتعة في حاجة ترافقك طويلا : ) .

دائما يشدني البيز شكلا ومضمونا ً. وهو قطع من الأقمشة موصولة  بخيوط مع بعضها بطريقة فنية و ذوقية تساعد على مسك الأشياء الساخنة في المطبخ بالمقام الأول. جرت العاةد إنو يكون شكله: قطعة قماش ملونة أو مصحوبة بنقوش في الجهة الأمامية للبيز، وقطعة قماش سادة أو منقوشة برضو من الخلف. القطع هذي موصلة ببعضها بخيوط متينة ومرتبة. ويزين البيز بالقيطان على القطعة الأمامية غالبا كشكل جمالي متعارف عليه. ومن الداخل مبطنة بمزيد من الأقمشة لحفظ الحرارة. الشيء الحلو واللي يعجبني دائما هو الأطراف الخارجية للبيز :

زي ما نشوف عبار عن مثلثات تمت خياطتها في أطراف البيز للزينة. حتى صارت هالمثلثات هوية للبيز. البيز أقدر أعتبره قطعة فنية ورائها رؤية كبيرة ونظرة أعمق. البيز فن عمله أصحابه من غير مايعرفون إنو هذا الشيء فن ومتعة للناظر و المتذوق. النقوش و الأقمشة المختارة، الطرزات والألوان المنقتاة عشوائيا في البيز تشدني كثير. توليفات الأقمشة مع بعض سواء كانت منتقاة بعناية او بشكل عشوائي كلها تشدني، لمن أشوف البيز اللي قماشه من الأمام وردي ومن الخلف أزرق ، او من الأمام أحمر ومن الخلف بني بطريقة غريبة كلها ترجعني للماضي وبساطته .. للماضي اللي الاهتمام بالمظهر فيه أقل. ما ادري ليه أحس انو البيز من الأشياء اللي احتفظت بقيمتها على مر السنين واحتفظت بشكلها.. ما أحس إنو بيز إلا لمن يكون بهالشكل وبهالاختيار العشوائي وبخيوط القيطان. ما اشم فيه ريحة الماضي، ولا أشم فيه ريحة امرأة كبيرة في السن سهرت عليه تخيطه كتذكير للأيام الماضية وكـمصدر رزق، إلا لمن يوصلني بنفس الطريقة اللي ظهر فيها. و الأكيد: لمن يكون متطور أكثر ومعمول بعناية مصانع ما راح أحبه أو أطول اطالع فيه وأنسج منه ألف قصة وقصة. جاي على بالي أجلس مع وحدة تسويه بيدها واشوف كيف تبدا الحكاية وكيف تنتهي، أتخيل المثلثات تلخيص لحياة المرأة اللي عملته ! أتخيلها تمثل نقاط القوة والضعف، نقاط التحول في حياتها من اعلى لاسفل والعكس، نقاط المحبه والكره ، أشوف إنو تمثل المنعطفات اللي بحياتها وبحياتنا برضو! في البيز معاني كبيرة أكبر من عازل للحرارة. البيز يعلمني إنو الحياة مرات افضل تكون عشوائية ومو بتخطيط كبير ودقيق بس الأهم إننا ما نحيد عن الهدف الواضح اللي رسمناه لأنفسنا ( ويمثل هالشيء شكل البيز بالنهاية). البيز يقدم لي معنى بسيط جدا جدا للحياة: صلحها و جملها بنفسك وبأي طريقة تقدر عليها.

* عندنا ألف مساكة بأشكال جميلة وألوان روعة في المطبخ ، بس فعليا ونفسيا ما أقدر أستخدم إلا البيز.

وكالعادة، فرحة الأطفال بالهدايا أكبر من فرحتهم بالعيد نفسه، وانتظارك للحظة اللي تشوف الأطفال فيها فرحانين، تقدر تخليك سعيد لو ايش ما كانت همومك .. هالسنة اشتغلنا ع الهدايا كثير، كان العدد اكبر وخلينا الأشكال أكثر .. اشتغلت عليهم انا واختي، وكان العمل والتقصيص والترتيب مرره ممتع ، وخصوصا وانا اقول لها بكل علبة ازينها: هدى شرايك ؟ احط هذا والا هذا؟ ولمن اخذ من الشوكو وهدى تقول: ترا بيخلص وانتي اللي بتروحين تجيبين مره ثانية.. خلص رمضان وخلص العيد و يارب ما تخلص الفرحة.

* الهدايا كانت عبارة عن ورق كرتون لفيته بشكل اسطواني والقاعدة عبارة عن ورق سميك. أول شيء بعد لف الورق بالشكل اسطواني، جبت ورق سميك وثبت الاسطوانة عليه ولصقتها وبهالطريقة بيكون قص الزوائد أسهل وتثبيت القاعدة أسهل.
بعدها من فوق ركبت الشرائط بصمغ حتى تكون بشكل حامل للهدية ، والزينة من خامات مختلفة زي ما انتوا شايفين.

* الأكياس هذي من جرير مررره حلوة بالشغل وتزيينها ممتع وسهل

* أضغط على كل بار عشان تتكبر الصورة وتشوفوها بشكلها الكامل، حاولت انزل قد ما اقدر من الصور بس الصور مررره كثيرة اكتفيت بـ 18 صورة وبنموذجين من الهدايا..

خبرونا شو عملتوا في العيد ؟ أبي اسمعكم .

* محد يقدر يقاوم فرحة الأطفال لمن يستلمون هدايا ولو كانت بسيطة للعيد، راح يحسون بالعيد من قلب، ويفرحون بكل إحساسهم ويعيشون العيد بالفرحة المطلوبة
مرات أحس أنهم اخذو الفرح بدالنا .. يعني احنا مانفرح كثرهم .. بملابسهم بانتظارهم للبس العيد ومتى يطل الصبح عشان بس يشوفون انفسهم بملابس جديدة.

من لمن انولدت جود وصارت هدايا العيد باسمها ، ما اتخيل كيف هالبنت الصغيرة غيرت حاجات كثيرة في حياتنا، مقدر اتخيل اي شي بدون ما أذكرها فيه.
المهم بكل عيد صرت اعمل هدايا باسمها ونعطيها الصغار ويكفي نشوف فرحتهم ، ويكفي لمن تكبر جود تشوف كيف صنعت فرح ناس كثير بدون ما تدري .. : )

حبيت اعرض هدايا العيد اللي راح ، لانها كانت الأبسط والأقرب لقلبي وقلب الأطفال
بكل عيد كنا نجيب من محلات وكانت الفخامة بالشوكولا والهدية تفقدها البساطة بصراحة
فقررت اسويها بنفسي واضبطها بنفسي ، مهما كان شغل اليد غير مره وبساطة الشوكولا أجمل ..

الهدايا عبارة اغراض متوفرة بكل بيت وتوفيها سهل ومو صعب ومو غالي أبداً..

- أكواب بلاستيكية
- ورق كروشيه ، وفيه ورق راح تشوفونه بالصور ما اعرف شسمه لكنه متوفر بالمكتبات.
- سلك حديدي مغطى بفرو ترا ما ادري شسمه بس موجود في مكتبة الشرق وراح تعرفونه من الصور.
- بخاخات ملونة
- أي أشكال تحبونها للزينه.
- صمغ ومقص.

* بداية نبخ الكاسات من جوا بأي لون نحب ، عشان تكون من جوا مولنة وتكسر لون البياض وخصوصا الأطفال يحبون الملون
بعدين نبدأ نقص من الورق (أي لون) بشكل طولي ونلفه حوالين الكاسة لمن تتغطى كلها
( أنا أحب اغطي اللي فوق قبل بعدين اقض قصة ثانية للي تحت ).
ناخذ السيم ونقصه للطول اللي نبيه ، لأنه راح يكون هو الحامل للكأس فقدروا الطول اللي ترتاحون له ، اهم شي ما يكون صغير مره عشان ينشال بالراحة وما يتعبكم وانتو تحطون الشوكولا فيه، ولا يكون طويل كثير لأانه راح يكون سهل مره انه ينفك ..
بعد قصه نثبت أول طرف منه على الكاسة من فوق ولمن تتثبت مضبوط نلويه ونثبت الطرف الثاني ونتأكد انه تثبت مع الصمغ كويس..
بعدين نزين الكاسة باللي نبي ، إما قلوب او ستكرات او قلترز او اي حاجة .. وانا انصح بمكتبة الشرق أو جرير فيها حاجات مره حلوة وتفتح النفس.
بعد ما ننتهي من التضبيط نعبي الكاسات بالحلويات والألعاب الصغيرة اللي يحبوا الأطفال.

* في الصور أعلاه شكل الأكوب من بداية التزيين لحد اكتماله.
* اضغط على الصور للتكبير

×
أنا الإنسانة اللي تبي تهاجر ، تبي تبعد ، تبي تغرب ، أنا الإنسانة اللي تبي تطير
تبي تبعد عن الأرض لاي مكان مايهم .. انا الإنسانة اللي تبي تهاجر .. لـ اللامكان ، ل اللازمان ، لـ الولا شي.
انا اللي تبي تروح وتترك كل شيء وراها، تهرب يمكن ؟! بس تبي تعيش حياة جديدة وبداية جديدة بأشياء جديدة وناس جدد، أبي أنسى أبي أسلى ، أبي أتحرر .
أبي أسافر لمكان ما أعرف فيه أحد ولا احد يعرفني ، أبي إذا مريت من ناس مايعرفوني وانا بعد ما أعرفهم ، أبي أمر زي الغريبة من بين الناس ، ابي إذا مريت من عند حد يصير غريب عني ما لي معاه سوابق مالي معاه مواقف ، ما كرهته ولا كرهني ماحبيته وخذلني ولا حبني وخذلته ، مابي اكون غلطت عليه او عطيته اكثر من حقه .. ابي امر من ناس ( كذا ) مالهم تأثير بحياتي سلبي او ايجابي ، مالهم اي وجود بحياتي .. مالهم اي معنى بحياتي ..
ابي أمر من الناس وانا مو شايلة بقلبي على أحد من هاللي امر منهم .
أبي امر على وجيه غريبة غير الوجيه اللي أعرفها .. غير اللي ألفتها .. غير اللي تذكرني بشء مضى وراح .. أبي أمر واللي يشوفني مايعرف وش هالكائن اللي مار ، وش اصله ؟ ومين هو ، ومن وين جا ؟ وايش الظروف اللي مره فيها .. ابي انولد من جديد في ناس جديدة في ظروف جديدة .. في جو جديد ، بقلب جديد نظيف، بروح شابة مو تحس بالهرم .
أبي ابعد عن هالمجتمع المتخلف اللي عايش حياته فوضى وحاط قوانين غبيه ، ابي ابعد عن كل هالقيود اللي مالها أصل .. ابي قيودي بس في ديني .. مابي قيود غبية حطها ناس قبل 100 سنة وقدسوها .. أبي أنسى هالمجتمع اللي يقيم الناس بحسب قوانين غبية حتى الطبيعة ما تقبلها ، ابي اروح عن هالمجتمع اللي مليان قيود وكل انسان يناقض نفسه ويخالف هالقيود اللي متبنيها ، عارف كيف يامجتمعي انت كيف صاير ؟ انت صاير زي الشارع فوضى، فوضى ، فوضى ، وحاط لك إشارات كلها خربانة .. متى ما صح لناسك انها تقطعها ، قطعتها ، ومتى ما حبت تتقيد فيها تقيدت .. انت فوضى عارمة.
أبي أبعد واسافر لناس ما اتكلم لغتهم وما يحكون لغتي ، ما افهم وش يقولون ولا يفهمون وش اقول .. ابي ما اتكلم عن احد أصلا .. أبي اسمعهم يحكون ويتكلمون ويثرثرون وانا ما افهم ولا كلمة ولا حرف ، ولا ادري وش الموضوع اللي يحكون عنه اصلا ..
أبي مكان مايعرفني ولا يقيمني، ولا يعد لوجودي شيء ، ابي مكان ما ارتبط فيه بأحد ولا اقيم فيه حد ، ولا أعد لوجود أحد أي شيء .. أبي مكان امشي فيه امشي امشي امشي امشي ، أركض أركض أركض ولا تعبت ، وقفت . بعدين رجعت أركض أركض اركض .. وبعدين إذا شبعت من الركض أصرخ .. راح اسوي زي فورست قامب بالضبط بركض لمدة 3 سنوات وإذا حسيت اني اكتفيت ما راح أوقف وارجع ، لا بصرخ صرخة قوية بطلع كل التراكمات وبعدها برجع
برجع للمكان اللي محد يعرفني فيه .. ما اتكلم كلامهم ولا اعرف عاداتهم ..
أبي وأنا مسافرة تمطر ، أبي المطر يغسلني ويغسل وسخ روحي ، ابي المطر يوديني لحياة ثانية صافية ، ابي المطر يساعدني إني أعيش أسمى حالاتي النفسية .. أبي المطر لروحي ولجسمي ، جسمي محتاج المطر يبلله ، محتاج يرطبه من الجفاف، أبي إذني تسمع صوت المطر وتنتعش ، أبي أذوق طعم المطر وتنفتح شهيتي لكل الاشياء .. ابي المطر يغسل راسي وتنزل معاه كل الذكريات السيئة .. أبي أجمع كل الذكريات السيئة وأطلعها من راسي المتعفن وأرميها لابعد مكان تقدر توصل له طاقتي .. وأرجع بدونها.
أبي ريحة المطر ريحتي ، أبي المطر لروحي ولكل شيء فيني .
ياربي سافروا وتركوني ، ياربي راحوا وما سألوا .. ياربي انا ابي اسافر واتركني زي ماتركوني ، واترك كل شي وراي ، مابي قدامي شيء ، ياربي راحوا وكلهم قسوة ، ياربي انا ابي أسافر وكلي قسوة وما اسأل باللي يقول لي ارجعي ، ومابي اسأل ع اللي فات ..
انا اللي تعثرت بحياتي كثير واللي عثرني مو حجر طريق ، انا اللي تعثرت بالناس اللي تفهمني وافهمها ، انا اللي تعثرت بالكلام، تعثرت بالنظرة ، تعثرت بالفكرة ،
انا اللي في فترة كل الناس ساعدوني وما ساعدت نفسي، انا اللي بقترة محد ساعدني وانا اللي ساعدت نفسي ، انا اللي الحين عندي القوة اني اترك كل شيء وأهاجر .
ياربي ارزقني سفراً ..
ya Allah, FREE me.

* الكولاج:
ألوان مائية – ورق جرايد بلغة ما أعرفها
ألوان خشبية ، ريبون منقط
قلم اسود خطاط – كراس ملون.

كل شي في هالعمل مقصود، من ادق التفاصيل لأكبرها

* اللي بيرد ويمدح المجتمع ويقول كلام من هالقبيل ، مايحتاج ترا

بقد كل الأيام اللي جمعتني فيكم بهالمكان ، وبقدر كل شعور حلو عشته معاكم في البوستات والكومنات ، وتواجدكم اللي دايمن يدفعني للقدام ..
على عدد الحروف اللي انكتبت ، انا احبكم واتمنى لكم شهر مبارك ..
كلمن باسمه اللي علق واللي بس مر واللي زار ، اللي عجبه المكان او ماعجبه ..
اللي علق بكلمة حلوة ، اللي نصح ، اللي خانق ، لكل العابرين ….
كل سنة وانتو الطيبين اللي مايغيرهم شيء .. كل سنة وانتوا المارين من هنا داااايمن